radheef.info
ރަދީފު


ތަކަ
ނ ދާބަންނަ ރޮދި އަނބުރަން ގެންގުޅޭ އެތި
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފިރުކުން
މ (1) ހަތަރެސްފައި ޖަހައިގެން ނުވަތަ އިށީނދެގެންއިދެ ދެމެމުން ކަހަލަ ގޮތަކަށް އެއްތަނުން އަނެއްތަނަށް ދިއުން (2) ނަނު ފަދަ އެއްޗެއް އަތުތެރޭން ދެމިގެން ދިއުން
ފިއްތެއޮބަޑި
ނ (1) ތަންކޮޅެއް ދިގުކޮށް ހުންނަ ކެކުރިޔެއް މީގެ ފަތް ހުންނާނީ ތޮރާފަތް ކަހަލަ ގޮތަކަށެވެ މި ކެކުރީގައިދޮން ވީމާ ފޮނި ރަހަ ލާނެއެވެ (2) ފިއްތެޔޮ ނަރު
ފިތުރޯނު
ނ (1) ބިޔަކޮށް ހެދޭ ގަހެއް. މީގެ ފަތްތައް ހުންނާނީ ވަރަށް ހިމަކޮށް ބުރިތަކަކުން ގުޅިފައި ހުންނަ ތަނޑުތަކެއް ހެންނެވެ މީގެ ދެބާވަތެއް ހުރެއެވެ އެއިން އެއްބާވަތެއް ބޭހަށްވެސް ބޭނުންކުރެއެވެ (2) މިގަހުގެ ލަކުޑި
ފިޔަރެސް އެރުވުން
މ އަނގޮޓި ފަދަ ތަކެތީގައި ވަކިގޮތަކަށް އެސް ހަރުކުރުން
ފިޔާދާކެފުން
މ ކަރުދާސް ވަކިގޮތަކަށް ފަތްޖަހައިގެން ފިޔާދާ ހުންނަ ގޮތަށް ކެފުން
ފީހުން
ނ މަޑުގޮތަކަށް އަންނަ ހުމެއް މިހުމުގައި ކުޑަކުޑަކޮށް ހީކެރުވުމެއް ހުންނާނެއެވެ
ފީބޯމިޔަރު
ނ ފީމިޔަރު މިއީ އަތޮޅުން ބޭރު މާކަނޑުގައި ދިރިއުޅޭ މިޔަރެކެވެ މިއީ ވަރަށް ބޮޑު ވަރަށް ބަރުހެލި މިޔަރެކެވެ ވަރަށް މަދުން މެނުވީ އަތޮޅުތެރޭގެ ތިލަކަނޑު ތަކަކު މިމިޔަރެއް ނޫޅެއެވެ
ފީކުރުން
މ ކުކުޅު އަސްދޫނި ފަދަ ބިސް އަޅާތަކެތި ބިސްމަތީގައި އޮވެގެން ބިސްތަކަށް ހޫނު ދިނުން
ފުނޑުވުން
މ (1) ވަޅޯމަސްގަނޑެއް ފަދަ އެއްޗެއް އަތުން ވަކިވަކި އެތިކޮޅުތަކަކަށް ހަދައިލުން (2) "ފުނޑުން" މިބަސް މީހަކުލައްވައި ކުރުވުމުގެ މާނައިގައި ބޭނުންކުރުން (3) ހަރުއެއްޗެއް އަތުން ކުދިކުދިކޮށް ވަކިވަކި ކުރުން
ފުއްކެނޑުން
މ އެއްޗެއްގައި ވަކިގޮތަކަށް ތުނޑުބަރިއެއް ހެދުން
ފުއްވަޅުންދިއުން
މ (1) ބޮޑުބަޑި ނުވަތަ ހަވާފަދަ ތަކެތި ރޯކޮށްލުމުން ނުގޮވައި ފުއް ވަޅުން އަނދައިގެން ދިއުން (2) މަޖާޒު: ރާވައިގެން ވަކިގޮތަކަށް ކުރަން އުޅުނު ކަމެއް ނުވެދިއުން
ފުއްވުން
މ (1) މަޢުދަނީ ތަކެތިން ހަދާގެވެހި ކަންވާރުތަކާއި ގަހަނާތަކުގެ ކުރެހުންތައް އުސްކޮށް ހުންނާނެހެން ބެހެއްޓުން (2) ތައްގަނޑަކަށް އޮއްބައިގެން ފުފޭގޮތް ހެދުން (3) ބޮޑާހޭކުން (4) ތިމާ ރުޅި އައުމުން ކަންބޮޑުވާ ފަދަ ފަރާތަކަށް މާބޮޑަށް ނުރުހުމުގެ ކުލަ މޫނުމަތިން ދެއްކުން
ފުއްޓަކިދަތުރު
ނ )ކ ( ރައްޔިތުންގެ ތެރޭން ބާރުގަދަ މީހުން ނަގައިގެން ކުއްލި ގޮތަކަށް ފުރުވާލަން ޖެހޭ ދަތުރު މިފަދަ ދަތުރުތައް ކުރުވާ އުޅެނީ ރަށުގެ ކާޑުހުސްވެގެން ނުވަތަ އެނޫންވެސް އެފަދަ މުހިއްމު ކަމެއް ރައްޔިތުންނަށް ދިމާވެއްޖެ ޙާލަތެއްގައެވެ
ފުފޭ
ނ ކެއްކުމާއި ހަނޑޫ ދޮވުން ފަދަ ކަންތަކަށް ބޭނުންކުރާ ކަންވާރެއް މި ހަދައިފައި ހުންނަނީ މުށީންނެވެ
ފުދުނު ބަކަރި ހެދިގެން އުޅުން
މިސާލު: މީހަކު ހެދިހައިގޮތަކަށް ރުހިގެން އުޅުން
ފެހުރުގުންޑާ
ނ އިރުވައިގައި އެއްލާގުޑިއެއް މިއީ ތެލަނގަޔާ ވައްތަރުގޮތަކަށް ބޮޑެތިކޮށް ދިއްގާދަނޑިން ހަދައި ފަރަންޖީ ކަރުދާސް ހިއްޕައިފައި ނަގޫލައިގެން އެއްލާ އެއްޗެކެވެ
ފެނުޖެހުން
މ (1) ދަގަނޑުން ހަދައިފައި ހުންނަ އެއްޗެއްސަށް ހަރުކަން ގެނައުމަށްޓަކައި ދޮންކޮށްފައި ވަކިގޮތަކަށް ފެނުގައި ޖެއްސުން. (2) ބާރަށް ކުރިއަށްދާ އެއްޗެއް ފެންގަނޑުގެ މަތީގައި ނުވަތަ ބިމުގައި ޖެހިފައި ނައްޓާލައިގެން ކުރިޔަށް ދިއުން
ފެންރޮށި
ހަނޑުލުފުށް ފަތުގައި ތުނިކޮށްޖަހައި މަތިން ފަތްކޮޅެއް އަޅައިގެން ފިހެފައި ބޯކިރުފޮދެއް ހާކާލައިފައި ހުންނަ ރޮއްޓެއް. މިދެގޮތަކަށް ހަދައެވެ. އެއީ ހަނޑޫ އުއްސައިގެންނާއި ނުއުއްސައެވެ
ފެންފިޔާޒު
ނ ޖަވާހިރެއް މިހުންނަނީ މަޑުކުލަކުލައިގައެވެ އެތެރެ އެނގޭ ހެން ހީވާ ނުވާގޮތަކަށް އެއްކުލައަކުން ނޫނީ ދެކުލައެއް އެކުލެވޭ ގޮތަށެވެ