radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
އަތަރުގޭމީހުން
ނ އަތަރުގެއަށް ދައުލަތުން ލައްވާފައިތިބި މަސައްކަތުމީހުން. މަތިގެފޮޅާ ދުވާލަކު އެއްފަހަރު ފެންފޮތިލާ އަހަރަކު އެއްފަހަރުދޮވެ ގަނޑުވަރުތެރެޔާބެހޭ ހިސާބުގައިހުންނަ ލަންޓަންތައް ބަލަހައްޓައި ހަދާނީވެސް މިމީހުންނެވެ
އަތްފައިބިނދުން
މ މަޖާޒު: ތިމާގެބާރު ހިގަމުންއައިކަމަކަށް ޖެހުނު ކޮންމެވެސް ކަމެއްގެ ސަބަބުން ބާރުނުހިގާގޮތްވުން
އަތްތެރިކަން
ނއނ )އަތުގެ ވެރިކަން( މީހަކު ކޮންމެވެސް އެއްޗެއް ގެންގުޅޭކަން
އަތްތޮޅުވުން
މ ބާރުގަދައީ ކާކުތޯ ބަލާން އެކަކު އަނެކަކުގެ އަތުގައި ހިފައިނައްޓުވައިހެދުން ދެމީހުން އޮޅުލައިގަތުމުގެ ކުރީގައިވެސް މިހެން ހަދައިއުޅެއެވެ
އަލަ
ނ (1) މަޝްހޫރު ފަލަމަޑިއެއް. މީގެކިތަންމެ ބާވަތެއް ހުރެއެވެ. މިސާލު: މާއަލަ ގޮބޮޅިއަލަ (2) އިޝްޤީލޯތްބަށްވެސް މިހެން ކިޔައެވެ
އަލަނާސި
ނ ޅަބޯކެޔޮގަހެއްކަހަލަ ގަހެއްގެކުރިން ނުކުންނަ ރަތްކުލައެއްގެ ފޮނި މޭވާއެއް މިހުންނާނީ ބޮޑެތި އުންތަކެއް ފަޅައިފައެވެ މިމޭވާގެމަތީކުރިވެސްދާނީ ހެދެމުންނެވެ ނަމަވެސް އެކުރިޔަކު ދެނެއް މޭވާއެއްނުގަންނާނެއެވެ މީވަރަށްމީރު އަދި މީރުވަސްދުވާ މަޝްހޫރު މޭވާއެކެވެ
އަލަބުރި
ނ ދެކޮޅު އެއްވަރަށް ދޮންކުލައިގައި ހުންނަ ބާވަތަކުގެ ގުޅިއެއް މީގެ މަތިވެސް ހުންނާނެއެވެ
އަލަކަ
ނ ފެނުދޫންޏެއް މިއީވެސް އިލޮޅިފަދައިން ގޮނޑުދޮށާއި މޫދުގައިއުޅޭ ކުޑަވަރަކު ދޫންޏެކެވެ
އަލަމާރި
ނ މިއީ އަންނައުނާއި ފޮތާއި އަދިވެސް ހިފައިގެންގުޅޭ ބައެއްތަކެތި ރައްކައު ކުރާން ބިތްތެރީން ހުޅުވޭގޮތަށް ހަދާފައި ހުންނަ ފަރުނީޗަރެކެވެ މިހުންނަނީ ކޮޅަށް ބަހައްޓާފައެވެ
އަލިފާންރޮދި
ނ ގިންނޯށި މިއަށް ބައެއްމީހުން ގިނިރޮދިވެސް ކިއައެވެ
އަލިފާންއާވި
ނ ރޯވުމެއް ހޫނުވުމެއްނެތި ފިހުމާއި އެނދުމުގެ ބާރު ހުންނަ ދިޔާއެއްޗެއް. މިއީ ކައްސަނދުވާނި ބާރޯޒް އަދިވެސް މިބާވަތުގެ މަޢުދަނީ އެއްޗެހީން ނަގާއެއްޗެކެވެ
އަލީބޮޚާރި
ނ ކުންނާރަކަށްވުރެ ތަންކޮޅެއްބަޑު ފޮނިމޭވާއެއް މީގެ އޮށުތެރޭގައި ބަދަނެއްކަހަލަ އޮށެއް އޮންނާނެއެވެ މިގިނައިން ގެންގުޅެނީ ހިއްކައިގެންނެވެ ރާގުންޑާއަށްވެސް މިހެންކިޔައެވެ
އަލްބަމް
ނ (1) ފޮޓޮގްރާފް ލާށާއި އިސްޓޭމްޕް ތަތްކުރާން ހަދާފައި ހުންނަ ފޮތް (2) ލަވަހޮޅިލާން ހަދާފައި ހުންނަ ފޮތަށްވެސް މިހެންކިޔައެވެ
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަޑަވާ
ނ އެންދަމާ ދަލުގެ ދެކޮޅު ދެކުރެވި މިއަށް އަޑަވާކުރެވިވެސް ކިޔައެވެ
އަޑިއަށްދިއުން
މ (1) ގެނބުން (2) ފެންގަނޑެއްގެ އަޑިއަށް ފީނައިގެން ދިއުން (3) ފެނުގެ ތެރެއަށް ފެތިގެންދިއުން މަޖާޒު: (4) ވެރިއެއްގެ ކުރިމަތީގައި ނުވަތަ އެހެންވެސް ފަރާތެއްގެ ކުރިމަތީ ޤަދަރު ކުޑަވުން (5) ކުރަމުންއައި ކަމެއްގައި ނަކާމިޔާބުވުން
އަޑިއެޅުން
މ (1) ވާން އުޅޭ ކަމެއް ކޮންމެވެސް ސަބަބަކާހުރެ ވަންހަނާގޮތެއްގައި ލަސްވެފައި އޮތުން މަޖާޒު: (2) ފައިސާގެ ގޮތުން ނުވަތަ ދިރިއުޅުމުގެ ގޮތުން ފެންވަރު ދަށްވުން
އަޑު
ނ (1) ދެއެއްޗެއް ޖެހުމުން ނުވަތަ އިންޖީނެއް ހިންގުމުން ނުވަތަ ވާހަކަ ދެއްކުމާއި މިނޫންވެސް މިފަދަ ކަންކަމާ ގުޅިގެން އިވޭ އިވުން. (2) އެއްގަމުގެ ބައެއް ޙައިވާނުގެ އެތެރެ ހަށީގައި އޮންނަކުޑަ މަޑުގުނަވަނެއް މިގުނަވަން އެންމެ ވައްތަރުވާނީ ލާގުޅައަކާއެވެ
އަޑުކިއުން
މ (1) ދެއެއްޗެއް ކޭއްތުމުގެ ސަބަބުން އަޑުއިވުން. )މިސާލު: އުނދޯލި ހެއްލާއިރު ރޮނގަލިން އަޑުކިޔުން.( (2) އެއްޗެއް ބިދޭ ވަގުތު ނުވަތަ އެއްޗެއް ވީދޭ ވަގުތު އަޑުއިވޭ އިވުމަށްވެސް ކިޔަނީ އަޑު ކިއުމެވެ (3) ވާންއުޅޭ ކަމެއްގެ ވާހަކަ ސިއްރު ސިއްރުންދެކެވޭ އަޑު އިވުން
އަޒަލު
ނ މާތްރަސްކަލާނގެ ރަސްކަންފުޅު ފިއަވައި އެހެން އެއްވެސް އެއްޗެއް ނެތް ޒަމާން ކަމެއްގެ ފެށުން