radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
އަރަބިލަވަ
ނ (1) ބެރުޖަހައިފައި ކިޔާން ބާޒާރީ ޢަރަބިބަހުން ހަދައިފައި ހުރި ލަވައެއް (2) މިލަވަޔަށް ހަމަކޮށް ޖަހާބެރު
އަރައިރުން
ނ (1) އެކަކު އަނެކަކާ ވާ ދެކޮޅު (2) އެއްޗެއްގެ ތަރުތީބު އޮޅިފައިވާ އޮޅުން (3) ޚިލާފު
އަރައިރުންކުރުން
މ (1) އެއްޗެއްގެ ތަރުތީބު އޮޅުވުން (2) ޚިލާފުވުން
އަރައިރުންވުން
މ (1) ފުށުއެރުން (2) ދެމީހަކު ދެބަސްވެގެން އެކަކު އަނެކަކާއި ދިމާއަށް އެއްޗެތިގޮވުން (3) އެއްޗެއްގައި ހުންނަންވީ ތަރުތީބު އޮޅުން (4) ޚިލާފުވުން
އަރައިފައިބާ
މ (1) ދަތުރުގައި އެއްރަށެއްގައި މަޑުނުވެ ދާ (2) ރަށްރަށުގެ މައުލޫދު ފަދަ ކަންތަކަށް ބޭރު ރަށްރަށުގެ މީހުން ގޮސް އައިސްވާ
އަރަފާތު
ނ މައްކާއިން ބާރަ މޭލު ދުރުގައިވާ މުޤައްދަސް މައިދާނެއް މިއީ ތިރި ފަރުބަދައެކެވެ މިތާނގައި އިރުކޮޅަކު ތިބުމީ ޙައްޖުގެ ރުކުނެކެވެ
އަރަފާތުކޮތަރު
ނ ޅިނދުމަތީގައި ކަޅުކުލައިގެ ބަންދެއް ހުންނަ ކަރުދޮށަށް ރީނދޫ ދިހުން ކުލައަރާ އަޅިކުލައިގެ ކޮތަރެއް މިކޮތަރު ގިނައިން އުޅެނީ މައްކާ ޙަރަމްފުޅު ތެރޭގައެވެ
އަރަތް
ނ މީހުންގެ ވިސްނުންހުރި ވަރެއް ބެލުމަށް ކޮށް އުޅޭ ސުވާލުގެ ބާވަތެއް މިސާލު: " ކޮއްކޮއެއް ދައްތައެއް ބޭބެއެއް ނެތެވެ އެކަމަކު މިހިރަކުއްޖާގެ ބައްޕައަކީ އަހަރެންގެ ބައްޕަގެ ދަރިއެކެވެ
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން
އަރާ
ނ (1) ހަތަރެސްކަން ރިޔަލުގެ ފަރުމާނު (2) މީހުންނަށް ހާނީއްކަ ދިނުމުގެ ގޮތުން ދެއަތް ދަމައިފައި އަތުގައި ބަންނަ ދަނޑި ގަނޑު (3) އެރުމަށްކުރާ އަމުރު
އަރާރިހި
ނ ދަނޑިޔާ ދާ ހަނގުބޭކަލުން ރަށްރަށަށް އެރީމާ ދޭންވާ ލާރި މިއީ އިހުގައި ކުރާ ކަމެކެވެ
އަރާބެއްދުން
މ ތެލަބަގުޑި ކުޅޭއިރު ބައިބަލާ އަރާމީހާ އަތުލާން އެއްފަރާތުން އަރައިގެންގޮސް ބެއްދުން
އަރާއަރަފޯދުން
މ (1) ހުރިހައިގޮތަކުން ކުފޫހަމަވުން (2) ހުރިހައި ގޮތަކުން ލާއިޤުވުން (3) ހުރިހައި ގޮތަކުން އެކަށީގެންވުން
އަރާއިރު
ނ (1) އަރައަރާ ހުންނަ އިރު (2) އިރުއެރީއްސުރެ ނުވައެއް ޖެހުމާ ދެމެދު (3) )ސ ( އިރުމަތީ ފަރާތް
އަރާމަތި
ނ (1) އެންދަމާއިރު ދަލުގެ އޮޑިއާ ދުރަށް އޮންނަ ފަރާތް (2) ރިޔަލުގެ ފަރުމާނުގައި އައްސާ ފަރާތް
އަރާމަތީންވައުއުކުން
މ ހަމަ ރިޔައު ނަގާ އެއްޗެތި ގަދަވެގެން އުޅޭއިރު ފަރުމާނު ތިރިކޮށް ރިޔައު ހިފެހެއްޓުމަށްޓަކައި ފަރުމާނު މަތިން ވައުލައްވައިފައި އޮޑިއަށް ހަރުކުރުން
އަރާފައިބާވައި
މ އުރަވަޅީވައި މިބަލީގައި ވާގޮތަކީ އުރަވަޅިއަށާއި އެއްކޮށް ދަށްބަނޑަށް ތަދުވަނީއެވެ ބައެއް ފަހަރު އުރަވަޅި ބޮޑުވެސްވެއެވެ
އަރާގިމަތަ
ނ ދަތުރުވެރިން ދަތުރުނިމިގެން ރަށަށް އެރުމުގެ ކަންތައްތައް ހަމަޖެއްސުމަށް ބޭނުންކުރާ ގިމަތަ
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަރިހަށްގެންދެވުން
މ މަހުއެއްޗެތިކޮޅު ދެއްވައިފައިވާ ބޭފުޅުންގެ އަރިހުގައި އުޅޭން ގެންދިއުން