radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
މަހިތާން
ނ ވިޔާއުއި ތައްޔާރުކުރާއިރު އުއިގަނޑު ހަރުކުރަން ލާތާން
މަންޒަރު
ނ (1) އެއްޗެއް ނުވަތަ ތަނެއް ފެންނަގޮތް (2) ތަންތަނުގެ ސިފަ ފެންނަގޮތަށް ކުރަހައިފައި ހުންނަ ކުރެހުން
މަރުތެޔޮ
ނ ދަގަނޑު ތެޅުމާއި މޮހޮރުޖެހުންފަދަ ކަންތަކަށް ބޭނުންކުރަން ދަގަނޑުން ހަދައިފައި ހުންނަ ދަނޑިލީ އާލަތެއް
މަރުޙަބާ
ނ (1) ބައްދަލުވުމުގެ އުފާ (2) އަނެކަކަށް ލިބޭ އުފަލެއްގައި ބައިވެރިވުމުގެ ގޮތުން އުފާ ފާޅުކުރަން ބުނާ ބަސް
މަކުނު ފިނދުން ވަލެއް ހުހެއް ނުވާނެ
)މުސްކުޅިބަހެއް( އެކަކުބުނާ ކޮންމެ އެއްޗަކަށް އެއްޗެއް ބުނެ ދޫނުކޮށް ޒުވާބުކުރަންފެށީމާ ބުނެ އުޅޭ ބަހެއް
މައިކު
ނ އަޑުތައް އިލެކްޓްރިކް ސިގްނަލްތަކަކަށް ބަދަލުކޮށްދޭ އާލަތެއް ގިނަފަހަރަށް މިބޭނުން ކުރަނީ އަޑު ދުރަށް ފޮނުވުމަށާއި އަޑުތައް ރެކޯޑު ކުރުމަށެވެ
މައްސަލަ
ނ (1) ޙައްލުކުރަން ނުވަތަ ނިންމުމެއް ނިންމަންޖެހޭ ކަމެއް (2) ނުރަނގަޅުކަމެއް (3) އުނދަގުލެއް (4) ހަމަނުޖެހުމެއް
މައްސަލަޖެހުން
މ (1) ހައްލުކުރަން ނުވަތަ ނިންމުމެއް ނިންމަންޖެހޭކަމެއް ކުރިމަތިވުން (2) ދީނީ ނުވަތަ ޤާނޫނީ ގޮތުން ޙުކުމެއް ކަނޑައެޅޭ ފަދަ ކަމެއް ކުރިމަތިވުން (3) ހަމަނުޖެހުން އުފެއްދުން (4) ކުށެއްޖެހުން
މައްސަލަޖެއްސުން
މ (1) ޙައްލުކުރަން ނުވަތަ ނިންމުމެއް ނިންމަން ޖެހޭ ކަމެއް ކުރިމަތި ކުރުން (2) ދީނީ ނުވަތަ ޤާނޫނީ ޙުކުމެއް ކަނޑައަޅަންޖެހޭ ފަދަކަމެއް ކުރިމަތި ކުރުން (3) ހަމަނުޖެހުން އުފެއްދުން (4) އުނދަގުލެއް ކުރިމަތި ކުރުން
މަތާލުން
ނ (1) ތަނަކަށް ފެތިބާރުވެފައިވާ އެއްޗެއް އެހެން އެއްޗެއްގެ ބާރުން ފޭކުރަން ހިފުން (2) އެއްޗެއް ހިއްލުމަށް މަތާއަޅާއިރު އޮބާ އޮބުން
)މަތާއެޅުން( މަތާޖެހުން
މ (1) ބަރު އެއްޗެއް ފަސޭހައިން ހިއްލުމަށްޓަކައި އެކަތިގަނޑު ބޯ ދަށަށް ލައްވައިގެން އަނެކަތިގަނޑުގެ ކޮޅު ހިއްލަންވީ އެއްޗެއްގެ ދަށަށް ލައްވައިގެން ހިއްލުން. (2) ގަދަބާރަކާއެކު ކައިރި ވެފައިވާ ދެއެއްޗެއް ދުރުކުކުރުމަށްޓަކައި އެދޭތީގެ ދޭތެރެޔަށް އެއްޗެއްލައްވައި ދުރުކުރަން ހިފުން
މަތި
ނ (1) ތިރީގެ އިދިކޮޅު (2) އެއްޗެހީގެ އަނގަމަތި ނިވާކުރަން ޖަހާ ނުވަތަ ބާއްވާއެތި (3) ދަށުގެ އިދިކޮޅު (4) އެއްޗެއްގެ މަތީކައިރި (5) ހަމައެއްޗެއްގެ ސަތަހަ (6) އެއްޗެއްގެ މަތީކޮޅު
ކިއްސަރުލާފައި ހުންނަ ފަށްބުރި( މަތިކަންފިޔަ
ނ )ސ.( ކުރަފަތް. )ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި
މަތިއުކުޅު
ނ ގަދަބައްޔަށް ހިފުމުގެ އުކުޅެއް މިއުކުޅުގެ ބޭނުން ކުރަނީ ކުރިމަތިލާމީހާ ބިމުން އުފުލައިލައިފައި ބާރު ކަނޑުވާލުމަށެވެ
މަލަން
ނ (1) ބޭހުގެ ތެރޭގައި ގެންގުޅޭ ތަތްކުރާ އެއްޗެއް މި ހަދައިފައި ހުންނަނީ ޚާއްޞަ ފޮއްޗެއްގައެވެ (2) ފޮތީގައި ހާކައިގެން ބޭނުން ކުރަން ގެންގުޅޭ ބޭހުގެ ބާވަތެއް (3) ބޭސް އަޅައިފައި ތަތްކުރަން ގެންގުޅޭ ބާވަތެއް
މަލިންކަން
ނ ހުކުރު މިސްކިތާއި އެތެރެ ކޮއިލު މިސްކިތާ ދެމިސްކިތުގެ ކިޔެވެނީންގެ ވެރިކަން )އެދެމިސްކިތުގެ މުދިމުން ކުރަންޖެހޭ ކަންތައްތައް ކުރަނީވެސް ކިޔެވެނީންގެ ވެރީންނެވެ
މަލިންކުނާ
ނ މިސްކިތުގައި އިމާމު މިހާ ނަމާދު ކުރަން ޚާއްޞަކޮށްފައި އޮންނަ ކުނާ
މަލޫޠާ
ނ ރަސްމީ ޢިއްޒަތުގެ ހެދުންކޮޅު ތުރުކުރައްވާއިރު އެތެރޭން ތުރުކުރައްވާ ހެދުންކޮޅެއް
މަލްޢޫނު
ނ (1) ލަޢުނަތް ލައްވާފައިވާ މީހާ (2) ރަޙުމަތުން ދުރުކުރައްވާފައިވާ މީހާ
މަގުހޯދާއަރަތް
ނ އެތައް މަގުތަކެއް އެގޮތް މިގޮތަށް ކުރަހައި ފެށޭތަނާއި ނިމޭތަން ފާހަގަކޮށްފައިވާ ކުރެހުމެއް