radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ބައިބެލިކޭން
ނ ވިލިވިއްޔަށް ބަހައިގެން މަސައްކަތްކުރާއިރު ބަޔާހަވާލު ވެފާވާމީހާ އެބަޔަކަށް ދޭ ކޭން
ބައިކޯޓް ކުރުން
މ ކޮންމެވެސް ސަބަބަކާއި ހުރެ ނުރުހިގެން ބަޔަކަށް ދަތިކުރާން އެބަޔަކާ ހުރި ގުޅުންތައް ވަގުތީ ގޮތުން ކަނޑައިލުން
ބައިވެރިކުރުން
މ (1) ބައިވެރިޔަކަށް ހެދުން (2) ބައެއްގައި އެކުލެވުން (3) ކަމެއް ކުރާ މީހުންގެ ތެރޭގައި ހިމެނޭ މީހަކަށް ހެދުން
ބައިތުބާޒީ
ދެމީހެއްގެ ނުވަތަ ދެބައެއްގެ ދެމެދުގައި ވާދައަށް ޅެންބައިތު ކިއާކިއުން. އެކަން ކުރާ ގޮތަކީ އެއްކޮޅުން އެކަކު ޅެންބައިތެއް ކިއުމުން އެބައިތު ހުއްޓުނު އަކުރަކުން އަނެއްކޮޅުން އަނެކަކު ޅެންބައިތެއް ފަށައިގެން ކިޔަނީއެވެ
ބައްދަލު
ނ (1) އެކަކު އަނެކަކާ އެއްތަންވާ ވުން (2) އެކަކު އަނެކަކާ ދިމާވާވުން (3) ދޭއްޗެއް އެއްތަންވާވުން (4) ކަމަކާ މަޝްވަރާ ކުރާން ބަޔަކު އެއްތަނަކަށް އެއްވާ އެއްވުން
ބައްދަލުކުރުން
މ (1) އެކަކު އަނެކަކާ އެއްތަން ކުރުން (2) އެކަކު އަނެކަކާ ދިމާ ކުރުން (3) ދޭއްޗެއް އެއްތަން ކުރުން (4) ކަމަކާ މަޝްވަރާކުރާން ބަޔަކު އެއްތާކަށް އެއްކުރުން
ބައްދަލުވުން
މ (1) އެކަކު އަނެކަކާ އެއްތަންވުން (2) އެކަކު އަނެކަކާ ދިމާވުން (3) ދޭއްޗެއް އެއްތަންވުން (4) ކަމަކާ މަޝްވަރާ ކުރާން ބަޔަކު އެއްތާކަށް އެއްވުން
ބައްދާރަންކަރު
ނ ރަންރިހި ބެއްދުމަށާއި ބޭހަށް ބޭނުންކުރާ މައުދަނީ އެއްޗެއް
ބައްދާކުނޑި
ނ ރަންރިހީގެ ތަކެތި ބެއްދުމަށް ބޭނުންކުރާ ކުނޑިއެއް. މިއީ ރަނާއި ރިހީގެ ގަހަނާ ހަދާއިރު ދެއެއްޗެއް ނުވަތަ ބޮޅު ފަދަ ތަކެތި ބެއްދުމަށް ބޭނުންކުރާ ކުނޑިއެކެވެ. މީގެ ދެ ބާވަތެއް ހުރެއެވެ. އެއީ ރަން ބައްދާކުނޑި އާއި ރިހި ބައްދާކުނޑިއެވެ
ބައްދާވައްގަނޑު
މ އޮޑިދޯނިފަހަރުގައި އެން ދިރުވާން ޖަހާ ފިލާ ހަރުކުރާ ވައް މިގޮތުން ކޮޅުފަސްކޮޅާއި ދިރުނބާކޮޅުން ވެސް ބައްދައެވެ
ބައްތި
ނ (1) އަލިކުރާން ދިއްލާއެތި. މިސާލު: )ހ( އުށްބައްތި )ށ( ފުޅިބައްތި. )ނ( އަތްބައްތި )ރ( ނެރުބައްތި (2) އިލޮށި ގަނޑެއްގައި ފޮތިކޮޅެއް އޮޅައިގެން ރޯކުރަން ގެންގުޅޭ އެއްޗެއް
ބައްތި އެނބުރުން
މ (1) އިލޮށިގަނޑެއްގައި ފޮތިކޮޅެއް އޮޅައިގެން ބައްތިޔެއް ހެދުން (2) ދަތުރުކުރާ މީހުންނަށް ދައްކާން ހަދައިފައި ހުންނަ ބައްތީގެ އަލިއެނބުރޭ ގޮތްހެދުން
ބައްތެލިފަހަރު
ނ ބައްތެލި މިބަސް ގިނަކުރުމަށް ބޭނުންކުރާގޮތް
ބައްޕާފުޅު
ނ "ބައްޕަ" މިބަސް އެންމެ މާތް ބަހުން ބޭނުންކުރާގޮތް
ބަފާ
ނ (1) ބައްޕަ (2) އެމީހަކަށް ދަރި އުފަންވީކަމަށް ޝަރީޢަތް ޤަބޫލުކުރާ ފިރިހެންމީހާ
ބަދަލު
ނ (1) މީހަކު ނެތްތާކު އެމީހަކު ކުރަންވާ ކަންތައް ކުރަންހުންނަ އަނެކަކު (2) އެކައްޗެއްގެ މަޤާމުގައި ބޭނުންކުރާ އަނެކަތި (3) އެއްޙާލަކުން އަނެއްޙާލަކަށް ފުރޮޅިގެންދާ ފުރޮޅުން
ބަދިގެ
ނ (1) ކައްކާން އަޅައިފައި ހުންނަގެ (2) ކެއްކުމުގެ މަސައްކަތްކުރާ ތަން (3) ރާއަރާން ގެންގުޅޭ ބަދިތައް ލާފައި ހުންނަގެ
ބަދުދުޢާ
ނ އަނެކާއަށް ނުބައިގޮތްވުމަށް އެދިކުރާ ދުޢާ
ބަލަށް އެހެލުން
މ (1) ބާވެގެން ދެން ނުދުއްވާން އެއްގަމަށް އެރުވުން. (2) މަޖާޒު: ބޭނުންކޮށްގެން އުޅޭ އެއްޗެއް ދެން ބޭނުން ނުކުރާން ބެހެއްޓުން
ބަލަގަ
(1) ބަލާނދެ! (2) އމ ބެލުމަށް ކުރާ އަމުރު