radheef.info
ރަދީފު


ދި
ނ އަންހެންދަރި
ހުރަސްގަޅިލޮނދިމަސް
ނ ފަރުފަޅުގެ އުރަފަށުގައި ދިރިއުޅޭމަހެއް މީގެ ކުލައަކީ މަޑުރީނދޫކުލައެވެ މަހުގެ ބުރަކަށިމަތީގައި ކޮތަރިބައިގެ ކުރީކޮޅުން ފެށިގެން ލޯ ހުރަސްކޮށް ތިރިއަށް ގަދަމުށިކުލައިގެ ރޮނގެއް ހުރެއެވެ މިބާވަތުގެ މަހުގެ ބޭރު ހަމުގައި އާދަޔާ ޚިލާފު ވިހައެއް އެކުލެވޭ ލޮނދީގެ ފަށަލައެއް ހުރެއެވެ
ހުރާގަނޑު
ނ ހުރައެވެ ކިޔާ ވަރަށްވުރެ ކުދި އެބާވަތުގެ ތަންތަން
ހުރުން
މ (1) ނެތުމުގެ އިދިކޮޅު (2) އެއްޗެއް ކޮންމެވެސް ތަނެއްގައިވުން
ހުރެ
އ (1) ހެދި މިބަހުގެ މާނަ ދޭހަވަނީ އެހެން އެއްޗަކާއި ގުޅުވައިގެން ބުނީމައެވެ މިސާލު: މަދިރިޔާ ހުރެ ނިދޭކަށް ނެތެވެ (2) )ގ ( ރޫ
ހުޅަނގު ވިނައަށްވުން
މ މަޖާޒު: ކަމެއްމާ ބާރަށް ފެށުމަށްފަހު މާއަވަހަށް ހުލިވެގެން ދިއުން
ހުޅާދިޔުން
މ ހުޅުފަނާދިޔުން
ހުޅި
ނ (1) ޒީނަތަށް ބޮލުއިސްތަށިގަނޑުން ޖަހާ ގޮށް (2) ގުޅަކޮށް ހައްޔަރުކޮށްފައި އޮންނަ އިސްތަށި ގަނޑު (3) އަންހެނުންގެ ރުމާއޮޅާން ކައްޗޭ ބޯފަދަ ތަކެތީގައި ފޮތީން ބަންނަ ބޮނޑި (4) ބައެއް ދޫނީގެ ބޮޅުގައި ވަކީން އުފުލިފައި ހުންނަ ފަތްކޮޅު (5) ސިންގާ އަސްފަދަ ތަކެތީގެ ކަނދުރާމަތީގައި ވަކީން ދިގުކޮށް އޮންނަ ކެހެރިގަނޑު (6) )ޏ ސ ( ނާޅި ލާހިފަދަ ތަކެތީން މިނާއިރު އުސްތުނބަށް ހުންނަތަން (7) ރާޅު އުފުލިގެންދާއިރު ވަކީން އުސްކޮށް ހުންނަތަން
ހުޅިގަނޑު
ނ (1) ބޮލުހުޅި (2) ސިންގާ އާއި އަސްފަދަ ތަކެތީގެ ކަނދުރާ މަތީގައި އޮންނަ ދިގު ކެހެރިގަނޑު
ހުޅުނބުފިލާ
ނ ފަތްޕިލާވެއްޔެއް މިއީ ވިނަހުންނަ ތަންތާ ގައި ހެދޭގަހެކެވެ މީގެ ފަތްހުންނާނީ ކޮޅުވައްކޮށް ކުދިކުދި ކޮށެވެ ފަތްބުރަނދަގޮޑީފަތާ ވަރަށް ވައްތަރުވާނެއެވެ މިފަތުގެ ދިޔަ ދުޅަވާތަންތާގައި ވަށައެވެ
ހުޅުބަލިފެލާ
ނ )ޏ.ސ.( ޗަސްބިމުގައި ހެދޭ ވިނައެއް )މިވިނަގަސް ހެދެނީ ބަދަބަދައަށެވެ. ވެލެއްހެން ހެދޭ މިވިނަގަސް ބިންމަތީ ދުވަމުން ދާއިރު ބަދަވަޅުތަކުން މޫފައިބަމުންދާނެއެވެ މިއީ ވަރަށް އަވަހަށް ހެދޭ އަދި ގިނަވާ ވިނައެކެވެ މިގަސް ބިމުން ލުހެލަން އުޅެފިނަމަ ބަދަވަޅުތަކުން ބިންދަ ބިންދައިގެންދާތީ "ހުޅުބަލިފެލާ" އޭކިޔަނީއެވެ
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުކުރުޙަދީޘް
ނ ހުކުރުނަމާދަށް ބަންގިދީފައި މީސްތަކުންނާ ދިމާޔަށް އެނބުރިހުރެ މާމުދިންމީހާ ކިޔައިއުޅުނު މަޝްހޫރު ހަދީޘް
ހުކުރެދި
ނ ބޭހަށް ބޭނުންކުރާ ފަތްޕިލާވެއްޔެއް މިއީ ގާތްގަޑަކަށް ދެފޫޓުބަޔަށް ހެދޭގަހެކެވެ ފަތްތައް ހުންނާނީ ކުރަދިފަތާއި ވައްތަރުކޮށް އެއަށްވުރެ މާތުނިކޮށެވެ
ހުއި
ނ (1) ހިމަދިގުކޮށް ފަތް ހުންނަ ވިނަ (2) މޫދުވިނަ (3) )ލ ( މުގުރާމުގެ ބާވަތެއް
ހުއިހެއްޕުން
މ ގެރިބަކަރިފަދަ ތަކެތި ވިނަކާން ވިނަގަނޑަށް ގެންދިއުން
ހުއިވަނި
ނ (1) މޫދުގައިއުޅޭ ދިރޭއެއްޗެއް މިއޮންނަނީ ބިޗުލެއްގެ ސިފައިގައެވެ (2) ނ އަތޮޅުގެ ފަޅުރަށެއްގެ ނަން (3) ހުވަނި
ހުއިފަތުމަސް
ނ ފަރުމަހުގެބާވަތެއް މިބާވަތުގެ ބޮޑެތިމަސް ދިރިއުޅެނީ މާކަނޑުގައެވެ ފަޅުތެރެއަށްވަދެއުޅޭ މީގެކުދިމަސް ދުވެއުޅެނީ އަރިއަށް ތިބެގެން ވަރަށް މަޑުމަޑުންނެވެ މިގޮތަށް މިމަސްދުވާއިރު ހީވަނީ މަރުވެފައިވާ ހުއިފަތް ކޮޅެއް އޮޔާ ދާހެނެވެ މަހުގެ ކުލައަކީ ގަދަމުށިކުލައެވެ މަހުގެ ނިގޫފަތް ހުންނަނީ ވަށްކޮށެވެ
ހުއިފަތުފިލޮޅު
ނ ފިލޮޅުގެ ބާވަތެއް މިމަހުގެ ތުން ދިގުވެފައި މަހުގެ ހަށިގަނޑުގައި ހުންނަ ހުޅުބުތައް ހަރުވެފައި ބޮޑެއްޗެވެ މަހުގެ ބޮލުގެ މަތީބަޔާއި ކަރުތާފަތް އަދިކަންފަތްގަނޑުގެ ބުޑުދޮށުގައި ހުޅުނބެއްނުހުރެއެވެ މިމަހުގެ ކުލައަކީ މުށިކުލައެވެ
ހުއިފިލަނޑާ
ނ މޫދުގައިއުޅޭ ދިރޭ އެއްޗެއް މީގެ ތަފާތު ވައްތަރުތައް ހުރެއެވެ ބައެއް އެއްޗެހި ކަޅުކުލައިގައި އުންފަޅައިފައި އަނެއްބައި އެއްޗެހި ކުކުޅުބިސް ކުލައިގައި ކަޅުލައް ޖަހައިފައިހުރެއެވެ މީގެތެރެއިން ބައެއް އެއްޗެހީގެ ބަނޑުގައި ބިއްލޫރި ކުލައިގެ ހިމަދިގު މަހެއް އޮވެއެވެ
ހުއިތޮށި
ނ )ސ ( ތުނިރިނދަލިހެން ހުންނަ ކުދިކުދި އެއްޗެއް މިއީ ގޮނޑުދޮށަށް ކަށިވެލި އަރާހެން އަރާ އެއްޗެކެވެ ގިނައިން މިއަރަނީ އައްޑުއަތޮޅަށެވެ