radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުއަތްމައްޗަށްއޮތުން
މ އުޅަނބޮށި ވިއްދައިގެން އަތްތިލައިގައި ބޯއަޅައިގެން އޮތުން
ކުރުއްޕި
ނ ކޮށިކޮށީގެ ބަޑިޖަހާ މީހުން ލައި އުޅުނު ލިބާހެއް މިލިބާސް ހުންނާނީ ބަނޑު ފަޅައިލައިފައި ކޯޓެއްގެ ސިފައިގައެވެ
ކުރެހިތޮޅި
ނ ކުރެހުން އަޅައިފައި ހުންނަ ދިގުތޮޅިއެއް މިއީ ހިމެރީގެ ބާވަތެކެވެ
ކުރެހުން
ނ (1) ހަމައެއްގެ މަތީން އެއްޗަކަށް ވާނޭހެން އަޅައިފައި ހުންނަ ރޮނގުތައް މ (2) ވަކި ޤަވާއިދެއްގެ މަތިން ރޮނގުއެޅުން (3) ވަކިޤަވާއިދެއްގެ މަތިން ބިންވަޅު ނެގުމާއި ފޫވެއްޓުން (4) ތަސްވީރުފަދަ ތަކެތި ފެވުން (5) އެއްވެސް އެއްޗަކަށް ނުވާނޭގޮތަށް ރޮނގުތަކެއް އެޅުން (6) ގައިގެ ހަމުގައި ކޮންމެވެސް އެއްޗަކުން އެޅިގެން ކިރިޔާ ތެޔޮހަން ކެޑުން (7) ފޮޓޯނެގުން
ކުރެވި
ނ (1) ރިޔަލާއި ސަތަރިފަދަ އެއްޗެހީގެ އެމުނީގައި ހަރުކޮށްފައި އޮންނަ ވާ (2) ލޮލުގެ އެސްފިޔަ ފަޅައިފައި ހުންނަތަން (3) )ހ ( އަންނައުނުގެ ކަށިފަތީގެ އެންމެ ކައިރިފަށް
ކުކުން ދަވާދު
ނ ފަންޑިތަވެރިން ތަށިލިޔަން ތައްޔާރުކުރާ ދަވާދެއް މިހަދައިފައި ހުންނަނީ ފިނިފެނާ ކުކުން އަޅައިގެންނެވެ
ކުއްޅަފިލާ
ނ ބިމުން ފަޅައިގެން ބޮނޑިބޮނޑިއަށް ހެދޭ ވިނައެއް މީގެ ފަތްތައް ހުންނާނީ ކޮޅަށެވެ މިއީ ކާންބޭނުން ކުރާ ފަތެކެވެ
ކުފިދަތް
ނ ދެދަތް ދޭތެރޭން ފަޅައިގެން ބޭރަށް ނިކުމެފައި ހުންނަ ކުޑަދަތް
ކުފުރުބޮނޑި
ނ (1) ގަބުޅި ހުނި ދިވެހި ހަކުރު އަޅައިގެން ހިލައި ހިކެންފެށީމާ ހިއްތަލަފުށްއަޅައި ރަނގަޅަށް ހިލުނީމާ ކުރުއްޕަތަށް އަޅައި ބަދަބަދައަށް ވާގޮތަށް ބަނދެ ފެނުކައްކާފައި ދުމަށްޓަށްލައި ހިއްކައިފައި ހުންނަ ބޮނޑި (2) މަޖާޒު: ފާޑެއްނެތި ބަނދެފައި އޮންނަ ފޮތިބޮނޑި
ކުސަ
ނ (1) ދެގަނޑެއްޗެއް އެއްކުރާން ރޯނުން ނުވަތަ ނަނުން ފުރާ ބައިން. މިގޮތަށް ހުންނަ ކޮންމެ ބައިނެއް. (2) ފުށާއި ހުންޏާއި ހަކުރާ އަޅައިގެން ހިލާ ކާ އެއްޗެއް. (3) މަޖާޒު: އެއްޗަކަށްނުވާހެން ކުރާކަންތައް ނުވަތަ ހަދާ އެއްޗެއްނޫނީ ދައްކާ ވާހަކަ
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑައަށި
ނ ދިވެހިގޮތަށް އަޅައިފައި ހުންނަ ގޭގޭގެ އުތުރު ދޮރުން ބޭރުގެއަށް ވަންނައިރު ކަނާއަތް ފަރާތުގައި ހުންނަ އަށި
ކުޑަލަގަނާ
ނ ލަގަނާދޫންޏާ ވައްތަރު ކުޑަ ދޫންޏެއް މިދޫނީގެ ތުނބާއި ފައި ކަޅުވާނެއެވެ ބިސްއަޅާ މޫސުމުގައި ބޮލުގެ ތަލަމަތިން ދެރާވަޅި ފަތް ހެންހުދުދިގު ދެފަތްފަޅައި ކަނދުރާ މައްޗާއި ހަމަޔަށް އެޅިފައި އޮވެއެވެ
ކުޑަގެ
ނ އެކިއެކި ބޭނުމުގައި ގޯތިތެރޭގައި އަޅައިފައި ހުންނަ ކުޑަވަރެއްގެ ގެއެއް ގިނަ ގޭގޭގައި މިއީ ކާގެއެވެ
ކޫޒީ
ނ ބަކަރީގައި ތައްޔާރުކުރާ ކެއުމެއް. މިއީ ބަކަރި ކަތިލައި ނޮޅައިފައި ބަނޑުތެރޭގައި އޮންނަގޮހޮރު ނަގައި ސާފުކޮށްފައި ބަނޑުތެރެއަށް ބަތްއަޅައި ބިރިޔާންކޮށްފައި ހުންނަކާނާއެކެވެ
ކެހުން
ނ (1) ނ. ގައިގެ ހަމުގައި އުފެދޭ ހިރުވުމެއް. (2) ހިރުވުން ފިލުވުމަށް އިނގިލިތަކުގެ ކޮޅުން ނުވަތަ އެހެންވެސް އެއްޗަކުން ގައިގެ ހަމުގައި ކޭއްތުން (3) ރާޅު އެއްޗަކުން ތަނެއްގައި ކޭއްތުން. (4) ތޫނު އެއްޗަކުން އެއްޗެއްގައި ކާއްތައިގެން ކުނޑި ނެގުން ނުވަތަ އުނިކުރުން. މިސާލު: )ހ( ކެލާކެހުން. )ށ( އުނބުކެހުން. (5) ފާރުގައި ސިމެންތި ޖަހާއިރުގައްޔާއި ތަޅުން އަޅަމުންދާއިރު އެއްވަރު ކުރުމަށް ސިމެންތިގަނޑު ފަތިގަނޑަކުން ކާއްތައި ހަމަކުރުން (6) އިލޮށި ފައްޗާއި ފިހިގަނޑު ފަދަތަކެތީން ކުނި އެއްކޮށް ސާފުކުރުން މިސާލު: ކުނިކެހުން. (7) ލޮލުގައި ހުންނަ ވަކި ވައްތަރެއްގެ ބައްޔެއް ބޭސްއަޅައިގެން ފިލުވުން. މިސާލު: ފުސްކެހުން. (8) އުޔާއި ބަރަންޏާއި ނަނު ފަދަ ތަކެތި އަތަށް ނުވަތަ އެއްޗަކަށް ދޫދޫކޮށް އޮޅުން. (9) ތަނެއްގައި ހުރި އެއްޗެހިތަކެއް އެއްފަހަރާ ގިނައިން ގެންދެވޭގޮތަށް އަތުން ނުވަތަ އެއްޗަކުން ފަރާތަކަށް ޖައްސައިލުން. )01( ދަމާފޮތިގަނޑެއް ނުވަތަ ފަރުދާއެއްފަދަ އެއްޗެއް މައްޗާއެކު އެއްފަރާތްކޮށްލުން. (11) އެއްޗެއްގެ މަތީ ތޮށި ތޫނު އެއްޗެއް ކާއްތައިގެން ފިލުވުން މިސާލު: ކަނޑޫކެހުން. (21) ނަގިލި ހިލިގެން ދެމެމުން ދިޔުން. މިސާލު: ނަގިލިކެހުން. )31( ހިފައިފައި ހުންނަންވާ އެއްޗެއް ނުހިފައި ކެހެމުން ދިއުން. މިސާލު: )ހ( ފުރޮޅުކެހުން. )ށ.( ރޯލުކެހުން. )41( އެމަށް ފައްތައިފައި އޮތް ދަލެއް އަތްމައްޗަށް ދެމުން މިސާލު: ދާކެހުން )51( ވިލާތައް ފަރާތްފަރާތަށް ޖެހުން މިސާލު: ވިލާކެހުން )61( ކުރުނބާއިން ހެވާ ނެގުން )71( އުސްކޮށް ހުންނަ ފަސްތައް ފަތުރައި އެއްވަރުކުރުން މިސާލު: ފަސްކެހުން )81( ރިޔާ ފަރުމާނު މައްޗަށް ބޮނޑިކުރުން މިސާލު: ރިޔާ ކެހުން )91( )ޏ ސ( ފުނާ އެޅުން މިސާލު: ބޯކެހުން )02( މަޖާޒު: ތުނބުޅި ބޭލުން
ކެނބު
ނ (1) ބޮޑެތި ފަލަވައު (2) ޗާބީދީގެން ހިނގާ މެޝިން ހިންގާން އޮޅައިފައި އޮންނަ ފަން ވަރުލީ ބަންދެއް
ކެނދިއޮށުހަވާ
ނ (1) ކަނދު އޮށަށް ބޭސް އަޅައިގެން ކުޅޭން ހަދާހަވާ. (2) މަޖާޒު: ކަމެއްގައި ކުރިއަށްތިބޭ ބޮޑެތި މީހުންކޮޅު ހުސްވުމަށްފަހު ދެންތިބޭ އެކަމަކަށް ދެރަމިސްކޮޅު
ކެނދިމުޅި
ނ (1) ކަނދުއޮށް އަޅައިފައިވާ މުޅި (2) މަޖާޒު: ތަކުރާރުކޮށް ކުރާއާދޭސް