radheef.info
ރަދީފު


ގެ
ނ (1) ދިރިއުޅޭތަން (2) މަސައްކަތެއް ކުރުމަށް ހަދައިފައި ހުންނަތަން މިސާލު: ކަނބުރުގެ (3) ދެއެއްޗެއް ގުޅުވައިދިނުމަށް ބޭނުންކުރާ އަކުރެއް މިސާލު: ޅެންވެރިންގެ ގުލްޒާރު (4) ނަން މާތްކުރުމަށް ބޭނުންކުރާ އަކުރެއް މިސާލު: ކިސްރާ ރަސްގެ (5) ބައެއް ކުޅިވަރު ކުޅޭއިރު ކުރަހައިފައި ހުންނަގޮޅި
ފަތިއެމުނުން
މ އެއްޗެހިތަކެއް ކޮންމެވެސް ވައްތަރެއްގެ ފަށަކަށް އެމުނުން
ފަތިވަރުއެމުނުން
މ ކަމަކާ ދޭތެރޭގައި ނުރުހިގެން ހުއްޓައި ނުލައި އެއްޗެހިކިއުން
ފަތިވިނުން
މ (1) ފޭރާން ކުރާއިރު އާދައިގެ ދުޅަނޫން އެހެން ދުޅައެއް ނެގުން. (2) ފޭލި ިވިޔާއިރު ކޮޅުމަތި ޖަހަން ވުމުން އެކަމަށް އިތުރަށް ނަގާ ދުޅަތަކެއް ނެގުން
ފަތިމެޅުން
މ ފެހުމުގައި ޖަހައިފައި ހުންނަ ފަތީގެ ކައިރިފަށް އޮއްބައި ރޮއްޖެއްޖެހުން
ފަތިފީރު
ނ ފީރުގެ ފަތިކޮށް ހުންނަ ވައްތަރު
ފަތިފުށް
ނ (1) ފަހާފައި ހުންނަ ލިބާހާއި ގަމީސް ފަދަ ތަކެތީގެ އެތެރެ ފަރާތް (2) މަޖާޒު: މީހަކަށް ކުރެވިފައި ހުންނަ ލަދުގަންނަންޖެހޭ ދެރަކަންތައްތައް
ފަތިފުށްކިޔުން
މ (1) މީހަކަށް ކުރެވިފައިވާ ލަދުގަންނަންޖެހޭ ކަހަލަ ދެރަކަންތަކުގެ ވާހަކަ ހާމަކޮށް ދެއްކުން (2) ބަދުނާމު ކުރުން
ފަތިދެމުން
މ އެކެއްގެ ފަހަތުގައި އަނެކަކު ހުންނާނެ ގޮތަށް ނުވަތަ އެކައްޗެއްގެ ފަހަތުގައި އަނެކައްޗެއް އޮންނާނެގޮތަށް އެތުރުން
ފަތިތަށި
ނ (1) ކުދިކޮށް ތިލަކޮށް ހުންނަތަށި (2) ޖޯޑުގެ ވަތުތަށި
ފަތިގަނޑު ނެގުން
މ މުންޑާއި ފިރިހެނުން އަންނަ ފޭލީގެ ކޮޅުމަތި ވަކިގޮތަކަށް ފަށްފަށް ޖެހުން
ފަތިގަނޑުޖެހުން
މ ކުޅޭ ކުޅިވަރެއް. މިއީ ގާތްގަނޑަކަށް ކައިވަތެއްގެ ދިގު ދެއިންޗި ފުޅާ ހޮޅިކޮށް އޮންނަ ހަތަރުގަނޑު ފަތިން ކުރެ އަތެއްގެ ތެރެއަށް ދެގަނޑު ފަތިލައިގެން ދެގަނޑު ދެގަނޑަށް ވަކިހަމައަކަށް ޖަހަމުން ކުޅޭ ކުޅިވަރެކެވެ. މިހަދައިފައި ހުންނަނީ އޮނުން ނުވަތަ ލަކުޑީންނެވެ. މި ކުޅިވަރު ކުޅެނީ ބަނޑިޔާ ނުވަތަ ޑަބިޔާ ޖަހައި ލަވަކިޔައިފައެވެ އަދި ޑަބިޔަލާއި ބަނޑިޔަލާއި ދޭތި ޖަހައިފައިވެސް މި ކުޅިވަރު ކުޅެއެވެ
ފަތިސްހަނދުވަރުމަތި
ނ ފަތިސް ހަނދުވަރުގެ ތެރޭގައި
ފަތިސްކަން
ނ ފަތިހުގެ އަސަރު
ފަތިސްވަގުތު
ނ (1) ފަތިހުގެ ވަގުތު (2) ފަތިސް ނަމާދު ވަގުތު
ފަތިސްދަންމަތި
ނ (1) ފަތިސް (2) ފަޖުރުލާ ވަގުތު (3) ރޭގަނޑު ހަތަރެއް ޖެހީއްސުރެ އިރުއަރަންދެން (4) ރޭގަނޑުގެ ހަތަރުދަމުން އެންމެ ފަހުދަން
ފަތީލުން
މ (1) އެކަތި އެނެކައްޗާއެކު ގުޅަމުން ގުޅަމުން ގެންދެވޭ ގޮތަށް ބަންނަ ބަނުން (2) ކާށި ނުވަތަ މަސްފަދަ ތަކެތީގެ އެއްފަތި އަނެއް ފައްޗާ ގުޅުން
ފަތުންފަތްފަޅާ
ނ ފަތުގެ ކައިރި ފަށުގައި ހުންނަ އޮށަކުން ގަސްފަޅާ ފަތްބޯކޮށް ހުންނަ ދެތިން ފޫޓަކަށް ހެދޭ ގަހެއް
ހައުޅާ ބައިން ޖެހުން
މ އަންނަ ފޭލީގެ ކޮޅުމަތީގައި ހައުޅަ ނަގައިގެން ދުޅައެޅުން މިއީ ކޮޅުމަތި ރީތި ކުރާން ކުރާ ކަމެކެވެ
ހައުޅާބައިން
ނ އަންނަ ފޭލީގެ ކޮޅުމަތީގައި އަޅާ ދުޅައެއް
ހައެއް
ނ ގުނުމުގެ ހަވަނަ ޢަދަދުގެ ނަން