radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ފެންއިންޖީނު
ނ އެއްތަނުން އަނެއްތަނަށް ގެންދެވޭ ގޮތަށް ކުޑައިންޖީނަކާއެކު ހުންނަ ފެން މޯޓަރު
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
)މިބަސް ބަލާ( ފެންއޮތްތާކަށޭމަސްދާނީ
މަޖާޒު: މަސްދާނީ ފެން އޮތްތާކަށެވެ
ފެންވަރު
ނ (1) އޮޑިދޯނިފަހަރުގެ ނުބީހޭވަރުގެ ދިޔަވަރު (2) ދަރަޖަ (3) މަޤާމު (4) ހުރި ހިސާބު (5) އެއްޗެއްގައި ހުންނަ މޮޅު ދެރަމިން (6) ޤާބިލިއްޔަތު
ފެންފިޔަފާޅި
ނ ވިހޭގެތެރެއަށް ބޭނުންވާ ފެން ހޫނުކުރުމަށް ޖަހައިފައި ހުންނަ ފިޔަފާޅި ނުވަތަ އަރިހިޔާ
ފެންފިޔާޒު
ނ ޖަވާހިރެއް މިހުންނަނީ މަޑުކުލަކުލައިގައެވެ އެތެރެ އެނގޭ ހެން ހީވާ ނުވާގޮތަކަށް އެއްކުލައަކުން ނޫނީ ދެކުލައެއް އެކުލެވޭ ގޮތަށެވެ
ފެންފުޅި
ނ (1) ބައެއްކަހަލަ އިންޖެކްޝަން ޖަހާއިރު ބޭނުންކުރަންޖެހޭ ފެން ހުންނަފުޅި (2) ފެންއަޅައިފައި ހުރި ކޮންމެ ފުޅިއެއް
ފެންފޮދުބަޑި
މ ގަނޑުވަރުތެރޭ ބޭފުޅުން ރައްކާވެގެން އަންނަ ސަމާގެ ދުވަސްވަރު ދުވާލު ދެއިރުޖަހާ ބަޑިއެއް. މިބަޑިޖަހާނީ ފިރިހެން ބޭފުޅަކަށް ނަމަ 7 ބަޑި އަންހެން ބޭފުޅަކަށްނަމަ 5 ބަޑިއެވެ މިއި ނައިނޭ ފިއްލަވާ ވަގުތު ޖަހާ ބަޑިއެކެވެ
ފެންފޮތިއޮބުން
މ ޖެހިތަދުވާ ތަންތާނގައި ތެތްފޮތި ގަނޑަކުން ބޮނޑިތާން ކުރުން
ފެންދުއްވާއޮނުގަނޑު
ނ އިހުގައި ފެންކުޅިކުޅޭއިރު މީހުންގެ ގަޔަށް ފެންޖެހުމަށް ގެންގުޅޭ އޮނުގަނޑު
ފެންދޭމީހާ
ނ (1) ކެއުމުގެ ކުރީގައި އަތްދޮއްވުމަށް ކުރަޔާއި ލޯގަނޑާ ހިފައިގެން އައިސް އަތްދޮއްވާމީހާ (2) ކަރުހިއްކުން ފިލުވައިދޭމީހާ (3) ގަސްތަކަށް ފެންޖަހާމީހާ
ފެންތާނގި
ނ ގިނަފެން ޖަމާކޮށްފައި ބެހެއްޓުމަށްޓަކައި ވަކިގޮތަކަށް ހަދައިފައިވާ އެއްޗެއް
ފެންތިކި
ނ (1) ވާރޭވެހޭއިރު ނުވަތަ ވާރޭވެހި ނިމުމަށްފަހު ގަސްގަހުންނާއި އަސްކަނިން ބިމަށްޖަހާ ފެނުގެ ފޮދުވަރު. (2) ފެނުގެ ތެރޭން ވަކިވާ ފޮދުވަރު (3) ކުދިކުދި ބިއްލޫރި ބޮކިތަކެއް ފަދައިން އެއްޗެއްގައި ހުންނަ ފެނުގެ ފޮދުވަރު
ފެންތިލަ
ނއ (1) ބިންމަތި ކޮނެލީމާ ވަރަށް އަވަހަށް ފެނާޖެހޭ (2) "ފެންފުން" މިބަހުގެ އިދިކޮޅު
ފެންތެލީރުއް
ނ އިހުގައި ކުދިން ލިބުނީމާ ލިބޭ ކުއްޖާގެ ނަންމަތީގައި އިންދާ ފެންތެލި ކާށީގެ ތިން ރުއް
ފެންގަތްފުރައިންކޮށާލުން
މ ރުއްރުކުގައި ހުންނަ ފެންޖެހޭ ވަރުގެ ހުރިހާ އެއްޗެއް އަޅާލުން
ފެންގޮތް
ނ މަޖާޒު: ކަމެއްގެ ތެރޭގައި ހުންނަ ރޫޙެއް ނެތް ލޮނުމަޑުގޮތް މިސާލު: މިފަހަރު މިކަންތައް މިދިޔައީ މާފެންގޮތަކަށެވެ ނުވަތަ މިފަހަރު ޢީދުގެ ކަންތައް މިދިޔައީ މާ ފެންގޮތަކަށެވެ
ފެންޖެހުން
މ (1) ފެންޖެހުމަށް ތައްޔާރުކޮށްފައި ހުންނަ ހޮޅިފަދަ އެއްޗަކުން ވިނަ ހައްދައިފައިވާ ތަންތަނަށާއި ގަސްގަހާގެއްސަށް ފެންދިނުން (2) މަގުމަގާއި އެކިއެކި ތަންތަނުގެ ހިރަފުސް ބޯވުމުން ފެންޖަހާ ހޮޅިން ނުވަތަ ފެންދޭ އެތިގަނޑުން ބިންގަނޑުތެންމުން (3) ފެންއުކުން (4) ކާށީގެ ދިޔަޖެހުން
ފެރީ ގިމަތަ
ނ ފެރީގައި ދަތުރުކުރާ މީހުން މަޑުކޮށްލުމަށާއި އެމީހުންގެ ކަންތައްތައް ހަމަޖެއްސުމަށް ހަދައިފައި ހުންނަ ގިމަތަ
ފެޅައެޑުން
މ )ޏ ސ ( (1) ފުޅައްލުން (2) މަޖާޒު: ދަހިވެތި ކަން ބޮޑުވުން