radheef.info
ރަދީފު


ބަ
އ އައްބަ
މަތިންއެރުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން (2) އެއްޗެއް ކެކި އުތުރި އަރައިގެން ބަންޑުންވުން (3) ރަށްރަށާއި ގިރިފަދަ ތަންތަނުގެ ވައިމަތި ފަރާތުން ދަތުރުކޮށް ދިއުން (4) ގިރާކޮށްފައި ނުދެވޭވަރު އުސްތަންތަނުގެ މައްޗަށް އަރައިގެން އަނެއްފަރާތަށް ދިއުން
މަތިންތިރިޔަށް ކިޔެވުން
މ އިހުގައި ކުދިންނަށް ޤުރުއާން ކިޔަވައިދޭއިރު ތިރިންމައްޗަށް ކިޔަވައި ނިޔާވީމާ ދެން ބަޤަރާ ސޫރަތުން ފެށިގެން ތިރީސްވަނަ ފޮތުގެ ނިޔަލަށް ކިޔެވުން
މަތިންލުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން. (2) އެއްޗެއްކެކި އުތުރި އަރައިގެން ބަންޑުންވުން. (3) ފުރާދުއްވާ އޮޑިފަހަރު ދަތުރުކޮށްފައިދާއިރު އަނބުރާނުލާ ފަރުމާނު މަތިން ރިޔާގެންދިއުން
މަތިބަނުން
މ ގުޅި ރުނބާ އަނގަ ބޮޑެތި ފުޅިފަދަތަކެތީގެ މަތީގައި ބަންދު ކުރުމުގެ ގޮތުން ފޮތިގަނޑެއްފަދަ އެއްޗެއް އަޅައިފައި ރަނގަޅަށް އެއްސުން
މަތިބިތްހިފުން
މ ރިޔަލު ދަތުރުކޮށްފައި ދާއިރު ވައިމަތީގައި ހުންނަ ރަށްރަށް އަތުވާ ހިސާބަށް ދަތުރުކޮށް އެރުން
މަތިބެދުން
މ (1) ގަސްތައް ބޯވެގެން މަތިނިވާވުން (2) ގައިގައިޖަހާ ފާރު ގަނޑުގެ އަޑިނުބައިވުމާއިއެކު މަތި ހިކިފައި ހުރުން (3) ހިޔާކުރާ ތަންތާނގެ މަތި ރަނގަޅަށް ހިޔާވުން (4) ކައްކާ ތަކެތީގައި ދުލިލުން
މަތިބޯ
ނ އޮޑި ދޯނިފަހަރުގެ ހުންގާނުގައި ހުންގާނު ދޫނި އެމުނިފައި ހުންނަ ހިސާބަށްވުރެ މައްޗަށް ހުންނަބައި
މަތިކަން
ނ (1) އޮޑި ދޯނި ފަހަރުގެ އޮޑިގަނޑަށް ކިޔޭ ހިސާބުގައި ވަށާ ކައިރީގައި އެންމެ މައްޗަށް އިންދައިފައިހުންނަމަޑޫ ބައެއް އެއްޗެހީގައި ވަކަރު ފިޔަވައި ލަކުޑިން ނުވަތަ ދަގަނޑުން ނުވަތަ އެނޫން އެއްޗެހިންވެސް މަތިކަން ހުރެއެވެ (2) އޮޑިދޯނި ފަހަރުގެ އޮޑިގަނޑުމަތީ ތުންފަތް
މަތިކަރާބޭސް
ނ އެތެރެހަށީގެ ފާރަށާއި އެކިއެކި ވަޔަށް ބޭނުންކުރާ ބޭސްތަކެއް މީގެ ތެރޭގައި ހިމެނެނީ ކަރަންފޫ ވަކިފޫ ބަޒަބާޒު ތަކޫވައް ފޮނިތޮށި ކައްބާބު ހިކި އިނގުރު ކާފޫރުތޮޅިއެވެ
މަތިކިބަ
ނ (1) ފުރާދުއްވާ އެއްޗެހީގެ ވައިމަތިފަރާތް (2) ދެކިބަޔަށް ހުންނަ އެއްޗެހީގެ މަތިގަނޑު
މަތިކުބަ
ނ )ސ ( މަތިކިބަ
މަތިކުބާ
ނ )ޏ ( މަތިކިބަ
މަތިކެނޑުން
މ (1) ނާޅި ލާހި އަޑާފައި ފަދަތަކެތިން މިނާއިރު ތުނބަށްވުރެ މައްޗަށް ހުންނަބައިތުނބާ ހަމަކޮށްލުން (2) ކުރުނބާ ފަޅޯ ފަދަތަކެތީގެ މަތި ވަކިކޮށްލުން (3) ދަޅު ޑަބިޔާ ފީފާ ފަދަތަކެތީގެ މަތި ވަކިކޮށްލުން (4) އޮޑިދޯނިފަހަރު ބަނދެ ނިމިގެން ފޮނު ކިއްސަރު ހަމަވާހެން އޭގެ މަތީ ކައިރި ކޮށައިމަށައި އެއްވަރުކުރުން
މަތިކެބާ
ނ )ގ ( މަތިކިބަ
މަތިއަންދާފިހުން
މ މަސްފަތަފޮޅި ބޯކިބާ ބަނބުކެޔޮ ފަދަ ތަކެތިފިހާއިރު އެފިހާ އެއްޗެއްގެ ދަށަށް އަލިފާންލުމާއިއެކު އޭގެ މަތީގައި ޖަސްތު ގަނޑެއް ފަދައެއްޗެއް ބާއްވައި އޭގެ މަތީގައި އަލިފާން ރޯކޮށްގެން އެއެއްޗެއް ރަނގަޅަށް ފިހެވެންދެން އެންދުން
މަތިއުކުޅު
ނ ގަދަބައްޔަށް ހިފުމުގެ އުކުޅެއް މިއުކުޅުގެ ބޭނުން ކުރަނީ ކުރިމަތިލާމީހާ ބިމުން އުފުލައިލައިފައި ބާރު ކަނޑުވާލުމަށެވެ
މަތިއުކުޅުންޖެހުން
މ )ޅ ( ގަދަބައްޔަށް ހިފުމުގައި ފުރަގަހުން ގައިގާ ބައްދައި ނަގައި ޖެހުން
މަތިއެނގަ
ނ )ގ ( ހަތަރެސްކަން ރިޔާނަގާ އެއްޗެހީގެ އަރަލުގެ ދެކޮޅުގައި ބައްދައިފައި ހުންނަ ދެވަލުގެ ތެރޭން ވައިމަތިފަރާތުގެވާ
މަތިއެޅުން
މ (1) ސަންދޯކުގެ މަތިގަނޑު ބޭއްވުން (2) ރޭނުމުގައި ހަމަފަށްއެޅުން (3) ކިހާކުގެ ތާފަތްގަނޑު ދުއްވާލާފައި ކިހައް ހުންނަ ހިސާބަށްމެށުން
މަތިއޮމާންކުރުން
މ މަޖާޒު: ނުބައިކޮށް ކުރެވިފައިވާ ކަމެއް ރަނގަޅަށް ކުރެވިފައިވާ ކަމެއްގެ ގޮތުގައި ދެއްކޭތޯ މަސައްކަތްކުރުން