radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
އަރުމާޒުހަރުބީ
ނ ހަރުބީގައި ފުމޭ ލަވައެއް
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަރުދު
ނ ތިންމައިގަނޑު ވިޔަ ހަދާއިރު ހަމައެކަނި ގުނަކޮށްގެން ޖަވާބު ހޯދާ ގޮތަކަށް ކިޔާނަމެއް މިސާލު: ފަސްލާރިއަށް ދެވައްކެޔޮ އަގުން ބާރަވަކަށް ވާނޭ އަގު ހޯދާނަމަ ފަންސަވީހާއި ބާރަޔާއި ގުނަކޮށް ނިކުތް އަދަދު )ތިންސަތޭކަ( ކަނާތް ފަރާތުން އެއް އަކުރު ކަނޑާލީމާ އޮންނާނީ )ތިރީސްލާރިއެވެ ( މިއީ ބާރަ ވަކަށް ވާނޭވަރެވެ
އަރުގަ
ނ ބަހާފައިވާ ބައެއްގެ ދެބައިކުޅައެއްބައި
އަރުގަފަތްކޮޅު
ނ މިސްކިތްފަދަ ތަންތަނަށް ދެއްވާ ބޯގަފަތްކޮޅު މީގައި ހުންނާނީ އެތަނެއް ބެލެހެއްޓުމަށް ދެއްވާފައިވާ ތަންތަނާއި އެއްޗެއްސެވެ
އަރުގޯލަ
ނ އެއްކޮޅުގައި ބޮޅެއްލައިފައި އަނެއްކޮޅު ލަކުނޑި ގަނޑަކަށް ހަރުކުރެވޭނެ ހެން މައުދަނަކުން ހަދައިފައި ހުންނައެއްޗެއް. މިސާލު: އުނދޯލި އަރުގޯލަ އެކިއެކިބުޅި ނުވަތަ ދަގަނޑު އަޅުވާން ހަދައިފައި ހުންނަ އަރުގޯލަ ދޮރުފަތުގައި ހުންނަ އަރުގޯލަ
އަރޮޅި
ނ އޮށް ބޭހުގެ ބާވަތެއް. މިއީ އެތެރޭގައި ހަރު އޮށެއް އޮވެފައި އޭގެ އެތެރޭގައި ކަނަމަދެއް ކަހަލަ މަދެއް އޮންނަ ބޭރުގައި ބޯތޮއްޓެއްވާ އެއްޗެކެވެ މީގެ ދެތިން ބާވަތެއް ހުރެއެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަބާރަނަމަތީބޮޑުލަވަ
ނ "އަބާރަނަ" ޖަހާފައި އޭގެ ލަވަމައްޗަށް ޖަހާލަވައެއް ކުޅިހުއްޓާރެއަށް މިލަވަޖަހާ އުޅުނީ އައްޑޫކޮށިން ތިންދަނޑިއާ އެއްލާންނުކުތީމައެވެ
އަބާބީލުދޫނި
ނ ކަޅުކުލައިގައި ބަނޑުދޮށް ހުދުކޮށްތިބޭ ކުދިދޫންޏެއް މިގިނައިންއުޅެނީ މައްކާ ޙަރަމްފުޅުގެ ތެރޭގައެވެ
އަބު
ނ (1) ލަކުޑީން ނުވަތަ މަޢުދަނުން އެއްކޮޅު ފަތިކޮށް ހަދައިފައި އޮންނަ އެއްޗެއް މިޖަހައި އުޅެނީ ކިހާއެއްޗެތި ނުވަތަ ފަޅާލަކުޑި ގަނޑެއް ދުރުކުރުމަށެވެ (2) ބައެއް ބައެއްތަކެތި ފޭކުރާން ނުވަތަ ބާރުކުރާން ޖަހާއެތި ކޮޅު މިސާލު: އިލީގެ ކޮޅަށްޖަހާއަބު
އަބުއި
ނއ (1) ގެއްލުންދެނިވި (2) ޢިއްޒަތްތެރި (3) ރައްޓެހިނޫން (4) ބެހެންނުވާ (5) ހައިބަތުހުރި މިސާލު: ކުޑަކުދީން ނުބެހެންވީ ކަންތަކާ ބެހެން އުޅެފިނަމަ ތިޔައީ އަބުއިކަމެކޭ ބުނެއުޅެއެވެ ޢިއްޒަތްތެރީންނާ މެދުވެސް އަބުއިމީހެކޭ ބުނެއުޅެއެވެ
އަބުއެޅުން
މ (1) އަބުޖެހުން މަޖާޒު: (2) ހުރަސްއެޅުން (3) ދަތިކުރުން
އަބުޖަދުކުރުން
މ ލަފުޒެއް ނުވަތަ ޖުމްލައެއްގެ އަކުރުތައް އަބުޖަދުގެ އަކުރުތަކުންބަލައި އޭގެ ޖުމްލަ ހޯދުން
އަބުޖެހުން
މ (1) އަބުވެއްދުން (2) މަޖާޒު: ކަމެއް ވިޔަނުދިނުމަށް ހުރަސްއެޅުން
އަބޫނާ
ނ ރަސްކަމަށް ކޮލިލާ ދުވަހު ގުރުދަކިއުމާއި އަދިވެސް މިބާވަތުގެ ބައެއް ކަންތައްކުރުމަށް ދަޢުލަތުން ޢައްޔަންކުރާމީހާ
އަޅައިކިއުން
މ ލިޔެފައިވާ ނަކަލެއް އޭގެ އަޞްލާއި އެއްގޮތްތޯ ބަލާން ކިއުން
އަޅައިލުން
މ (1) އެހީވުން (2) ޙާލުބެލުން (3) އޮއްސައިލުން
އަޅައިގަތުން
މ (1) އެއްޗެއް އެއްޗެއްގައި އެޅޭ ގޮތްވުން (2) އެއްޗެއް ތާކު ދަތިވުން (3) މަޖާޒު: ލޯބިން ނުވަތަ ރުޅިއައިސްގެން މީހަކާ ނުވަތަ އެހެންވެސް އެއްޗަކާ ބެހިގަނެގެން އުޅުން
އަޅައިގޮވުން
މ (1) ވައްލަފަދަ ބައެއްދޫނި އެކަތި އަނެއްކައްޗަށް ރައްޓެހިވެގެން އެކަތި ގޮވައިލީމާ އަނެކަތި ގޮވައިލުން (2) ދެޖިންސުގެ ދެމީހުން ރައްޓެހިވެގެން އެކަކު އެއްޗެއް ބުނީމާ އެޔާއަޅައި އަނެކަކު އެއްޗެއް ބުނުން (3) މަޖާޒު: ލާދީގޮވުން