radheef.info
ރަދީފު


ރެއްސި
ނ (1) އޮޑިދޯނިފަހަރާ އަޅައިގަނެގެން އުޅޭ ކަމަށްބުނެވޭ ކަނޑުމަތީގެ ޚިޔާލީ ދެއްވެއް (2) ނއ ކާއެއްޗިއްސަށްދަހި
ރެއްސިރެކިދިޔެ
(ސ) (މިސާލުބަހެއް) ކެއުމުގެ ހައްދެއްނެތް މީހުންނަށް ބުނެއުޅޭ ބަހެއް
ރެފިއުޖީން
ނ ބިރުވެރިކަމަކުން ނުވަތަ ނުރައްކަލަކުން ސަލާމަތްވުމަށް އަމިއްލަ ގެދޮރާއި ވަޒަން ދޫކޮށް ބޭރުހިސާބަކަށް ނުވަތަ ބޭރުޤައުމަކަށް ގޮސްއުޅޭ މީހުން
ރެދިންގެ ކަންތައް
މިސާލު: ހައިރާންވާހައި އަވަހަށް ކަމެއްކޮށް ނިންމީމާ ބުނެއުޅޭ މިސާލެއް
ރޭރު
ނ އަސްދޫންޏާ ވައްތަރު އެއަށްވުރެ ކުޑަ އުދުހޭ ދޫންޏެއް ގަދަޔަށް ހަޅޭލައިގަތީމާ ހައިރާންވުމަކީ މީގެ ޚާއްޞަ ސިފައެކެވެ
ރޮށިދަމާ ދަނޑި ގަނޑު
ނ ރޮށިދަމަން ގެންގުޅޭ ލަކުޑި ރޯލު
ރޮންދާ
ނ ވަޑާންކުރަން ގެންގުޅޭ އާލަތެއް މިއީ ލަކުޑިމަށައި އޮމާންކުރަން ގެންގުޅޭ އެއްޗެކެވެ
ރޮދިފަނި
ނ އިންސާނާގެ ބަނޑުތެރޭގައި ފަލަގޮހޮރުގެ ފަހަތުބައިގައި އުޅޭ ދިރޭ އެއްޗެއް މިފަނި ހުންނާނީ ފަނިވެގެން އުޅޭ މީހާ ބޮޑުކަމުދާ ނަޖިހުގެ ތެރޭގައި ހުދުކުލައިގެ ކުދިކުދި ރޮދިބުރިތަކެއް ހެންނެވެ
ރޮދު
ނ މަސްބައްދާން ގެންގުޅޭ ވާ ނުވަތަ ފަން
ރޯހަމެއްނުފެޅޭނެ
(މުސްކުޅިބަހެއް) ގިނައިން ކެއުމަށް ހިތްވަރު ދިނުމުގެ ގޮތުން ހިތްވަރު ލިބިގަތުމުގެ ގޮތުން ބުނެއުޅޭ ބަހެއް
ރޯނގާބަޑި
ނ )ސ ( (1) އަރިދަފުސް އަޅައިގެން އުޅޭމީހާގެ ނޭފަތުން އަންނަ އެއްޗެހި (2) މަޖާޒު: އަބަދު ރޯގާ ޖެހިގެން އުޅޭ ކުޑަކުއްޖާ
ރޯނާމުށްގަނޑު
ނ ލޯފިނދު ހިފަން ކިރުއިލޮށި ޖަހައިގެން ގެންގުޅޭ މުށްގަނޑު
ރޯނުއެދުރު
ނ ކަންތައްކުރާން ރަނގަޅަށް ނޭނގިހުރެ ކޮންމެ ކަމެއްވެސް ދަންނަކަމަށް ހެދިގެން އެކަމެއްކޮށް އުޅޭމީހާ
ރޯބަޑިމަރިޔަންދައިތާ
ނ މިސާލު: ގިނައިންރޯ އަންހެން ކުދީންނާ ދިމާޔަށް ކިޔައިއުޅޭ ނަމެއް
ރޯކާޅު
ނ ގިނައިންރޯކުދިންނާ ދިމާއަށް ކިޔައިއުޅޭ ވަނަމެއް
ރޯދަމަހުދިއްގާ ގަހަށް ހެދުން
މ މިސާލު: މީހަކަށް ނަމަވެސް އެއްޗަކަށް ނަމަވެސް ތިމާ ބޭނުންވީމާ ކަމޭ ހިތައިގެން އުޅެފައި ބޭނުން ފުދުނީމާ އަޅާނުލުމުން ބުނެއުޅޭ ބަހެއް
ރޯލު
ނ (1) ކަރުދާސްފަދަ ތަކެތީގައި ރޮނގުދަމަން ގެންގުޅޭ ފޯލި. (2) ވަށްކޮށް އޮޅައިފައި ހުންނަ ތަކެތި. މިސާލު: ލަވަރޯލު ކެސެޓްރޯލު ފޮތިރޯލު ކަފަރޯލު (3) އަދާކުރާބައި (4) ފުރާ ދުއްވާ ތަކެތި ދެފަރާތަށް ފުރޮޅާ ފުރޮޅުން
ބަނޑިޔަލުފެން
ނ ވިހައިގެން އުޅޭމީހުންނަށް ދޭން އިހުގައި ކައްކައި އުޅުނު ފެނެއް މިކައްކަނީ މަތިކަރާ ބޭހާއި ކޮތަނބިރިޔާ އެއްކޮށް ދެބުރާންތި ކޮށްފައި ތުނިފޮތިކޮޅެއް ދެފަށް ކޮށްފައި އޭގެތެރެއަށް ބޭސްތައް އަޅައި ބޮނޑިޔެއްހެން ބަނދެފައި ފެންބަނޑިޔަލަކަށް ލައިގެންނެވެ
ބަނޑިޔާ ލަނގިރި
ނ ލަނގިރިޖަހާއިރު ދެސަފަށް ތިބޭގޮތަށް ބަނޑިޔާ ހިފައިގެން އަންހެންކުދިން ތިބެގެން ކުޅޭ ކުޅިވަރެއް
ބަނޑިޔާޖެހުން
މ (1) ކިޔާލަވަޔަށް ހަމަވާގޮތަށް ލޯބަނޑިޔަލުގައި ޖަހަމުންކުޅޭ ކުޅިވަރެއް ބަނޑިޔަލުގައި ޖަހާއިރު ޖަހާނީ އަތުގައިވާ އަނގޮޓި ބަނޑިޔަލުގައި ޖެހޭގޮތަށެވެ އެއްބަނޑިޔާ ބޭނުން ކޮށްގެންވެސް އަދި ދެބަނޑިޔާ ބޭނުން ކޮށްގެންވެސް މިކުޅިވަރު ކުޅެއެވެ (2) ބަނޑިޔާ ލަނގިރި