radheef.info
ރަދީފު


ބިސްތުއްވުން
މ ބިސްފީވެ ފިޔޮއް ނިކުންނަންވީމާ ކުކުޅު ތުނބުން ތަޅައި ބިސްފަޅައިލުން
ބިސްލަވަ
ނ ކުކުޅު ބިސްއަޅާން ކައިރިވީމާ ކިޔާލަވަ ނުވަތަ ލަވާކާކާ
ބިސްގަނޑު
ނ (1) ކުކުޅު ބިހުން އަޅާ ފޮޅިގަނޑު. (2) ބިހުގެ ގޮބޮޅި. (3) މަޖާޒު: ދޮންކޮށް ފަލަކޮށް ލޮކިމަސްޖަހައިފައި ތިބޭ ކުދިންނާއި މީހުން
ބިސްގަނޑުއެޅުން
މ ބިސްގަނޑު ފިހުން
ބިސްސަގި
ނ )ބދ ( ހިޔަ
ބިޑި
ނ (1) ކުށްވެރިންގެ އަތްފައިގައި އަޅާ ކަސްތޮޅު. (2) ދުންފަތުގެ އިސްތިޢުމާލު ކުރުމަށްޓަކައި އެތެރެއަށް ދުންފަތް އަޅައިގެން ފަތުގައި ނުވަތަ ކަރުދާހުގައި އަނބުރާ އެއްޗެއް (3) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް އަޅުވާ ތަޅެއް
ބިޑިހެދުން
މ (1) ޙައިޞުގައި އިން އަނބިމީހާޔާ ޖިމާޢުވުން (2) ބިޑިއެނބުރުން
ބިޑިއެޅުން
މ (1) ބިޑިން އަތްފައި ބަންދުކުރުން މިއީ ދަގަނޑުން ހަދައިފައި އުޅާގޮތަށް ދެއަތުގައި އަޅުވާ ތަޅުލާ އެއްޗެކެވެ (2) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް ތަޅު އެޅުވުން
ބިޑިވުން
މ ދުންގަނޑެއް މާބޮޑަށް ދިލަވުން
ބިޔަ
ނއ (1) މާބޮޑު (2) ބޮޑެތިމަސް
ބިޔަކަން
ނއނ މާބޮޑުކަން
ބިޔަކޮށް
ކއ މާބޮޑުކޮށް
ބިޔަވުން
މ ނުހަނު ބޮޑު ވުން
ބިޔަދޮވި
ނއ (1) ކަމުގެ ދޯހަޅި (2) އެކަށީގެންނުވާ
ބިޔަދޮވިކަން
ނއނ (1) ކަމުގެ ދޯހަޅިކަން (2) އެކަށީގެން ނުވާކަން
ބިޔާއޮ
ނ ބުޅާގޮވާ ގޮތް
ބިޖިލީ
ނ ކަރަންޓު
ބިޖިލީބައްތި
ނ ބަހައްޓާ ބައްތިއެއް. މިއީ އުސްމިނުގައި ގާތްގަނޑަކަށް 41 އިންޗި ވަށަމިނުގައި ގާތްގަޑަކަށް ހަ އިންޗި ހުންނަ ބައްތިއެކެވެ މި ދިއްލަނީ ކަރާސީނު ތެޔޮ އަޅައިގެން ޗާބިދީގެން އެ ތެޔޮ ގޭހަށް ބަދަލުކޮށްގެންނެވެ
ބިޖޯޑު
ނއ ކޭލަހަމަނުވާ
ބިޗާނާ
ނ ތަންމަތި