radheef.info
ރަދީފު


ބަ
އ އައްބަ
މާވަހަރުމަސް
ނ އެމަހުގެ ބަނޑުގައި މާވަހަރު ހުންނަ މަސް )އަންބަރުމަސް( މިއީ ބޮޑެތިމަސް މަހުގެ ތެރޭގައި ހިމެނޭ މަހެކެވެ
މާވަތް
ނ (1) ބޮޑުވަތް )މަސްދޯނީގެ ކޮޅުފަހުން ދިރުނބަލަށް ފަސްވަނަ ވަތް ( (2) މަރަވަޅީގެ އުށުގެ ކުރީގައި ހުންނަ ބޯ (3) )ދ ( އެސް ހަރުކުރަން ހުންނަވަކި
މާވަޑިޔާ
ނ (1) ވަޑާމަށް މޮޅު މީހާ (2) ކިއްސަރު ވަޑާންކުރާ ބައެއްގެތެރޭގައި ހުންނަ އިސްމީހާ (3) މަޖާޒު: ކަމެއްގެ ފާޑުވެރިޔާ
މާވިހަ
ނ ހަށިގަނޑުގެ ތަންތަން ދުޅަވާ ބައްޔެއް މިބަލި ފުރަތަމަ ފެށޭނީ ބޮލުންނެވެ ވިހަ ތިރިއަށް ފޭބިވަރަކަށް ގައިގެ ތަންތަނުން ބޮޑެތިފިތްގަނޑު ގަނޑުހެން ދުޅަވަމުން ދާނެއެވެ
މާމަ
ނ )ހ ( މަންމަގެ މަންމަ ނުވަތަ ބައްޕަގެ މަންމަ
މާމަރުކުންދޮންފަނެއް
)މިސާލުބަހެއް( ކުޑަކުދިން އަމިއްލައަށް ވެއްޓުނީމާ އެއީ އެއްވެސް ކަމެއްނޫންކަމަށް ހަދާލުމަށް ބުނެއުޅޭބަހެއް
މާމަސްވެރިޔާ
ނ )ސ ( ހުރިހާ ވައްތަރެއްގެ މަސްވެރިކަން ދަންނަ އެދުރުމީހާ )ބޮޑު ކަންނެއްޔާއި މިޔަރު ކެޔޮޅުކަން ފަދަ ކަންކަމުގައި ބަނދި ގޮވުމުގެ ތެރޭގައި މާމަސްވެރިޔާއަށް ގޮވާނެއެވެ
މާމާފުޅު
ނ މާމައަށާ ފޫޅުމާމައަށް އެންމެ މާތްކޮށް ކިޔާގޮތް މިބަސް ބޭނުން ކުރަނީ ގަނޑުވަރު ތެރޭ ބޭފުޅުންނާ ގުޅޭގޮތުންނެވެ
މާމުކަނިޖެހުން
މ )ސ.( ބަތް ބޮނޑިބަތްފަދަ ތަކެތި ކައްކާއިރު ވަގުތުގައި ހިފައިގެންގޮސް ބޭނުން ނުކުރެވޭ ވަރަށް އެނދުން
މާމުގުންނިމުން
މ )ސ ( އޮޑި ބަންނައިރު މަޑޫތައް ޖަހާ ނިމުން
މާމުގުރު
ނ (1) ފުރާދުއްވާ އެއްޗެހި ބަންނައިރު މާޅިސްލައިފައި އިންދަން ޖަހާ މުގުރު (2) ވަޑާން ކުރަން ގެންގުޅޭ އެންމެ ބޮޑެތިމުގުރު
މާމުގުރުމޫދަށްލުން
މ އޮޑިދޯނިފަހަރު ބަންނައިރު މަތިކަން އަޅާ ނިމުނީމާ ފަށްގަނޑު ނުޖަހަނީސް ރަށުގެ އަންހެނުންގެ ބަޔަކު ނުކުމެ މުގުރުގެންގޮސް މޫދަށް އެއްލާފައި އިރުކޮޅަކަށްފަހު ގެނެސް ދޮވެ އަތަރު ލައްވައިގެން ގެންގޮސް ހަރުގޭގައި ބޭއްވުން މިދޮވުމަށް ކިޔަނީ ފެންވެރުވުމެވެ މިއީ އިހުގައި ކުރާ ކަމެކެވެ
މާމޫލު
ނ ރާއްޖެއަށް އެތެރެކުރާ މުދަލުން ސަރުކާރަށް ނަގާ ބައި ނުވަތަ މިފަދަ މުދަލުން ސަރުކާރަށް ނަގާ ފައިސާ
މާމޫލުނެގުން
މ ރާއްޖެއަށް އެތެރެ ކުރާ މުދަލުން ސަރުކާރަށް ނަގާބައި ނުވަތަ ނަގާ ފައިސާ ނެގުން
މާމޫލުމީހުން
ނ (1) މާމޫލަށް ނަގަންޖެހޭ ތަކެތި ހިސާބު ކުރާމީހުން (2) އިހުގައި މާމޫލަށް ނަގާތަކެތި ބަނޑޭރިގެއަށް ގެންދާން ލައްވަފައި ތިބޭ މަސައްކަތު މީހުން
މާމެދުމީހުން
ނ ކަލާސީންގެ ބައިތަކުގެ ތެރެއިން ހޮވައިގެން ނެގޭބައެއް އިހުގައި ބަނޑޭރިގޭގައި އޮންނަ ރަސްމީ ފަރީއްކޮޅުތަކާބެހޭ ކަންތައް ކުރުމަކީ މިމީހުންގެ މަސައްކަތެކެވެ
މާފަ
ނ (ޏ، ސ) މަންމަގެ ބައްޕަ
މާފަންނުމީހުންކަނޑުނުބައިކުރުން
މ )މިސާލުބަހެއް( ކަމެއް ނުކުރެވުނީމާ ނުވަތަ ކަމެއް ކުރަން ނޭނގުނީމާ ތިމާގެ ހުރި އުނިކަން ޤަބޫލުނުކޮށް އެކަމާބެހޭ އެއްޗެހީގައި ހުރި ކުށެއް ކަމުގައި ހެދީމާ ބުނެއުޅޭ ބަހެއް
މާފަންނުފޮތުއެދުރުކަން
ނ ޒިކުރުވެރިންގެ އެއްބައެއްގެ ވެރިކަން ޒިކުރުވެރިންނަކީ ދުޢާ މާލޫދު ބުރުދާކިއުމަށް އިހުގައި ސަރުކާރުން ހުއްދަދެއްވާފައި ތިބޭ ޚާއްޞަ ބައެކެވެ
މާފަތޭރި
ނ މާބޮޑަށް ބަރާކޮށް ދަތުރުކުރާއިރު އޮޑިދޯނިފަހަރުގެ ފަށް ގަނޑުގެ އެތެރޭން އޭގެމައްޗަށް ހުންނަގޮތަށް ފަނުންޖަހާ ފަށްގަނޑު މިއޮންނާނީ އެއްފަށްގަނޑު ޖައްސާ ވަރަށް ގަދަޔަށް ހަރުކުރެވިފައެވެ މިފަށްގަނޑު ޖެހުމުގެ ބޭނުމަކީ ރާޅު އެރިޔަނުދިނުމެވެ