radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ކިރުކޯޅި
ނ ކިރުތިނައިގެ ބާވަތެއް މިއީ ބޭހަށް ބޭނުންކުރާ ފަތްޕިލާވެއްޔެކެވެ މި ގަސް ހުންނާނީ އާދައިގެ ކިރުތިނަ ގަހަށްވުރެ ތަންކޮޅެއް ދިގުކޮށެވެ މިގަހުގެ މާގަނޑު ބޮޑުވާނެއެވެ
ކިރުފަނިހަނދި
ނ (ޅ) ފަނިހަނދީގެ ބާވަތެއް. މިއީ އާދައިގެ ފަނިހަންޖަށްވުރެ މަސްގަނޑު ތުނި ކިރުފެން ކުލައިގެ ހަންޖެކެވެ.
ކިރުފެލާއިލާގަނޑު
ނ ކާށިހުނިން ކިރުފެލުމަށްޓަކައި ބޭނުންކުރެވޭ އިލާގަނޑު )މިއީ ދިވެހި ރުކުގެ އިލާ ކަފައިގެން ވަކިސިފައަކަށް ހަދައިފައި އޮންނަ އެއްޗެކެވެ
ކިބާވަރު
ނ ރޮށިދަމަން ހަދައިފައި ހުންނަ އެއްޗެއް މިހުންނާނީ ލަކުޑިން އެތެރެއާއި ބޭރު ވަށްކޮށް ލިޔެ މަތި ކުޑަކޮށް ފުއްޕާލާފައެވެ
ކިއްލާ
ނ (1) ރަށް ދިފާޢުކުރާ ސިފައިން ތިބޭން ހަދައިފައި ހުންނަ ބޮޑެތި ބުރުޒު (2) ރަސްކަމުގެ ކޮއިލު
ކިޑިކީ
ނ ޢިމާރާތް ފަދަ ތަންތާނގައި ވައިވައްދާށާއި އަލިވައްދާން ހަދައިފައި ހުންނަ ކުޑަދޮރު
ކުނބުކޮށި
ނ އޮޑިދޯނިފަހަރުގެ ކުނބު ނެގުމަށްޓަކައި ކުނބުވަތުގެ ދެތަލުގެ ދޭތެރޭ މެދުގައި ކުނބު އިންނަފަތާއެކު ތިން ފަރާތުގައި ފިލާޖަހައިގެން ހަދައިފައި ހުންނަކޮށި. މިއީ ކުނބުގެ ފޫ ވަނޮޅަށް ފައްތައި ކުނބުނަގާއިރު ފަރާތް ފަރާތަށް ކަސިޔާރުވެގެން ދިޔަ ނުދިއުމަށްޓަކައި ހަދައިފައި ހުންނަ އެއްޗެކެވެ
ކުނބުދަނޑި
ނ އޮޑިދޯނި ފަހަރުގެ ދެކުނބު ދޭތެރޭ ނުވަތަ ކުނބާއި ކަތްޕާއި ދޭތެރޭ ހަދައިފައި ހުންނަ ދަނޑިހަރު
ކުނިކަހާފިހިގަނޑު
ނ ތަޅުމާއި ފަންގިފިލާފަދަ ތަންތަނުން ކުންޏާއި ވެލިސާފުކުރަން ބޭނުންކުރުމަށް ހަދައިފައިހުންނަ އެއްޗެއް ބޮނބިނަރާއި އަދި މިނޫންވެސް އެއްޗިހިން މިހަދައި އުޅެއެވެ
ކުނިކޮށި
ނ އުކާލަން ގެންދާކުނި ޖަމާކުރަން ހަދައިފައިވާތަން
ކުންނު
ނ ބޮޑެތި ގަލުން ނުވަތަ ފަރުބަދައިން ބޭރަށް ނުކުމެފައި ހުންނަ މުލި
ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ކުރަނދު
ނ ބާވަތެއްގެ ހިލަވެއްޔެއް މިބޭނުންކުރަނީ ބާވަތް ބާވަތުގެ ހަނުތަޅާށެވެ މިހިލަވެލި އަލިފާނަށް ލީމާ އާދައިގެ ހިލަވެއްޔަށްވުރެ އަވަހަށް ވިރޭނެއެވެ ވިރުވާއިރު މީގައި ތަތްކަމެއް ހުންނާނެއެވެ
ކުރަނޑި
ނ (1) ފެންބޯތައްޓާއި ބޯތަށިފަދަ ތަށިލާން މައްޗާއެކު ލިޔެލާ ޖަހައިފައި ހުންނަ އެއްޗެއް މީގެ ކިތަންމެ ވައްތަރެއް ހުރެއެވެ ކޮންމެ ވައްތެރެއްގައިވެސް މަތިގަނޑު މެދުގައި އުށެއް ހުންނާނެއެވެ (2) ކުރަނޑި ފާޑަށް ބިއްލޫރިން ހަދައިފައި ހުންނަ ތަކެތ ި (3) ޖަނަވާރާއި ދޫނިސޫފާސޫފީގެ މައިދާ (4) މިސްކިތް މިސްކިތްފަދަ ތަންތާނގައި ލާގެ ޒީނަތްތެރިކުރަން ކުރަނޑީގެ މަތިގަނޑާ އެއްގޮތަށް ލިޔެފައި ހުންނަ އެއްޗެއް
ކުރަފަތްޖަހާ ހަންގަނޑު
ނ ކުރަފަތް ތޫނުކުރާން ކާއްތަން ހަދައިފައި އޮންނަ ދިބާޣުކުޅަ ހަންގަޑެއް
ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ކުރާއެނބުރުން
މ (1) ވަގު ތަފާސްކުރާން ހަދާފަންޑިތައެއް މިއީ ފަންޑިތަ ހަދައިގެން ކުރަޔަކުން ބަލާ ފާލެކެވެ
ކުރިބޯށި
ނ (1) ބައެއް ގޭގެގެ ފުރާޅުގައްޔާއި ދިދަދަނޑީގެކޮޅުގައި ހަރުކޮށްފައި ހުންނައެއްޗެއް މިހަދައިއުޅެނީ ކޭލުބޯއްޓާއި އެއް ސިފައަކަށެވެ (2) ކުރިބޯށިގޮތަށް ހަދައިފައި ނުވަތަ ކުރަހައިފައި ހުންނަ އެއްޗެހި
ކުރުކަނި
ނ ފަތްފޮށީ ވަކަރު މައްޗަށް އިންދައިފައި ހުންނަ ކުރުވަކަރު ބުރިއެއް
ކުރުއަތްމައްޗަށްއޮތުން
މ އުޅަނބޮށި ވިއްދައިގެން އަތްތިލައިގައި ބޯއަޅައިގެން އޮތުން