radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
އަރިހުބޭކަނބަލުން
ނ މަހު އެއްޗެތިކޮޅު ދެއްވައިފައި ތިއްބަވާ ގަނޑުވަރުތެރޭ އަންހެން ބޭފުޅުން އަރިހުގައި އުޅޭ އަންހެނުން
އަރިހުބޭކަލުން
މ މަހުއެއްޗެތިކޮޅު ދެއްވާފައި ތިއްބަވާ ގަނޑުވަރުތެރޭ ފިރިހެން ބޭފުޅުންގެ އަރިހުގައި އުޅޭ ފިރިހެނުން
އަރިނެގުން
މ (1) ހިނަވާއިރު މައްޔިތާ އަރިޔަށް ޖެހުން (2) އުދުހޭ އެއްޗެހީގެ ފިޔައިގެ ފަތުގެ ކުރީން ތަންކޮޅެއް ބަހައްޓައިފައި ދެން ހުރިބައި ނޮޅައިލުން (3) އެއްފަޅިނެގުން
އަރިބަޑަހަގެ
ނ މުސްކުޅިގޮތަށް އަޅާފައި ހުންނަ ގޭގޭގެ އަސްކެއްޏާއި ގުޅާލައިގެން ހަދާފައި ހުންނަ އެއްޗެތި ރައްކާ ކުރާ ކޮޓަފާޅި
އަރިކަށީވިދުން
ނ އަރިކައްޓަށް ކުއްލިއްޔަކަށް އަރާ ގަދަ ތަދެއް މިތަދު ހުރިއްޔާ ކިނބިއްސެއް ނޭޅޭނެކަމަށް ބުނެއެވެ
އަރިކަނޮޅި
ނ ނިތްގަނޑު މިއަރާ ދާދި އެއްވައްތަރަކަށް ހުންނަ މިޔަރެއް
އަރިކަރުލިބާސް
ނ މޭގެ ވާތްފަޅީން ގޮށްއަޅާން ހުންނަ ގައްބާ އެޅި ލިބާސް މިއީ އިހުގައި ފިރިހެނުންލައި އުޅުނު ލިބާހެކެވެ
އަރިކުރުން
މ (1) ތެދަށްވުރެ އެއްފަރާއިތަށް ޖައްސައިލުން. (2) ބިލެތްގަނޑު މެދުން އިރައިލުން. (3) ފަން ފަންވަތްފަދަ ތަކެތި މެދުން އިރާލުން
އަރިއަށް
ކއ (1) އެއްކައިރިއަށް ތިރިކޮށް (2) އެއްފަރާތަށް ޖެހި
އަރިއެޅުން
މ ތެދަށްހުރި އެއްޗެއް އެއްފަރާތަކަށް ޖެހުން
އަރިވުން
މ (1) ތެދަށް ހުންނަންވާ އެއްޗެއް އޮލަނބަށް ނެތުން )މިސާލު: އެމުޑި އެހުރީ އަރިއަށެވެ ( (2) ތެދަށް އޮންނަންވާ އެއްޗެއް ރަހައަށް ނެތުން )މިސާލު: އެފާރުއެއޮތީ އަރިއަށެވެ
އަރިމަތި
ނ (1) ކައިރިފަށް (2) އެއްފަރާތު ކައިރި (3) ފަތިއެއްޗެތީގެ ހަނިފަރާތް
އަރިޔަށްޖެހުން
މ (1) ފަތިއެއްޗެއްގެ ހަނިކައިރި ދަށަށް ވާނޭހެން ބެހެއްޓުން (2) ފުލާއި އަނގަޔާ ހުންނަ ތަކެތި ބިތަށް ބޭއްވުން
އަރިޖެހުން
މ )ސ ( (1) އެއްފަރާތަށް އަރިވުން (2) އަރިޔަށް ކޮނޑުންކޮއްޕުން (3) ބަނބުކެޔޮ ކަހަލަ އެއްޗެއް ފަޅައިލައިފައި ފޮތި ފޮއްޗަށް ކެފުން
އަރުނު
ނ (1) ނިތްކުރީގައި އެންމެ ދަޅެއް ހުންނަ ޖަނަވާރެއް މީގެ ސިފަ އަހާއި އެއްވައްތަރުކަމަށް ބުނެއެވެ (2) ބދ އުނަގަނޑު
އަރުނުދަޅު
ނ (1) ޙައިވާނެއްގެ ދަޅެއް މިއީ ބޭހަށް ގެންގުޅޭ އެއްޗެކެވެ (2) "އަރުނު" ބަލާ!
އަރުވައިބާލާލަވަ
ނ ދަނޑިބެރުގައި ޖަހާ އާދައިގެ ލަވައެއް ނަމަވެސް މިލަވަޖަހަނީ ރަދުން އިންނަވައިގެން ބެރުޖަހާ ތަންތާނގައެވެ
އަރުވައިލުން
މ ކުރާބައެއް ބާވަތުގެ ކުށަށް ޝަރީޢަތުގެ ފަރާތުން ނުވަތަ ސިޔާސަތުގެ ފަރާތުން އެކުށް ކުރި މީހާގެ ވަޒަން ނޫން ރަށަކަށް ފޮނުވައިލުން އަރުވައިލުން ހުންނަނީ ކިތަންމެ ދަރަޖައަކަށެވެ
އަރުވާޖެހުން
މ އަނދެގެން ހުންނަ އެއްޗެއް ކޮށިކުރުން މިކަން ގިނައިން ކޮށް އުޅެނީ ކޮންމެވެސް މަސައްކަތެއް ކުރާންވެގެން އަނދެގެން ހުންނަ އެއްޗަކުން ދަތިވަންޏާއެވެ
އަރުމާދު
ނ ރަދުން ރާއްޖެތެރެއަށް ކުރައްވާ ދަތުރުފުޅު މިދަތުރުފުޅުގައި ދައުލަތުގެ ވަރަށް ގިނަ އުޅަނދުތަކާއި ދައުލަތުގެ ވަރަށް ގިނަ ބޮޑުން ބައިވެރިވެވަޑައިގަނެއެވެ