radheef.info
ރަދީފު


ޕ
އ ތާނައިގެ ބާވީސްވަނަ އަކުރު
ޕުރޮވިޑެންޓް ފަންޑު
ނ މުވައްޒަފުންގެ މުސާރައިން ވަކިޢަދަދަކަށް ފައިސާ ކަނޑައި ހަމައެޢަދަދަށް އެމުވައްޒަފަކު މަސައްކަތްކުރާ ތަނުން ފައިސާ ޖަމާކޮށްދީގެން ހިންގާ ފަންޑު މިއީ މުވައްޒަފުންގެ މުސްތަގްބަލުގެ ފައިދާ އަށްޓަކައި ހިންގާފަންޑެކެވެ
ޕުރޮފެސަރު
ނ (1) އެކަމަކާ ބެހޭ ޢިލްމު ރަނގަޅަށް ދަންނަމީހާ (2) ކޮލެޖާއި ޔުނިވަރުސިޓީ ފަދަ ތަންތާނގައި ކިޔަވައިދޭމީހާ
ޕުރޮގުރާމް
ނ (1) ޖަލްސާއެއް ނުވަތަ ކަމެއް ހިންގާނެ ނުވަތަ ހިނގަމުން ދާނެގޮތް ކަނޑައަޅައި ލިޔެފައިވާ ލިޔުން (2) އެޖެންޑާ (3) އެކިއެކި ކަންކަމާ ގުޅޭގޮތުން ތައްޔާރުކޮށް ޓީވީއާއި ރޭޑިޔޯއިން ފޮނުވާ ފޮނުވުމެއް
ޕުރޮޓީން
ނ ކާނާގެ ތެރޭގައި ހިމެނޭ ހަށިގަނޑުގައި ހަކަތަ އުފެއްދުމަށް ބޭނުންވާބައި
ޕުރޮޖެކްޓަރު
ނ ލިޔުމެއް ނުވަތަ ކުރެހުމެއް ނުވަތަ ސްލައިޑެއް ބޮޑުކޮށް އަލީގެ ޒަރީއާއިން އިސްކްރީނަކަށް އަޅުވައިދޭ އާލަތެއް
ޕުރޮޖެކްޓު
ނ މަޝްރޫޢު
ޕުއް
ނ ކުޑަކުދީންގެ ބަހުރުވައިގައި ބޮޑުކަމު ނަޖިސް
ޕުއްލުން
މ ކުޑަކުދީންގެ ބަހުރުވައިގައި ބޮޑުކަމުދިއުން
ޕުދީނާ
ނ ކުދީނާ
ޕުލައިވުޑް
ނ (1) ލަކުޑީގެ ތުނިފަށްތައް ތަތްކޮށްގެން ހަދައިފައި ހުންނަ ފިލައެއް (2) ފުލައިވުޑު
ޕުލަގު
ނ ކަރަންޓް ނެގުމަށްޓަކައި ޓޮޕްޖެހުމަށްހަދައިފައި ހުންނައެތި
ޕުސްތޫބަސް
ނ އަފްޣާނިސްތާނުގެ މީހުންގެ މާދަރީބަސް
ޕުޑިން
ނ މައިގަނޑު ކެއުމެއްގެ ފަހުން ކާންބޭނުންކުރާ ފޮނި ކާއެއްޗެއް މީގެ ތަފާތު ވައްތަރުތައް ހުރެއެވެ
ޕޫރީ
ނ ގޮދަންފުށުގައި ހަދައި ތެއްލައިފައި ހުންނަ ލޮނުހެދިކާއެއް. މިއީ ޕާޕަރާވައްތަރު އެއަށްވުރެ ބޯކޮށް ހުންނަ އެއްޗެކެވެ
ޕޫލްކޮޕީ
ނ ކޮޕީގެ ބާވަތެއް މިބާވަތުގެ ކޮޕީގެ ކެއުމަށް ބޭނުންކުރަނީ އޭގެ މާގަނޑެވެ
ޕެނީ
ނ އިނގިރޭސި ވިލާތުގެ ފައިސާގެ ލާރީގެނަން
ޕެނެލް
ނ ވަކިކަމަކާ ބެހޭގޮތުން މަޝްވަރާ ދޭ ކޮމިޓީ
ޕެންޝަނަރު
ނ ޕެންޝަން ލިބިފައިވާމީހާ
ޕެންޝަން
ނ މުވައްޒަފަކު ވަކިމުއްދަތަކަށް ވަޒީފާ އަދާކުރުމުން އޭނާއަށް މުސާރައިގެ އިތުރުން މަހުން މަހަށް ލިބޭ ފައިސާގެ މިންވަރެއް މި މިންވަރު ކަނޑައެޅެނީ ޤާނޫނަކުން ނުވަތަ އަސާސީ ގަވާއިދަކުންނެވެ
ޕެރެގްރާފު
ނ ލިޔުމެއްގައި ހިމެނޭވަކި ނުކުތާއަކާ ގުޅޭގޮތުން އިބާރާތް ކުރެވިފައިވާ ބައެއް