radheef.info
ރަދީފު


އެއްޗެހި
ނ (1) ސާމާނު (2) ތަކެތި (3) އަންނައުނު
ފީހޮވުން
މ (1) އެއްޗެހިތަކެއްގެ ތެރެއިން ކަމުނުދާ އެއްޗެހި ވަކިކުރުން (2) މަޖާޒު: މީހުންތަކެއްގެ ތެރެއިން ކަމުނުދާ މީހުން ވަކިކޮށްލުން
ފީރު
ނ އެއްޗެހި ގާނައި އޮމާންކުރުމަށާއި ހުނިގޮނޑި ތިލަ ކީސް ފަދަ ތަކެތި ތޫނު ކުރުމަށްޓަކައި އެކަތައިން ހަދައިފައި ހުންނަ ހަތިޔާރެއް. މީގެ ދެތިން ހަތަރު ވައްތަރެއް ހުރެއެވެ. މިސާލު: ތިންއަރިފީރު އޮނުފަޅިފީރު ފަތިފީރު ގަސްގާނާފީރު
ފީކަންފަތް
ނ (1) ފީ ރުއްބުޑާއި ފީ ލަކުޑި ފަދަ އެއްޗެހިން ފަޅާ އެއްޗެއް މި ހުންނާނީ ކަންފަތެއްގެ ސިފައިގައި އެއްފަޅިއަށެވެ (2) ހަޑިކަންފަތް
ފީފާ
ނ ޑީސަލާއި ޕެޓްރޯލާއި އިސްޕިރެޓް ފަދަ އެއްޗެހި އަޅައި ދެކޮޅު ބަންދުކޮށްގެން ރާއްޖޭން ބޭރުން ގެންނަ ދިގުކޮށް ވައްކޮށް އޮންނަ އެއްޗެއް
ފީފިލުން
މ ކުކުޅާއި އަސްދޫނި ފަދަ އެއްޗެހި ބިސްއަޅައިގެން ނުވަތަ ވިހައިގެން އުޅޭއިރު މައި އެއްޗަށް ވެފައި ހުންނަގޮތް ރަނގަޅުވުން
ފީފިލުވުން
މ ކުކުޅާއި އަސްދޫނި ފަދަ އެއްޗެހި ފީވެގެން އުޅޭގޮތް ކަނޑުވާލުން
ފުށަހި
ނ އަތްކަން ކުރާމީހުން ތައްގަނޑަކަށް އަޅައިގެން ގޮށެއްގެ ސިފައިގައި ހަދާ އެއްޗެއް. މިނަމޫނާއަށް އަނގޮޓިއާއި ގަމީހުގެ އަތުކުރީގައިލާ ގޮށްފަދަ އެއްޗެހި ހަދައެވެ
ފުށުވާ
ނ ފުރާ ދުއްވާ އެއްޗެހި އަޅާއިރު އެއްގަމަށް ހިފާވާ
ފުށްގަނޑު
ނ (1) މޮޑެފައި ހުންނަ ފުށް. (2) މަޖާޒު: ދޫނި ސޫފާސޫފީގެ ޅައެއްޗެހި. މިސާލު: މާކަނާ ފުށްގަނޑު ހޯގުޅާ ފުށްގަނޑު (3) ސަމައްތަރު ހެޔޮކުޑަ ކުދިންނަށް ލޯބިން ކިޔާނަމެއް
ފުނަފަތި
ނ ރުކުފަތިން ވިޔެފައި އޮންނަ ކުޑަ ދަބަހެއް )މިއީ މަލިކު މީހުން ދުފާއެއްޗެހި އަޅައިގެން ގެންގުޅޭ އެއްޗެކެވެ
ފުނަޖެހުން
މ (1) ބެރާއި ތާރަ ފަދަ އެއްޗެހި ޖަހާއިރު މާނައިގެ ތެރެއަށް ދަނޑިވަޅެއް އިތުރުކުރުން. (2) ވާހަކަ ދައްކާއިރު ބަހުގެ ކުރިއަށް އަކުރެއް ދެއަކުރެއް އިތުރުކޮށްގެން ބަސް ބަދަލުކޮށްލުން. މިސާލު: ކާރު މައްކާރު ލަވަ ފައްލަވަ
ފުނާ
ނ ބޮލުގެ އިސްތަށިގަނޑު އޮމާންކުރުމަށް ބޭނުންކުރޭ ދަތްބަރިއެއްލައިފައި ހުންނަ އެއްޗެއް. މިހަދައިފައި ހުންނަނީ ކަހަނބުފަތް ޕްލާސްޓިކް ފަދަ އެއްޗެހިންނެވެ
ފުނި
ނ (1) އުސްކޮށް ހުންނަ ގޮތަށް އޮއްސައިފައި ހުންނަ އެއްޗެހިތަކެއް މިސާލު: ވެލިފުނި ގާފުނި ދަރުފުނި (2) މީހުންގެ ބައިބައިގަނޑު (3) )ސ ( ރާއެރީން ރުކުގެ އެތުގައި ފުރަތަމަ ލާ އުނބު (4) ގިނަ
ފުނިއެރުވުން
މ އެއްޗެހިތަކެއް މަތިމައްޗަށް ތާކަށް އެޅުން
ފުނިޖެހުން
ނ (1) އެއްޗެހިތަކެއް މައްޗަށް އުސްވާގޮތަށް މަތިމައްޗަށް އެޅުން (2) ތަނަކަށް އާދަޔާ ޚިލާފަށް ގިނަ ޢަދަދަކަށް މީހުން އެއްވުން (3) މަޖާޒު: މަސައްކަތްތަކެއް ނުކުރެވި ގިނަވެފައި ހުރުން
ފުންމައިގަތުން
މ (1) ގަޔަށް ބާރުލައި ހުރިތާކުން މުޅިހަށިގަނޑު މައްޗަށް އުފުލޭގޮތަށް ޙަރަކާތްކުރުން (2) މަޖާޒު: ރުޅިވެރިކަމާއިއެކު އަނެކަކާ ދިމާއަށް އެއްޗެހި ގޮވައިގަތުން
ފުންޏަކަށްޖެހުން
މ އެއްޗެހިތަކެއް އެއްތަނަކަށް މަތިމައްޗަށް އެޅުން
ފުރާނާތަކެތި
ނ (1) މުސްކުޅި އެއްޗެހި (2) ބާއެއްޗެހި
ފުރާލުން
މ (1) ކަންވާރަކަށް އެއްޗެއް އަޅަމުންގޮސް ތުނބާހަމަކުރުން (2) ތަނަކަށް އެއްޗެހި ވައްދަމުން ގޮސް އިތުރު އެއްޗެއް ނުވެއްދޭވަރުކުރުން
ފުރިބާރުވުން
މ (1) އެއްޗަކަށް ތަކެތި އެޅެންހުރި އެންމެ ގިނައެއްކޮށް ތަކެތި އެޅުމުން އެވާގޮތްވުން. (2) ތަނެއްގައި ޖާގައޮތް އެންމެ ބޮޑުމިންވަރަކަށް ނުވަތަ އެއްޗެހި ވެއްދުމުން ނުވަތަ ވަނުމުން އެވާގޮތްވުން (3) އުޅަނދަކަށް މީހުންނާއި ތަކެތި އެރުވެންއޮތް އެންމެ ގިނައެއްކޮށް އެރުވުމުން އެވާގޮތްވުން