radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ބުހިލުން
މ )ސ ( ކުޑަކުދިން އެކުދިންގެ އަމުރަށްވުރެ ދޮށި މީހުން ދައްކާ ވާހަކަ ދައްކައި އުޅުން
ބުންބަރު
ނ )ހ ( މިސްކިތު ދޮށުގައި ނުވަތަ މިސްކިތާ މީހުން އުޅޭ ހިސާބާ ދޭތެރޭގައި ހުންނަ މިންބަރު މިއީ ހުކުރަށް ގޮވަން ހަދާފައި ހުންނަ ތަނެކެވެ
ބުރަފަތިވިނަ
ނ ދަނޑުމަތީގައި ހެދޭ ވިނައެއް މި މަލުގެ ތަނޑުވަރަށް ދިގުވާނެއެވެ މީގެ މާ ހުންނާނީ ބުރަފައްޗެއްގެ ސިފައިގައެވެ
ބުރިފޭބުން
މ ފުރަގަސްފަރާތް ބޭރަށް ނުކުތުން
ބުރުޅިއަމަސް
ނ ފަޅުތެރޭގައި އުޅޭ ކިރުޅިޔަމަހާ ވައްތަރުމަހެއް މީގެ މަސް ވަރަށް މީރުވާނެއެވެ މިމަސް ކިރުޅިޔަމަހަށްވުރެ ކުޑަވާނެއެވެ
ބުރުޒުބަނޑޭރި
ނ (1) ހަވަރަށް އެކިއެކިކަން ކަމަށް އަންގަން ފޮނުއްވާމީހާ (2) ބުރުޒާބެހޭކަންތައްތައް ބަލަހައްޓަން ހުންނަމީހާ
ބުރުޒުބަޑޭރިކަން
ނ (1) ސަރުކާރުން ދެއްވާ ވަޒީފާއެއް (2) ހަވަރަށް މަސައްކަތުގޮވާކަން
ބުރެކި
ނ އެމުގެ ބާވަތެއް މިއީ ހިމަ ދިގުކޮށް ބޯކޮޅަށް ވަށްކޮށް ހުންނަ މަހެކެވެ މަހުގެ ނަގޫ ވަރަށް ބޮޑަށް ކަފިވެފައި ހުރެއެވެ އަދި ނަގޫކޮޅު ހިމަވެގެން ގޮސް ނަރުވާޔަކަށް ބަދަލުވެފައިވެއެވެ މަހުގެ ކަންފަތްގަނޑު ބޮލަށްވުރެ ކުޑަތަންކޮޅެއް ކުރުވާނެއެވެ މަހުގެ ބުރަކަށި މަތީގެ ކުލައަކީ ފެހިކުލައަކަށްދާ ދަނބު ކުލައެކެވެ
ބުރެކިފާނަ
ނ ކަނޑުހާލުގެ ބާވަތެއް. މިއަށް ދޮންބުރެކި ފާނަވެސް ކިޔައިއުޅެއެވެ. މަހުގެ ކުލައަކީ ނާރިނގު ކުލައެވެ. މަހުގެ ބޮލާއި ދެއަރިމަތީގައި ފަނޑުނޫކުލައިގެ ތިކިތަކެއްހުރެއެވެ. ނިގޫފަތުގެ ކޮޅު ހުދު ކުލައިގައި ހުރުމާއެކު ނިގޫފަތް ހުންނަނީ ހަނދުފަޅި ބުރަށް ކަފިކޮންނެވެ
ބުރޯޑުކާސްޓު
ނ ރޭޑިޔޯއިން ދުރަށް އަޑު ފަތުރާ ފެތުރުން
ބުރޯޑުކާސްޓު ކުރުން
މ ރޭޑިޔޯއިން ދުރަށް އަޑު ފެތުރުން
ބުޅަލުދޫ
ނ އާދަކޮށް ހަދާ ވަރަށްވުރެ ކުދިކޮށް ހަދައިފައި ހުންނަ ހުނިހަކުރު ފަތަފޮޅި
ބުޅިކެނޑޭނީ ކެޔޮޅުންއަތުން
(މުސްކުޅިބަހެއް) އެއްޗެއް ގިނަފަހަރަށް ހަލާކުވާނީ އެއެއްޗެއްގެންގުޅޭ މީހުންގެ އަތުންނޭ ބުނަން ބުނެއުޅޭބަހެއް
ބުޅިފަނި
ނ އެއްކޮޅުބުޅިޔެއްހެން ހުންނަ ފަންޏެއް މިއީ ވަރަށް ކުޑަކުޑަ ފަންޏެކެވެ މި އުޅެނީ ބިމުގެ ތެތްކޮށްހުންނަ ތަންތަނުގަ އެވެ ހަށިގަނޑަށް މިފަނި ވަންނަނީ ހަމުގެ ތެރޭންނެވެ ވަދެގެންގޮސް އުޅެނީ ގޮހޮރުގެ ތެރޭގައެވެ
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބޫން
ނ (1) މާބުރު މަދިރި ފަދަތަކެތި އުދުހޭއިރު އެއިވޭފަދަ އަޑު (2) ކުޑަކުދިންގެ ބަހުރުވައިގައި ވަޔާއި އެއްގަމުގައި ދުއްވާ އިންޖީނުލީ ތަކެތި (3) ބާރަށް ވައިޖެހޭއަޑު (4) ބާރަށް ދަތުރުކުރާ އެއްޗެއް ވައިކަފާފައި ދާއަޑު
ބެކްޓީރީއާ
ނ ލޮލަށް ފެންނަ ވަރަށް ވުރެކުދި ދިރޭއެއްޗެހީގެ ބާވަތެއް މިބާވަތުގެ ބައެއް ވައްތަރުތައް ހިމެނެނީ ތަފާތު ބަލިތައް ޖައްސާ ޖަރާސީމުގެ ތެރޭގައެވެ އަނެއްބައި ވައްތަރުތަކަކީ އިންސާނުންނާއި ޙައިވާނުންގެ ހަޖަމުގެ ނިޡާމަށް ނުވަތަ ޗީޒްފަދަ ކާނާ ތައްޔާރުކުރުމަށް ނުވަތަ ގަސްގަހާގެހީގެ ކާނާ ހޯދުމުގެ ނިޡާމަށް ކޮންމެހެން ބޭނުންވާ ވައްތަރުތަކެކެވެ
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ
ބޭރަށްދިއުން
މ (1) އެތެރެއިން ބޭރަށް ނުކުމެގެން ދިއުން (2) ރާއްޖެއިން ބޭރަށް ދިއުން (3) މަޖާޒު: ބޮޑުކަމު ޙާޖިތަށް ދިއުން
ބޭރަށްލުން
މ (1) ތަނަކުން ނެރެލުން (2) ނޯކިރީކަމުން ވަކިކުރުން (3) ވިހައިގެން ހަތްދުވަސްވާ ދުވަހު އާދަކާދައިގެ މަތިން މައިމީހާޔާ ދަރިފުޅު ގޭތެރެއިން ބޭރަށް ނެރުން