radheef.info
ރަދީފު


ބުން
ނ (1) ގަހުވަހަދާއޮށް (2) ނާފަހަރުގެ ގޯސީގެ ދަންމާނު ދަމާން ދުއްވާފައި އޮންނަ ގަސް (3) ސަބުދެރިޔާ މަތީން ދިރުނބަލަށް ނެރެފައި އޮންނަގަސް (4) ޒީލައިގެ އިދިކޮޅު (5) )ބދ ( ބަޑި (6) މަޒާޖު: ރުޅިމައްޗަށް ގޮސްގެން އަގައިން ނުބުނާ ނުބުނުން
ފޫޅުދަނޑިވައި
ނ ޅަފަތުގެ ކުދިންގެ ފޫޅަށް ގެއްލުން ލިބިގެންވާ ކަމެއް މިބަލީގެ ސަބަބުން ވާގޮތަކީ ބަނޑުގައި ރިއްސުމާއި ބައެއް ފަހަރު ފޫޅު ފުއްޕުމެވެ
ފޫދުން
މ (1) ފެނުގައި ގިނައިރު އޮތުމުގެ ސަބަބުން އަތްފައި މޭލިވުން (2) ފެނަށް ލައިގެން ފާރުގަނޑު ފަދަ ތަންތަން ފޯކުރުން (3) ދިޔަވަރު ބޮޑުވުން
ފޫގޮޅިޖެހުން
މ (1) އަންހެނުން ޙައިޟުވެގެން އުޅޭއިރު ނުވަތަ ނިފާސްކަމުގެ ދުވަސްވަރު ލޭނުފައިބާ ގޮތަށް ފޮތިގަނޑަކުން ބަންދުކުރުން (2) ބައްޔެއްގެ ސަބަބުން ވައި ނުހިފޭ ނުވަތަ ނަޖިސް ނުހިފޭ މީހުން ފޮތިގަނޑަކުން ދޮރު ބަންދުކުރުން
ފެނަށްއެރުން
މ (1) ކަސްއަޅައިފައި ތިބޭ މީހުންނާއި ގައިގައި ބޭސްގަނޑު ހިއްޕާފައިވާ މީހުން އެތަކެތި ފޫދުމަށްޓަކައި ފެންއަޅައިފައި ހުންނަ އެއްޗަކަށް އެރި ފޫއްދުން. (2) މާބަނޑުމީހަކު ފަރުވާއަށްޓަކައި ބޮޑެތި އެއްޗިއްސަށް ފެން ނުވަތަ ލޮނު އަޅައިގެން އެއަށް އެރި އޮތުން (3) ފެންގަނޑަށް ފޭބުން
ފެންބަރުކެއުން
މ (1) އޮޑިދޯނި ފަހަރާއި ލަކުޑިފަދަ ތަކެތި ގިނަދުވަހު މޫދުގައި ހުރުމުގެ ސަބަބުން ފެން ވަދެ ފޯވެ ފެހިޖަހާ ބަރުވުން. (2) ގަސް ގަހުގެ ފަތް ތަކުގައި ފެންހަރުލައި ބަރުވެ އެލުން. (3) ވިލާގަނޑުގައި ފެންގިނަވެ ވެހެން ތައްޔާރުވުން
ފެންކަޅިވުން
މ ކުރާ އަސަރެއްގެ ސަބަބުން ލޮލުގެ ތެރޭގައި ކަރުނަ އުފެދުން
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފެންއޮހުން
މ އެއްޗަކުން ނުވަތަ ތަނަކުން ގިނަ މިންވަރަށް ފެން ނުކުމެގެން ތިރިއަށް ފޭބުން
ފެންއޮހޮރުން
މ )ސ ( ފެންފޭބުން
ފެންފޮޅު
ނ ހަށިގަނޑުގެ ހޫނުގަދަވުމުގެ ސަބަބުން ނަގާ ފޮޅެއް
ފެންގަނޑު
ނ (1) "ކުޅި" މިބަހުގެ ފުރަތަމަ މާނަ ބަލާ! (2) ވާރޭ ވެހުމުގެ ސަބަބުން ނުވަތަ އެނޫންވެސް ގޮތަކުން އެއްގަމުގައި ފެންހެދި ގިނަ ދުވަހަށް ނުހިނދި ހުންނަ ތަންތަން
ފެއްތުން
މ (1) ފެންގަނޑެއްގެ ނުވަތަ ކަނޑުގެ އަޑިޔަށް ގެންބުން (2) ބާރުކޮށް ހުންނަ ގޮތަށް އެއްޗެއްގެ ތެރެއަށް އަނެއްކައްޗެއް ލުން (3) މަޖާޒު: މީހަކު ކުށެއްގައި ބެއްދުން (4) ފެތުން މިބަސް އަނެކަކު ލައްވައި ކުރުވުމުގެ މާނައިގައި ބޭނުންކުރާގޮތް
ފެތުން
މ (1) ފެންމަތީގައި އޮވެގެން ދެއަތުން ފަލިޖަހައިފައި ކުރިޔަށް ދިޔުން. ނުވަތަ ފަހަތަށް ދިޔުން. (2) ފުރާ ދުއްވާ އެއްޗެހި ފެން އަރައި އަޑިއަށް ދިއުން (3) ގެނބުން (4) އެއްޗެއްގެ ތެރެއަށް އެއްޗެއް ވަނުން މިސާލު: މިއުޅެނީ ގަމީސް ނުފެތިގެންނެވެ މިލަކުޑިގަނޑުގެ ދޫ ކޮރުވަޅު ތެރެއަށް ނުފެތެއެވެ (5) ހަމަޖެހުން މިސާލު: ރާގަށް ފެތުން ވަޒަނަށް ފެތުން (6) މަޖާޒު: ނުބައި ކަމެއްގައި ބެދުން
ފޭދުން
މ (1) ތެތްކަން ދުރަށް ފެތުރިގެން ދިއުން (2) ނީރާލުން (3) މީހުންގަނޑުގެތެރެއިން ފުރޭނެމުން ފުރޭނެމުން ނުކުތުން (4) ދިޔާ އެއްޗެހީގެ ތެރޭގައި ހުންނަ ކިލަނބު ނުވަތަ އޮށްޓަރު އަޑިޔަށް އޮބުން
ފޮނިރަހަލިބުން
މ މަޖާޒު: މީރުކަން ލިބުން
ފޮޓޯނެގުން
މ އަލިއައިސް ޖެހުމުގެ ސަބަބުން ތަނެއް ނުވަތަ އެއްޗެއް ނުވަތަ މީހެއްގެ ސިފަ އަސްލާ އެއްގޮތަށް ސިފަނެގޭ ގޮތަށް ހަދައިފައިވާ އެއްޗެއް ބޭނުން ކޮށްގެން ސިފައަތުލުން
ފޯރިއަށްތިބުން
މ ފާރައަށްތިބުން
ދަހިލަވަޖެހުން
މ )ސ ( މަޖާޒު: ކާއެއްޗެއް ލިބިދާނެކަމުގެ އުއްމީދުގައި ކާގަޑީގައި ގެއެއްގައި ވާހަކަ ދައްކަން ތިބުން ނުވަތަ އިނުން
ދަށްއޮޑި
ނ އޮޑިދޯނިފަހަރުގެ އިހި އަޅާ ހިސާބުން ތިރި
ދަނބާ
ނ މަހެއްގެނަން މިއީ ފަޅުފަޅާއި ތިލަހިސާބުގައި ގިނަޢަދަދަކަށް އުޅޭމަހެކެވެ މިމަހުގެ ޅަދުވަސްވަރު މަސްހުންނަ ގޮތް ބޮޑެތިވީވީހެން ބަދަލުވެއެވެ މިމަހުގެ ކުލަޔަކީ މުށިކުލައެވެ މަހުގެ ބަނޑުދަށް ފަރާތުގައި ފަނޑުމުށި ކުލައެއްހުރެއެވެ ތުނބުންފެށިގެން ލޮލުގެ މަތީބަޔަށް ދެމިފައި ހުންނަ ނޫކުލައިގެ ރޮނގެއްހުރެއެވެ