radheef.info
ރަދީފު


ވާ
ނ (1) "ވައު" ބަލާ! (2) އ. ބައެއް ތަންތާނގައ ި "ވެސް" ގެ މާނައިގައި ބުނެއުޅޭ އަކުރެއް މިސާލު: ތިޔައީވާ ބޮޑުކަމެއްނޫނެވެ (3) ދަތިނޫންކަމެއް ނުވަތަ ބޮޑުނޫން ކަމެއްކަން އެންގުމުގެ މާނައިގައިވެސް މިއަކުރު ބޭނުން ކުރެއެވެ މިސާލު: އޭނާވާ އަތުވެދާނެއެވެ
ހިތްގަދަކަން
ނއނ (1) އަނެކާއަށް ލިބޭ ހިތާމައަކުން ނުވަތަ ހާނީއްކައަކުން އަސަރު ނުކުރާކަން (2) ކޮންމެ ފަދަ ކަމެއް ކުރުމަށްވެސް ޖެހިލުން ނުވާކަން
ހިތްސާފު
ނއ (1) ރުޅިއެއް ހަސަދައެއް ހިތުގައިނުވާ (2) އިޚްލާޞްތެރި
ހިތްސާފުކަން
ނއނ (1) ރުޅިއެއް ހަސަދައެއް ހިތުގައި ނުވާކަން (2) އިޚުލާޞްތެރިކަން
ހިތްސާފުކުރުން
މ (1) ހިތުގައިވާ ރުޅިވެރިކަން ފިލުވައިލުން (2) ހިތުގައިވާ ހަސަދަވެރިކަން ފިލުވައިލުން (3) ހިތުގައިވާ ފޫހިކަމާއި ނަފުރަތު ފިލުވައިލުން
ހިތްސާފުވުން
މ (1) ހިތުގައިވާ ރުޅިވެރިކަން ފިލުން (2) ހިތުގައިވާ ހަސަދަފިލުން (3) ހިތުގައިވާ ފޫހިކަމާއި ނަފުރަތުނެތުން
ހިލަ
ނ (1) ޤުދުރަތީގޮތުން ބިމުގައި އުފެދޭ މަޢްދަނީ ހަރުއެއްޗެއް މީގެ ކިތަންމެ ބާވަތެއް ހުރެއެވެ ގިނަބާވަތް ބާވަތް ގަލަށްވުރެން ހަރުވެފައި ބަރެވެ މީގެ ބައެއް ޒާތްޒާތަކީ ނުހަނު އަގުބޮޑު އެއްޗިއްސެވެ ބާވަތްބާވަތުގެ ޖަވާހިރަކީވެސް ހިލައިގެ ތެރެއިން ހިމެނޭ އެއްޗެއްސެވެ (2) ބައެއް ފަރުބަދަ އުފެދިފައި ހުންނަ މާއްދާ (3) ހަށިގަނޑުގެ ތެރޭގެ ގުރުދާފަދަތަންތާގައި އުފެދޭ ކަށިނޫން ހަރުއެތިކޮޅުކޮޅު
)ފުރަތަމަ މީހާޔަށް ރައްދުވާގޮތަށް( ހިލަން
ނ (1) އެއްޗެއްގެ ލިސާން (2) އަލާމާތް (3) ޚަބަރު (4) "ހިލުން" މިބަހުގެ ވާކަން
ހިލަބިން
ނ ހިލައާއި ހިލަވެލިން ހެދިފައިވާ ބިން
ހިލަކަންފަތި
ނ ފަނިހަނދީގެ ބާވަތެއް މިބާވަތުގެ ހަނދި އާދައިގެ ހަންޖަށްވުރެ ދިގުވެފައި ކަންފަތްގަނޑު ވަކީން ދިގުވާނެއެވެ އެހެން ހަންޖަށްވުރެ މިމަހުގެ ކަޅުކުލަ ގަދަވާނެއެވެ
ހިލަކިހުނު
ނ ބައްޔެއްގެ ނަން. މިބަލީގައި ކުޑަކަމުދިއުން ދަތިވެ ބަނޑުގައިރިހި ކުރިމަތި ފަރާތުން ހިލަ ނުވަތަ ވެލިކަހަލަ އެއްޗެއް އަންނާނެއެވެ. އަޞްލުގައި ކިހުނުބައްޔާއި ހިލަ އުފެދޭ ބައްޔާއި މާބޮޑުގުޅުމެއް ނޯވެއެވެ ނަމަވެސް ދެބަލީގައިމެ އަވަސް އަވަހަށް ކުޑަކަމުދާން ޖެހިފައި ކުޑަކަމުދާއިރު ތަދުވާގޮތްވާތީ ހިލަކިހުނޭ ކިޔާފައިވަނީއެވެ
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިލަފުއްޕުން
މ (1) ހަށިގަނޑުގެ އެކިތަންތާނގެ މަސްގަނޑަށް އަރުވާ ބާރަކުން އާދަޔާ ޚިލާފަށް އެތަންތަން ހަރުކުރުން. (2) ފުލޯކުވާހަކައިގައި އަންނަ ޞިހުރުވެރީން އެއުރެންގެ ހަށިތައް ހަދާގޮތެއް އެހެން ހެދުމަށްފަހު ކަނޑިއެއް ލޮންސިއެއް ނުވަންނަކަމަށް ބުނެވެއެވެ
ހިލާ
އތ (1) ކަމެއް ނުކުރުމުގެ މައްޗަށް ނުވަތަ ވިޔަނުދިނުމުގެ މައްޗަށް ހުރި ގަދަކަން ދެއްކުމަށް ބުނާބަހެއް މިސާލު: )ހ( ހިލާނުދާނަން )ށ( ހިލާތިއަހެނެއްނުވާނެ (2) ހިލުން މިބަހުގެ އަމުރު
ހިލިހިލާ
ނ (1) ދަގަނޑުޗޭނު (2) ދަގަނޑުން ހަދައިފައިވާ ފަލަކެވެލި
ހިލުން
މ (1) ހަލަމުން ކައްކައި އޮލަކުރުން ނުވަތަ މިގޮތަށް ކައްކައި ހިއްކުން މިސާލު: )ހ( މެޓާހިލުން )ށ( ހަކުރުހިލުން (2) މީހާ އާދައިގައި ހުންނަ ވަރަށްވުރެން އަނގަގަދަވެ ސަމާސާ ބޮޑުވުން (3) ބަޔަކު ސިހިގެން ގޮތްގޮތަށް އުޅެގަތުން (4) ބަޔަކު ޤަވާޢިދާ ޚިލާފަށް ނުކުމެގެން އުޅެގަތުން (5) ނަގިއްޔާއި ފަނާފަދަ ބުރަތަކެތި އޮތްތަނުން ގުޑައިލުން (6) ފާޅުވެގަތުން މިސާލު: )ހ( ލޭނާރު ހިލުން )ށ( ރޯގާ ހިލުން )ނ( ކުރަފިހިލުން (7) ދިރޭބޮލި ފަޅުތެރޭން ހޮވުން (8) އޮށްވަޅު ކުޅުމުގައި ގޮނޑީގެ ވަޅެއް ހުސްކޮށްނެގުން
ހިލޭހުރުން
މ (1) ހިމޭނުން ހުރުން (2) ވާހަކަނުދައްކާ ހުރުން (3) ޅަކުއްޖާއަށް އެކަނި ހުރެވުން (4) ތަނެއްގައި ކުއްޔެއްނުދީ ހުރުން
ހިސް
އ ޖަނަވާރު ފައްސައިލަން އިއްވައިލާ އަޑެއް
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަނިއެޅުން
މ (1) އެއްޗެއްގެ އަނދިރި އަނެކައްޗަކަށް އެރުން. (2) މީހެއްގެ އަނދިރި ނުވަތަ އެއްޗެއްގެ އަނދިރި މީހަކަށް އުނދަގޫވާގޮތަށް ފޯރުން (3) މޫނުބަލާ ލޯގަނޑުފަދަ އެއްޗެއް މެދުވެރިކޮށްގެން ތަނަކަށް ނުވަތަ އެއްޗަކަށް އަލިއެރުވުން (4) ފެންގަނޑެއްގެ ތެރެއިން ނުވަތަ މޫނުބަލާ ލޯގަނޑެއްފަދަ އެއްޗަކުން މީހެއްގެ ނުވަތަ އެއްޗެއްގެ ސޫރަ ފެންނަން ހުރުން
ހިޔަންޏަށްމުޑިނުނަގާށޭ
)ހަރުބަހެއް( ކަމަކަށް ނުވާކަހަލަ ކަމަކާމެދު ބިރުގަތުމަށާ އެއްވެސް ޙަޤީޤަތެއްނެތް ކަންކަމާ ޖެހިލުމުން ދޫކޮށްލުމަށް ބުނެއުޅޭ ބަހެއް