radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
އަޒިމަ
ނ ފަންޑިތާގައި ބޭނުންކުރާ އިސްމުތަކެއް މިއީ ޢަބުރާނީ އިސްމުތަކެއް ކަމަށް ބުނެއެވެ މިއަށް ޢަޒިމަވެސް ކިޔައެވެ
އަޗާ
ނ (1) ފޮނިވާހަކަ (2) އ މީހަކު ހަދާފައިއޮތް އެއްޗެއް ނުވަތަ ދެއްކި ވާހަކައެއް ނުވަތަ ކުރިކަމެއް ރަނގަޅުވެގެން ބުނެއުޅޭ ބަހެއް މަލާމާތުގެ ގޮތުގައިވެސް މިބަސް ބޭނުންކުރެއެވެ
އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
އާނޅެޔޯ
އ މީހަކު ރަށަކަށް އައިމާ ނުވަތަ ކަމެއްގައި ކާމިޔާބު ވީމާ މަރުޙަބާގެގޮތުގައި ގޮވައިލާ ބަހެއް ސާބަހުގެ މާނައިގައި ވެސް މިބަސް ބޭނުންކުރެއެވެ
އާނޅޭ
އ (1) ޢަޖާއިބުކަން ފައުޅުކުރުމަށާއި އުފައު ފައުޅުކުރުމަށް ބައެއް މަޤާމުގައި ބުނާ ބަހެއް. (2) އިންތިޒާރުކޮށްހުރިކަމެއް ތިމާއެދޭ ގޮތަށް ނުވަތަ އެއަށްވުރެވެސް ރަނގަޅަށް ވީމާ ބުނާ ބަހެއް
އާނދޮގޭ
އ އެހެންހޭ ރުޅިއައިސްގެން ދޫނުކުރުމުގެ ގޮތުންވެސް މިބަސްބުނެއުޅެއެވެ
އާރޮސް
ނ ކަށިކޭލުގައި ހިލާ ބާވަތެއްގެ ގިތެޔޮނުލައި ހަލުވާއެއް. މިބަބުކޭލާއި އަލާގައިވެސް ހަދައެވެ. މިހުންނަނީ ހިކި ކެޔޮފަތަށް ލައިފައެވެ. މިގިނައިން ހަދަނީ ހުވަދު އަތޮޅު އައްޑު އަތޮޅު ފުވައްމުލައް މިތަންތާގައެވެ
އާވިއަނބު
ނ ނަރުހިމަ މޮޅުއަނބެއް މިއަނބު ދޮންވާއިރުވެސް ބޭރުގައި ދޮންކުލައެއް ނުޖަހައެވެ ބައެއްމީހުން މިއަށް "ޖާފްނާއަނބު" ވެސް ކިޔައެވެ މީގައި އާވިރަހައެއް ހުރެއެވެ
އިހަށް
ނ (1) ކުރިން (2) ބައެއް ފަހަރަށް (3) "އިރުކޮޅަކު" "އަދި" މިދެބަހުގެ މާނާގައިވެސް މިބަސް ބުނެއެވެ
އިހަކަށްދުވަސް
ނ ދެތިން ދުވަހެއްގެ ކުރި މީގެ ވަކިމުއްދަތެއް ކަނޑައެޅިފައި ނޯންނާނެކަމުން ބައެއް ފަހަރަށް ތިންހަތަރު އަހަރުގެ ކުރިޔަށްވެސް މިބަސް ބޭނުން ކުރެއެވެ
)މިސާލުބަހެއް( އިހުގައި ހުކުރު ހެދުމަކީ ހުކުރަށް ގޮސްފައި އައިސް ބާލައިފައި ފޮރުވާ ހެދުމެކެވެ މިހެންވެ އިރުވައިގެ ވިއްސާރަވެސް ދާދި އަވަހަށް ސާފުވެގެން ދާތީ މިސާލެއްގެ ގޮތުން މިހެން ބުނަނީއެވެ އިރުވައިވިއްސާރައެކޭހުކުރުހެދުމެކޭ އޮއްގޮތެވެ
އިރުވައިވިއްސާރަ
ނ އިރުވައި މޫސުމުގެ ވިއްސާރަ މިވިއްސާރަ ދާދިއަވަހަށްވެސް ސާފުވެދެއެވެ
އިމާމާ
ނ (1) ވަކިބައެއްގެ ޚާއްޞަ އިމާމު (2) އަންހެނުންގެ ޖަމާއަތުގައިވެސް ހުންނަމީހާ
އިލި
ނ ދެއެއްޗެއް ހަރުކުރާއިރު މޮހޮރުގެ ބަދަލުގައި ޖަހާން ލަކުޑީން ފޯލިކޮށް އެއްކޮޅަށް ހިމަކޮށް ހަދާ އެއްޗެއް އޮޑިދޯނިފަހަރު ބަންނައިރު ގިނައިންޖަހައި އުޅެނީވެސް މިއެވެ
އިލޮށިފަތި
ނ ކުނިކެހުމާ އަދިވެސް ބައެއް ބޭނުމަށްޓަކައި ބަނދެފައި އޮންނަ އިލޮށިބޮނޑި
އިލޮށިޖެހިކެޔޮ
ނ (1) ބަނބުކެޔޮ މަޑުކުރާ އިރު މަޑުވެއްޖެތޯ ބަލާން އިލޮށި ހަރާފައި ނަގައި ކާލާ ކެޔޮކޮޅު (2) މަޖާޒު: ކޮންމެވެސް ބޭނުމަކަށް ތައްޔާރުކުރާ އެއްޗެހީގެ ތެރެއިން އެގޮތް މިގޮތަށް ނެގޭ ތަކެތި
އިސާރަތްކުރުން
މ ކޮންމެވެސް ލިސާނަކުން އަންގައިލުން
އިސްތަށި
ނ ބޮލުގައްޔާއި އަދިވެސް ގައިގެ ބައެއް ތަންތާނގައި ފަޅައިފައި ހުންނަ ހިމަ ދިގު އެއްޗެއް މިހުންނާނީ ނަރުތަކެއްގެ ސިފައިގައެވެ އާންމު ގޮތެއްގައި އޭގެ ކުލަ ކަޅު ނަމަވެސް އެހެން ކުލަ ކުލައިގައި ހުންނަ އިސްތަށިވެސް ހުރެއެވެ ޖަނަވާރުގައި މިގޮތަށް ފަޅައިފައި ހުންނަނީ ކެހެރިއެވެ
އިސްޓޭމްޕް
ނ (1) ޕޯސްޓުން ފޮނުވާ އެއްޗެހީގައްޔާއި ރަސްމީބައެއް ލިޔުން ތަކުގައްޔާއި އަދިވެސް އެފަދަ ބައެއް އެއްޗެހީގައި ހިއްޕަން ހަދައިފައި ހުންނަ އެއްޗެއް މިއީ އެއްފަރާތުގައި ތެރަސްލާފައި އަނެއްފަރާތުގައި ބައެއް ކުރެހުމާއި އަގުޖަހައިފައި ހުންނަ ޗާޕްކުރި ކަރުދާސްކޮޅެއް (2) އިސްޓޭމު
އިސްޕަންޖު
ނ (1) ނުހަނުލުއި މަޑުއެއްޗެއް މީގެ އެތެރޭގައި ވަރުވަރުގެ ލޯވަޅުތައް ހުންނާނެއެވެ މިއީ ގައި އުނގުޅުމަށްވެސް ބޭނުންކުރާ އެއްޗެކެވެ (2) ހުހިވައް