radheef.info
ރަދީފު


މ
ނ (1) ތާނައިގެ ދިހަވަނަ އަކުރު (2) ދިވެހި ވިޔަ އަކުރުގެ
ރޯސްޕާން
ނ ކުކުޅުބިހާއި ގެރިކިރާއި ހަކުރާ ރަނގަޅަށް އެއްކުރުމަށްފަހު އެއިން ޕާންފޮތިފޯކޮށް ތަވައެއްގައި ތެޔޮފޮދެއް އުނގުޅައި ދެފުށް ރަތްވެލަންދެން ފިހެފައި ހުންނަ ޕާންފޮތި
ރޯޝަނީވުން
މ އަލިކަން ލިބިގެންވުން
ބަހަނާ
ނ (1) ތިމާގެ ބޭނުމާ އެއްގޮތަށް ކަމެއް އަނބުރާލަން ވެގެން ދައްކާ ވާހަކައާއި މެދުވެރިކުރާ ސަބަބު (2) މަކަރު
ބަހަނާހެދުން
މ (1) ތިމާ ބޭނުންގޮތާ އެއްގޮތަށް ކަމެއް އަނބުރާލަން ވެގެން ވާހަކަދެއްކުން ނުވަތަ ސަބަބު މެދުވެރިކުރުން (2) މަކަރުހެދުން
ބަހަނާދެއްކުން
މ (1) ތިމާ ބޭނުންގޮތާ އެއްގޮތަށް ކަމެއް އަނބުރާލަންވެގެން ވާހަކަދެއްކުން (2) ކަމަކުން ރެކެންވެގެން ސަބަބުދެއްކުން
ބަހަނު
ބދ މަރުތަބާން
ބަހަރުގައީ
ނ ފެންމަތީ ކުނބުގެ އެންމެދިރުބާކޮޅުން ނަވުގެ ދެފަރާތު ކަންކައްޓަށް ހުންނަވައިރު
ބަހާ
ނ (1) ގެލަހަރު. (2) ބދ. ކަމާއިނުވާބަސް. (3) ބެހުން މިބަހުގެ ވާކަމާއި އަމުރު (4) ބައި
ބަހާރު
ނ (1) ތަފާތު މޫސުން އަންނަ ތަންތާނގައި ގަސްގަހުން މާފޮޅޭ މޫސުން (2) މަޖާޒު: ނއ )ހ( ފުރިހަމަ )ށ( އުފާވެރި )ނ( ތާޒާ
ބަހާރުއައުން
މ ބަހާރު މޫސުން އައުން
ބަހިށި
ކ )ޏ ( ނިކަންހުރޭ! މިބަހަށް ބޭނުންކުރާގޮތް
ބަހީ
ކ ތިމާކުރާ ކަމެއްގައި އަނެކަކު ބައިވެރިކުރުމަށް ބުނެއުޅޭބަހެއް މިސާލު: ސައިބޮމާބަހީ
ބަހުންމެޓާ
މަޖާޒު: (1) ފޮނިކަނޑާ (2) އަޗާތަޅާ
ބަހުންމެޓާކަމުންރެކޭ
މަޖާޒު: ކަމެއްކުރާން ބާރުލައި ފޮނިކަނޑައިފައި އެކަންކުރުމުން ދުރުވެގަންނަމީހާ
ބަހުންޖެހުން
މ މީހަކަށް އަސަރުކުރާނޭ ކަހަލަ މާނައެއްލައިފައި އެމީހާއާއި ދިމާއަށް ނުވަތަ އެމީހާއަށް އިވޭނޭހެން އެހެންމީހަކާ ދިމާއަށް ސަމާސާގެގޮތުން ބަހެއް ބުނުން
ބަހުރު
ނ (1) ކަނޑު (2) "ޙިޒުބުލް ބަޙުރު" މިނަންކިޔާ ދުޢާ
ބަހުރުފެނަށްވަންދެންކިޔެވުން
މަޖާޒު: ކިޔެވެއްޔެއް ކިޔެވިލެއް ގަދަކަން އަންގައިދިނުމުގެ ގޮތުން ބުނެއުޅޭބަހެއް
ބަހުރުލޮނު
ނ (1) ކަނޑުގެ ލޮނު (2) މަޖާޒު: ނއ ލޮނުރަހަ މާގަދަވީމާ ބުނެއުޅޭގޮތެއް
ބަހުލޫލު
ނ (1) މަކަރުވެރިޔާ (2) ޙީލަތްތެރިޔާ
ބަހުލޫލުކަން
ނއނ (1) މަކަރުވެރިކަން (2) ޙީލަތްތެރިކަން