radheef.info
ރަދީފު


ވަސް
ނ (1) ނޭފަތުން ކުރެވޭ އިޙުސާސް. މިސާލު: މީރުވަސް ނުބައިވަސް (2) ދެފުރާޅަށް ހިޔާކުރާ ތަންތާގެ މަތިވަޑާން ގަނޑުގެ މެދުގައި ކޮޅަށް ޖަހާފައި ހުންނަ ތޮނަތަކުގެ މަތީގައި އޮންނަ ވަކަރު (3) އުދޯލިފަދަ އެއްޗިހި އެލުވާފައި އޮންނަ ހުރަސް
ފަނިކަސް
ނ ކުޑަކުދިންގެ އަތްތިލައިގެ ދެހަން ދޭތެރޭގައި އުފެދޭ ކަހެއް މިކަހުގައި ހުދުކުލައިގެ ފަންޏެއްވެސް ހުރެއެވެ މިކަހަށް ފަރުވާ ނުލިބި ގިނަދުވަސް ވެއްޖެނަމަ މުޅި ގައިންވެސް ނަގާގޮތް ވެއެވެ
ފަންކާކިނާރި
ނ ކަސަބުން ވިޔެފައި ހުންނަ ކިނާރިއެއް. މިހުންނާނީ ވަށްބުރެއްގެ ދެފަޅިކޮށް އެއްފަޅިހެން ހުންނަ ފުއްޕުންތަކަކުން އެކުލެވިގެންވާ ފަންކާތަކެއް ހެންނެވެ. ކަސަބު ބޯވަޅު އެޅިދުވަސްވަރު ވައް ބަގިޔާގެ ބަދަލުގައި މީގެ ފަށެއް ތިރީ ކައިރީގައި ޖައްސައިގެން އަޅާ އުޅުނެވެ
ފަންކޯރިބަނުން
މ ފުރާޅުގެ ތެރެއިން މައްޗަށް އަރައިފައި ހުންނަ ގަސްގަހާއި ވަސްމުޑި ފަދަ އެއްޗެހީގައި ބިންފަތްގަނޑެއްގެ ހުނގުލު ރޯނުން ތިރި ފުރާޅުމަތީގައި ޖެހޭނެހެން އެފަންގަނޑެއް އެއެއްޗެއްގެ ވަށައިގެން ބާރަށް އޮޅާ އެއްސުން
ފަންޏަށްލުން
މ (1) ދުވަސް ނުފުރާ ވިހާ ކުއްޖާއަށް ނުވަތަ ވިހާއިރު ވަރުދެރަ ކުދިންނަށް ހޭހަން ކުރުމަށް ހަކުރު ފަނީގައި ބޭއްވުން (2) ޣުލާބުޖާނު ފަދަ ފޮނިކާއެއްޗެހި ފަނީގައި ބެހެއްޓުން
ސަފުހާ
ނ (1) ފަތްފުށް (2) ކަރުދާސް ގަނޑެއްގެ އެއްފަރާތް (3) މަޖާޒު: ޙަޔާތުގެ ދުވަހެއް ނުވަތަ ވަކި ދުވަސްވަރެއް
ސޮޓުޖެހުން
މ ބައެއް ކުޅިވަރުތައް ކުޅޭއިރު އަވަސް ހަރަކާތާއެކު ދޭ ވަރުގަދަ ހަމަލާ
ފަރިހި
ނ (1) ހަޖޫ ކިއުމާއި ސަމާސާގޮތް ހުންނަޅެން (2) އެއްދުވަސް ވަރެއްގައި ޅެމަށް ކިޔައި އުޅުނު ނަމެއް
ފަރުހަކިމަސް
ނ (1) މޫދުގައި ހުންނަ ގައު ފަދަ އެއްޗެހި އެއްގަމަށް އެރުވީމާ އެއެއްޗެހިން ދުވާވަސް (2) ދިޔަވަރު ހިކުނީމާ ފަރުމަތިން ދުވާވަސް
ފަރުފޮއި
ނ ފަރުހިލޭވަރަށް ދިޔަވަރު ހިކޭ ދުވަސްވަރު
ފަރޮތުޅާވަހަ
ނ )ޏ ( (1) ފަރުމަހުގެ ފިއްލެޔޮވަސް (2) ފަރުމަސްވަސް
ފަޅުކޮއްތު
ނ (1) ދަތުރުކުރާ އުޅަނދެއް ބަނދަރުކޮށްގެން އޮންނައިރު ފަޅު ވެރިންނަށް އެއުޅަނދުން ދޭ ކެއުން (2) ސަރުކާރުގެ އުޅަނދު ފަހަރު ބަނދަރުގައި އޮންނަ ދުވަސްވަރު ފަޅުވެރިންނަށް ދޭ ކާޑު
ފަޅުވަޅު
ނ ބޭނުން ނުކޮށް ގިނަދުވަސް ވެފައި ހުންނަ ވަޅު
ފަކީރުކުދިން
މ (1) އަތްމަތި ތަނަވަސް ނޫން މީހުންގެ ދަރިން. (2) މައިންބަފައިން މަރުވެފައިވާ ނުވަތަ އެފަދަ ފަރާތެއްގެ އެހީން މަޙުރޫމް ވެފައިވާ ކުޑަކުދިން (3) ޔަތީމު މިސްކީނު ކުދިން (4) ނިކަމެތި ކުދިން
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފަތުރަތު
ނ (1) ދެކަމެއްގެ ނުވަތަ ދެ ޒަމާނެއްގެ ދެމެދުގައި ހޭދަވާ ވަގުތު. (2) ރަސޫލު ބޭކަލެއްގެ ޒަމާން ވޭތުވެގޮސް އެބޭކަލެއްގެ ރިސާލަތު އޮޅުމަށްފަހު އަނެއް ރަސޫލުބޭކަލަކު ފޮނުއްވުމާ ދެމެދުގައި ހޭދަވާ މުއްދަތު (3) މަޖާޒު: ކަމެއް ހީނަރުވެފައި އޮންނަ ދުވަސްވަރު
ފަސޭހަ
ނ (1) އުނދަގުލެއް ނެތް (2) ދަތިކަމެއްނެތް (3) ބަލިންވާ ގަދަ (4) ލުއި (5) ތަނަވަސް
ފަސްހެޔޮދުވަސް
ނ ހެޔޮ ފަސްދުވަސް. މިއީ ހަތަރު ބޯފޮޅި ދުވަހާއި ރަމަޟާން މަހު އޮނަތިރީސް ވަނަ ދުވަހެވެ
ފަސްބޮންތިދިމާވުން
މ )ސ ( ހުރިހާ ފަރާތަކުން ތަނަވަސްކަން ލިބިގެންވާ މީހާއާ މެދު ޖަހާ މިސާލެއް
ފަސްޙިއްސު
ނ އިވުމާއި ފެނުމާއި ރަހަލުމާއި ވަސްދުވުމާއި އެނގުން މިއީ އިޙުސާސުގެ ފަސްބައެވެ
ފަޑިދަޓުފެލެޔާ
ނ )ގ ( އޮޑިދޯނިފަހަރު މަތިކަންމަތީ ޖަހައިފައި ހުންނަ ފަޑިއާ މަތިކަނާ ދޭތެރޭ ޖަހާވަގުތީ ފިލައެއް މިފިލާ ޖަހަނީ ގަދަ ދުވަސްވަރުއެވެ