radheef.info
ރަދީފު


އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
ގބ "ލައްގާނީ ލައްގާހުރައަކަށެވެ." )މުސްކުޅިބަހެއް( ރަނގަޅު މަގާމާއި ރަނގަޅު ކަންތައް ލިބޭނީ އަބަދުވެސް އެކަންކަން ލިބޭ މީހުންނަށޭ ނުލިބޭ މީހަކަށް ނުލިބޭނެއޭ ބުނުމަށް ބޭނުންކޮށް އުޅޭ ބަހެއް ލައްގާނީ ލައްގާ
ލާހިފުން
މ (1) ކަމަކަށް ބާރުލައި އަލުން ހިފުން (2) ގުންބާއިން ތެޔޮފަދަ އެއްޗެހި ނަގާއިރު ނުވަތަ ގުންބާއިން ވައިޖަހާއިރު އޭގައި ފޯރިހިފުން
ލާފެންކުރުން
މ (1) ކުލަ އަޅައިގެން ތަޅައިފައި ހުންނަލާ ލާޖަހަން ބޭނުން އެއްޗެއްގައި ހޫނުކޮށްފައި ޖަހަމުން ފަތުރައި އޮމާންކޮށް އޮފު އެރުވުން. (2) އެއްޗެއްގައި ލާހިންގައި އޮފުއެރުވުމަށްފަހު ތަފާތު ކުލަކުލައިން ތައްޔާރު ކޮށްފައިވާ ލާ ހޫނުކޮށް އޭގެ ހިމަފަށްތައް ބޭނުން ވަރަކަށް ދަމައިފައި އެ އެއްޗެއްގައި އަތުރައި ލަކުޑި ވަޅިއަކުން އެފަށްތަކުގައި ކުރެހުން އުފައްދައި ކެޔޮފަތުން އޮފު އެރުވުން
ލިހިލިހި
ކއ ނޭވާ ހޮޅިއަށް އެޅިފައި މިސާލު: އޭނާއޮތީ ނޭވާޔަށް އުނދަގޫ ވެގެންގޮސް ލިހިލިހިއެވެ
ލިޔެލާޖެހުން
ނ ލަކުޑިގަނޑެއް ދިގު ހަރުގައި އަޅައިގެން ލިޔާ ކަށްޓަކުން ކޮށައި އެއަށް ގަސްތުކޮށްފައިވާ ސިފަޔެއް ގެނެސް އޭގައި ލާހިއްޕުން
ލުމަ
ނ (1) އުއިކޮށާ ނުވަތަ ރޮދިއޮޅާ ސަރަކައިގެ ފޯއްޔެއް ނއ (2) ތެދަށްހުރި އެއްޗެއްކަން އަންގައިދިނުމަށް ބުނާ ބަހެއް މިސާލު: )ހ( ތެދުލުމައެއް ހެން ހުރި ރުކެއް )ށ( އޭނާގެ ހަށިގަނޑު ހީވަނީ ތެދުލުމައެއްހެންނެވެ
ލެއިނާރު
ނ )ސ ( (1) ލޭހިނގާ ހޮޅި (2) ރަތްކުލައިގައި ހުންނަ ހިމަނާރު މިސާލު: އޭނާގެ ލޮލުން އެހެރީ ލޭނާރު ހިލިފައެވެ
ލޭނު
ނ (1) ކަނޑުގައި ދެކޮޅަށް ދެބޮއިލައިފައި މަސްހިފުމަށް އަޅައިފައި އޮންނަ ނަނުބައި. މީގައި ހުންނާނީ ތަންތަންކޮޅުން ފުރާވަރު އެލުވައި އޭގައި މިޔަވާލި ހަރުކޮށް ބުޅިލައިފައެވެ. (2) ކަރަންޓުލުމަށް ނުވަތަ ޓެލެފޯން ލުމަށް ދަމައިފައި އޮންނަ ނަރުބައި
ލޭބޯފަނި
ނ ވައިގައި ތެތްކަންކުޑަ ވަކިމިންވަރަކަށް ފިނި ސަރަޙައްދުގެ ވިނަ އާއި ތިރިގަސްތަކުގެ ތެރޭގައި އުޅޭ ފަންޏެއްެ. މިފަނި ހަރަކާތްތެރިވަނީ އޭގެ ދެކޮޅުޖައްސާ ހިންދެމޭގޮތަށް ފިރުކިގެންނެވެ. މިފަނި އިންސާނުންގެ ހަމުގައިޖެހުމުން ލޭބޮއި ހަދައެވެ. މިފަނި އިންސާނާގެ ހަށިގަނޑުން ނައްޓުވައިލަން އެންމެ ފަސޭހަގޮތެއް ކަމަށް އެނގިފައިވަނީ ގަދަކޮށް ގިރައިފައި ހުންނަ ލޮނުތިއްކެއް ޖައްސައިގެން ނުވަތަ ސައިބޯނި ލައިގެންނެވެ
ލޮނަށްލުން
މ އެކިއެކި ފަރުވާއަށްޓަކައި މޫދުލޮނު ގެނެސް އެއްޗަކަށް އަޅައި ބަލިވެއުޅޭ ކުއްޖާ ނުވަތަ މީހާ އޭގައި ބޭންދުން
ލޮނުގަދަކުރުން
މ ކާއެއްޗަކަށް ނުވަތަ ބޯ އެއްޗަކަށް ގިނައިން ލޮނު އަޅައިގެން އޭގައި ހުންނަންވާ ވަރަށްވުރެ ލޮނުގެ ރަހަ އިތުރުކުރުން
ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ގަނޑުފިއްލާކުޅުން
މ "ގަނޑުފިއްލާ" އޭ ކިޔާ ކުޅިވަރު ކުޅުން. މި ކުޅިވަރު ކުޅޭ ގޮތަކީ ކުޅޭ މީހުން ދެބަޔަކަށް ބަހައި ކުރިން ގަނޑުއަޅަން ދާމީހުންގެ ތެރެއިން އެކަކު ގަނޑަކަށް ހަދަން ކަންނެޔޮތަކާ ބާލީސްތައް އޭނާގެ ގައިމަތީ ބަހައްޓައި އެއްޗަކުން ނިވާކޮށް އެބައިގެ އެހެން އެންމެން ފިލާ ތިބެފައި އަތްތިލަބަޑި ޖެހީމާ އަނެއްބައިގެ މީހުން އައިސް ގަނޑަށް ގޮވައި މިވެނި މީހަކު ތެދުވާށޭ ބުނުމުން ދިމާވެއްޖެނަމަ ތެދުވަނީއެވެ ދިމާ ނުވެއްޖެނަމަ ލަނޑެއް ދެވުނީއެވެ
ގަރަންޓީ
ނ (1) އެއްޗެއް އޭގެ ފުރިހަމަ ކަންމަތީ ހުންނާނެކަމަށްދޭ ޔަޤީންކަމުގެ މުއްދަތު. (2) ރަހުނު. (3) މީހެއްގެ މައްޗަށް ކަމަކާމެދު ލިބިފައިވާ އިތުބާރު (4) ކަމެއް ވަކިގޮތަކަށް ވާނެކަމަށް އޮންނަ ޔަޤީންކަން
ގައިހެދުން
މ (1) ދޫނިސޫފާސޫފި އޭގެ ފަތްގަނޑު ރީތިކުރުމަށްޓަކައި ފިޔަގަނޑު ތަޅުވައި ތުނބުން ގައިގެ ފަތްތައް އޮމާންކުރުން (2) މަޖާޒު: ހެދުމާއި އިސްތަށިގަނޑު ރީތިކުރުމަށް އިރުއިރުކޮޅާ އެކި ގޮތްގޮތްހަދައި ފަރިބަލައިހެދުން
ގައުން
ނ ލައިގެން ހުންނަ ހެދުމުގެ މަތިން ލާން ބޭނުންކުރާ ބާވަތެއްގެ ހެދުމެއް. މީގެތެރޭގައި ނިދާހެދުމުގައި ތިބޭ އަންހެނުން ބޭރަށް ނުކުންނަންވީމާ ވަގުތީގޮތުންލާ ހެދުމާއި އެކިކަންކަމަށް ޚާއްޞަވެފައި ތިބޭ މީހުން )ވަކީލުން ފަނޑިޔާރުން އޮޕަރޭޝަން ތިއޭޓަރުގައި އުޅޭމީހުން( ނާއި ޢިލްމުވެރިން )ޕްރޮފެސަރުން( ބޭނުންކުރާ ބާވަތް ބާވަތުގެ ހެދުން ހިމެނެއެވެ
ގައުސް
ނ (1) ހަމްލުރާހީގެ ނުވަވަނަ ރާހި (2) ލިޔުމުގައި ބޭނުންކުރާބަހެއްގެ އިތުރު ތަފުޞީލް އޭގެތެރޭގައި ލިޔުމަށް ބޭނުންކުރާ ނިޝާން ) ( (3) ލިޔުމުގައި ބޭނުންކުރާ ބުރަކެޓް
ގަދަހާލަކު ފިނދެއް ނުހުންނާނެ
)މުސްކުޅިބަހެއް( ކަމަކަށްމޮޅު މީހެއްގެ އަތުގައި އެކަމެއްގެ ސާމާނުނެތަސް އެއީ އޭނާގެ ދެރަކަމެއް ނޫންކަން އެންގުމަށް ބުނެއުޅޭ ބަހެއް
ގަގުނަސްދޫނި
ނ ރީތިކޮށް ރާގުކިޔާ ކުލަރީތި ދޫންޏެއް އޭގެ ތުންގަނޑުގައި 063 ލޯވަޅު ހުންނަކަމަށް ބުނެވެއެވެ ކޮންމެ ލޯވަޅަކުން ރާގެއް ނުކުންނަކަމަށް ބުނެވެއެވެ މިއީ ޚީޔާލީ ދޫންޏެކެވެ
ގަޑަގަޑަ
ނ ބައެއްކަހަލަ ކަންތައް އޭގެ އެންމެ ބާރުމިނުގައި ވުމަށް ކިޔައި އުޅޭ ގޮތެއް މިސާލު: )ހ( ގަޑަގަޑައަޅައިފައި ކެކުން )ށ( ގަޑަގަޑައަޅައިފައި ދިއުން