radheef.info
ރަދީފު


ބަ
އ އައްބަ
މަސަލަސް
ނ (1) މަސްލަޙަތު. (2) ކުޑަކުއްޖަކު ރުއިން ހުއްޓިގެންވާ މައިތިރި. (3) ބެރުފަށާ ލަވަބައިގެ ފުރަތަމަ ލަވަ ނުވަތަ ބެރުހުއްޓާ ލަވައިގެ ހަތަރުވަނަ ލަވަ އަދި ކުއްލާބުގޭގައި ބެރުކޮޅު ޖައްސަވާއިރު ފައްޓާލަވަ ނުވަތަ ކުޅިހުއްޓޭރޭވެސް ޖަހާލަވަ އެކަމަކު އެރޭގެ މަސަލަސް ތަފާތު ވާނެއެވެ (4) ކުޅިހުއްޓޭރޭ ބަންޑާރަ ކޮށީ މީހުން ޖަހާކުޅިއެއް
މަސަލަސްޖެހުން
މ (1) ވަކި ވަގުތުތަކެއްގައި ވަކިހަމައެއްގެ މަތީން ޖަހާ ރަސްމީ ބެރެއް ޖެހުން (2) ކުޅިހުއްޓާރޭ ބަންޑާރަކޮށީ މީހުން ޖަހާ ކުޅިއެއްޖެހުން
މަސާހިބު
ނ (1) އަޅުގަނޑުގެ މާތްވެރިޔާ (2) ރަސްކަލެއްގެ އަރިހުގައި އާދޭހާ ދެންނެވުމުގެ ގޮތުން ބޭނުންކުރާ އާދެ ސާހިބު މިބަސްކުރުކޮށްލައިފައި ކިޔާގޮތެއް
މަސް
ނ (1) ފެނުގައި ދިރިއުޅޭ ކޮތަރިއާއި ނަގޫފަތް ހުންނަ ދިރޭ އެއްޗެއް. )މީގެގިނަ ބާވަތްތަކަކީ ކާންބޭނުންކުރާ އެއްޗެއްސެވެ.( (2) އިންސާނުންނާއި ޖަނަވާރާއި މަސްމަހާމެއްސާއި. ދޫނިސޫފާސޫފީގެ ހަށިގަނޑުގައި ހަމާ ކައްޓާ ދެމެދުގައި ހުންނަބައި. (3) އިހި ބޮލި ރާކަނި ފަދަތަކެތީގެ އެތެރޭގައި އޮންނަބައި (4) އަހަރެއްގެ ބާރަބައި ކުޅަ އެއްބައި (5) ދޫމިޖަހާހެން ބިލެތުގައި ޖަހާ އެއްޗެއް (6) އިންސާނުންނާއި އެނޫންވެސް ބަނޑުއަޅާ ވިހާ އެއްޗެހީގެ ދަރިންގެ ފޫޅު ދަނޑިއާ ގުޅިފައި އޮންނަ އެއްޗެއް
މަސްހިބަރު
ނ ކަނޑުގައި އުޅޭ ހިބަރުގެ ބާވަތެއް މިބާވަތުގެ ހިބަރު ފަންގަނޑު ހިބަރަށްވުރެ ކުރުފަލަވާނެއެވެ
މަސްހުނިވުން
މ މަޖާޒު: (1) ބައެއްކަހަލަ އެއްޗެހި ތަކެއް އެކުވުން (2) ވަކިތަރުތީބަކުން ހުންނަންވީ އެއްޗެހިތަކެއްގެ ތަރުތީބު ގެއްލި އެގޮތްމިގޮތްވުން (3) ތަފާތު މީހުންތަކެއް އެކުވުން
މަސްރޯވުން
މ ލޮލުގެ ބައްޔެއް މިބަލީގައި ވާގޮތަކީ ލޮލުގައި މަސްކޮޅެއް އުފެދެނީއެވެ
މަސްބައި
ނ މަސްބަހާއިރު އަޅާ ބައިތަކުގެ ތެރެއިން ބައެއް
މަސްބަދި
ނ ގިނައިން މަސްއުޅޭ ބަދި
މަސްބަތް
ނ މަސް އަޅައިގެން ވަކިގޮތަކަށް ކައްކާ ބަތެއް
މަސްބޯކިބާ
ނ މަސްލައިގެން ފިހާ ކުޅިބޯކިބަލެއް
މަސްކެނޑުން
މ ރޯމަހުގެ ބޮލާއި ކައްޓާއި ބަނޑައިދޫ މަސްގަނޑާއި ވަކިކުރުން
މަސްކޮށި
ނ (1) މަސްލައިފައި ބައިތިއްބުމަށްޓަކައި ފަޅުތެރޭގައި ދަނޑި ނުވަތަ އެނޫންވެސް އެއްޗަކުން ހަދައިފައި ހުންނަ ކޮށި (2) މަސްގެންގުޅޭން ބިއްލޫރި ޖަހައިގެން ހަދައިފައިހުންނަ ކޮށި (3) މަސްހިފުމަށްޓަކައި ކަނޑަށް ފައްތަން ހަދައިފައިހުންނަ ކޮށި
މަސްއަރި
ނ (1) މަސްކިބައެއް ދެފަޅިއަށް ފަޅައިފައި އޭގެ އެއްފަޅި (2) މަސްކިބަ
މަސްއައިން
ނ ކަނޑުގައި އުޅޭ މަހުގެ ބައިބައިގަނޑު
މަސްއެރުން
މ (1) ފާރުގަނޑު ފަސޭހަވަމުން އައުން (2) ލޮލުން މަސްނުކުތުން (3) ފަޅުފަޅަށް ބައިބައިގަނޑަށް މަސްވަނުން
މަސްއޮޑި
ނ (1) މަސްވެރިކަން ކުރަން ބަނދެފައި ހުންނަ އުޅަނދު (2) މަސްދޯނި
މަސްވަދަ
ނ )ސ ( ލޮލުގެ ބައްޔެއް ލޮލުގެ ކަޅިމަތީގައި މަސްކޮޅު ތަކެއް އުފެދޭ ބަލި
މަސްމުގުރާން
ނ އެމުގެ ބާވަތެއް. މިއީ ކަންފަތްގަނޑުގެ ދިގުމިން ބޮލުގެ ދިގުމިނާ އެއްވަރު ލޯބޮޑު އަނގަކުޑަ އެއްޗެކެވެ މިއެމުގެ މަތީ ކޮތަރިބަޔާއި ބަނޑުދޮށްފަރާތު ކޮތަރިބައިގައި ހުޅުނބު ފަޅައިފައި ހުންނާނެއެވެ މިއެމުގެ މަތީބައި ނޫވާނެއެވެ އަރިމަތި ރީނދޫވާނެއެވެ ލޮލުން ފެށިގެން ނިގޫފަތުގެ ބުޑާ ހަމައަށް ފުޅާފަށެއް ހުންނާނެއެވެ
މަސްފަތަފޮޅި
ނ މަސް ބޯކިބަލާ އެއްގޮތަށް ފުށްގަނޑު މޮޑެގެން ބަނަސް ހުންނަ ސިފަޔާ ދާދި އެއްގޮތަކަށް ފަތުގައިޖަހައި މަތި އަންދައި ފިހާ ހެދިކާ އެއްޗެއް