radheef.info
ރަދީފު


މަޖާ
ނ (1) އުފާވެރިކަން އެކުލެވިފައިވާ ކަންތައްތައް. (2) ރިހާކުރާއި ހުތާއި ގިތި ފަޅޯ ފަދަ އެއްޗެހި އެއްކޮށްގެން ހަދާ ވަރަށް ކުޅިގަދަ އެއްޗެއް (3) ނއ އުފާވެރިކަން އެކުލެވިފައިވާ
ބޭރިހެދުން
މ މަޖާޒު: ކުރާހިތްވާކަމެއް ނުކުރާން އުޅޭވައްތަރު ދެއްކުން
ބޭރުފުށް އޮމާންކުރުން
މ މަޖާޒު: މަތިއޮމާންކުރުން
ބޭލިކޭން
ނ (1) ކައިއަވަދިވީމާ ހަރުގެއިން ނެރޭކޭން. މިއީ މާލޫދުގެ ރަސްމިއްޔާތަށް ހަރުގެއަށްގެންދާ އިރާކޭން ދަމުކޭން އަވަލިކޭން ފަދަ ކޭން ކައިނިމުނީމާ ހަރުގެއިން ނެރުމުން އެކޭކަމަށް ކިޔާއުޅޭނަމެކެވެ (2) މަޖާޒު: އިނދެގެންއުލެ ދުވަސްދިއުމަށްފަހު ވަރިކޮށްފައި އިން އަންހެންމީހާ
ބޭސް ސުންބުލި
ނ (1) ޔޫނާނީ ބޭހުގެ ބައެއް ބާވަތެއް އަޅާން ތާރުކުފަނުން ވިޔެފައި ހުންނަ ކޮތަޅު (2) މަޖާޒު: އަބަދު ބަލިވެ އުޅޭ އަންހެންމީހާ
ބޭސްގުޅަޖެހުން
މ މަޖާޒު: (1) އަފިހުން ގުޅައެއް ކައިލުން (2) މަސްތުވާ ހިކި އެއްޗެއް ކެއުން
ބޮނބިގަނޑުފުރުވުން
މ (1) މީދާމޫދުގައި ހުންނަ ކާށިގެއަށް އަރާން އޮއިހުންނަގޮތް ބެލުމަށްޓަކައި ބޮނބިގަނޑު މޫދަށް ބޭލުން (2) މަޖާޒު: ތިމާފާޅުނުވެހުރެގެން މީހަކު ލައްވައި ތިމާއަށް ކަމެއް ފަހިވޭތޯ ބެއްލުން
ބޮނދައިގެންއުޅުން
މ (1) ފިލައިގެން އުޅުން (2) މަޖާޒު: މީހުންގެ ތެރެއަށް ނުފެންނަ ގޮތަކަށް އުޅުން
ބޮނދު
ނ (1) ރާޒުވާކުޅިބައިގެވެރިކުޅި. (2) ކަނޑުމަތީގައި އުޅޭ ކުޑަވަރެއްގެ ދޫންޏެއް. މިދޫނީގެ ފިޔަހުންނާނީ ހަނިކޮށެވެ. ވަރަފަތް ތައް ހުންނަނީ ތޫރިކޮށެވެ. (3) މަޖާޒު: ރަނގަޅަށް ބޮޑުނުވެ ހުންނަމީހާ. (4) )ގ.( ލަނޑާ
ބޮނދުބުޑަށްސައިކިޔުން
(1) ރާޒުވާކުޅުމުގައި ބޮނދަށް ރައްކާނުވެވޭގޮތަށް ބޮނދާ އެންމެކައިރީގެ ޔަކަށް ސައިކިޔުން (2) މަޖާޒު: މީހަކަށް ސަލާމަތް ނުވެވޭވަރުގެ ބޮނޑިއެއްދިނުން
ބޮނޑިބަނުން
މ (1) އެއްޗެހިތަކެއް އެއްކޮށް ބަނުން (2) މަޖާޒު: ތަނެއްގައި އުޅެމުން އެތަނުގެ އެއްޗެހި ތިމާގެ އަމިއްލަ ފައިދާއަށްޓަކައި ސިއްރުން އެއްކޮށް ޖަމާކުރުން
ބޮނޑިކުރުން
މ (1) އެއްޗެއް ގުޅަ ކުރުން (2) ގާތަށް ލެފުން (3) މަޖާޒު: ދަހިވެތިކަމުން ތަކެތި އެއްކުރުން
ބޮނޑިއެޅުން
މ (1) ތަފާލެއްޖެހުން (2) )ހ ( މަޖާޒު: ތިމާ އަދައިގެން އުޅޭ ކަމެއް ޙާޞިލުވުން
ބޮނޑުނަގުލަށްވުން
މ މަޖާޒު: ބޮނޑުނަގުލަށް ދިއުން
ބޮނޑުނަގުލަށްދިއުން
މ މަޖާޒު: ކަމެއް ފަށާ އިރަށްވުރެ ފަހަށް ދިޔަދިޔަހެން ހުލިވަމުން ދިއުން
ބޮކިއެނދުން
މ (1) އެލެކްޓްރިކް ބޮކީގައި ހުންނަ ނަރުކޮޅު އަނދައިގެން ނުދިއްލޭގޮތްވުން (2) މަޖާޒު: ލޯކަނުވުން
ބޮކުބާރު
ނ މަޖާޒު: ތިމާގައި ހުރިކަމަށް ހީކުރާ ޙަޤީޤަތުގައި ނެތްބާރު
ބޮއް
ނ (1) ފެނުގައްޔާއި އެއްގަމުގައި އުޅޭ ފުމެމުން ހިނގާ އަނގަބޮޑު ސޫތްޕެއް (2) އަތްމަތީ ހަތިޔާރު )އަތުންޖަހާބަޑި( ގޮއްވައިލަން ނައްޓައިލާ ތަން މިއީ އިހުގައި ކިޔާ އުޅުނު ގޮތެކެވެ (3) މަޖާޒު: ޅަކުދިން
ބޮއްކުރާދޮށަށް އޮޑިކެނބުން
މ މަޖާޒު: (1) ފިރިހެނުން ހޯދަން އަންހެނުން ދިއުން (2) ނޯކަރު މީހާގާތަށް ސާހިބުމީހާ ކަންތަކާ ދިއުން
ބޮއްފަތި
ނ (1) ވިހައިފައި ވަކިވަކި ނުވެ ހުންނަ ޅަބޮއްތައް (2) މަޖާޒު: ޅަކުދިންތަކެއް
ބޮލާއެޅުން
މ (1) ގުޑިފަދަތަކެތި އަރުވައިފައި ހުއްޓާ ބޯކޮޅު ވަތަށް ތިރިޔަށް އައުން މަޖާޒު: (2) މީހެއްގެ ނަސީބު ދެރަވާން ފެށުން (3) ފަސޭހަނުވާނެޔޭ ހީވާވަރުގެ ބައްޔެއް ޖެހުން