radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ބޫޓު
ނ ފައިތިލަ އެކީ ނިވައިވާ ގޮތަށް ހަދައިފައި ހުންނަ ފައިވާނެއް މިއީ އާއްމުގޮތެއްގައި ހަމުން ނުވަތަ ރަބަރުން ހަދައިފައި ހުންނަ އެއްޗެކެވެ
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި
ބެރުއެދުރުކަން
ނ ބެރުވެރިންގެ ވެރިކަން )މިއީ ސަރުކާރުންދެއްވާ އުޅުއްވި ވަޒީފާއެކެވެ
ބެރުވެރިން
ނ އިހުޒަމާނުގައި ރަސްމީ ބެރުތައް ޖަހައި އުޅުނު މީހުން މިއީ ސަރުކާރުން ވަޒީފާ ދެއްވާފައިވާ ބައެކެވެ
ބެރެބެދިދަންބޮޑު
ނ ދަންބޮޑުގެބާވަތެއް މިއީ ބެރެބެދިކުލައާއި އެއްފަދަ ރަތްކުލައެއް ހުންނަ ކުޑަވަރެއްގެ މަހެކެވެ ހުޅުނބުތަކުގެ ކައިރިފަށައި ކަރުތާފަތުގެ މަތީ ކައިރިފަށް ގަދަމުށިކުލައެއްގައި ހުރުމާއެކު ނިގޫފަތް ހުންނަނީ ހުދުކުލައިގައެވެ
ބެއިވެޔޮ
ނ ރަތްކުލައިގެ އޮށެއް އަޅާވެލެއް މިއީ އެއްތެޔޮހެން ތަނޑުގަނޑު ދެމެމުން ވެލަށް ހެދޭ ބާވަތެކެވެ
ބޭނގު
ނ ފެނަށް ދިރޭ މޫދުމަހެއް މިއީ ކަށިގިނަ މަސްމީރުމަހެކެވެ މިމަސް ހުންނާނީ މެކުނު ފާޑަށެވެ
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ
ބޭރި
ނ (1) ކަނޑުން އަރާކަމަށް ހީކުރާ ޚިޔާލީ ފުރޭތައެއް. މިއީ ހުރިހާ ކަމަކާ ވާހަކަދައްކައި އެއްޗެހިކިޔައި އުޅޭ ކަމަށްބުނާ ފުރޭތައެކެވެ (2) މަޖާޒު: މީހަކާ ހިތާވެގެންމެ އެވައްތަރު ނުދައްކާ އެމީހާގެ ފަހަތުން އަޅައިގަނެގެން އުޅޭމީހާ
ބޭރުބޮޑުއަށި
ނ އިހުގައި ގަނޑުވަރުތެރޭ ހުރި އަށްޓެއް މިއީ ހަނގުބޭކަލުން ދަމަށް ދުރުވާ ފަސްއަށިން ހިއްތަން ދޮރޯށިން ބޭރުގައި ހުންނަ އަށްޓެވެ
ބޭދަނާ
ނ އަހިއޮށްހެން ހުންނަ އޮށެއް މިއޮށް ފެނަށް އެޅީމާ މަސްލައިގެން އޮލަވާނެއެވެ މިއީ ބޭހަށްވެސް ބޭނުންކުރާ އެއްޗެކެވެ
ބޭލިކޭން
ނ (1) ކައިއަވަދިވީމާ ހަރުގެއިން ނެރޭކޭން. މިއީ މާލޫދުގެ ރަސްމިއްޔާތަށް ހަރުގެއަށްގެންދާ އިރާކޭން ދަމުކޭން އަވަލިކޭން ފަދަ ކޭން ކައިނިމުނީމާ ހަރުގެއިން ނެރުމުން އެކޭކަމަށް ކިޔާއުޅޭނަމެކެވެ (2) މަޖާޒު: އިނދެގެންއުލެ ދުވަސްދިއުމަށްފަހު ވަރިކޮށްފައި އިން އަންހެންމީހާ
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޭސްކަރަ
ނ އަރިދަފުސް ރޯގާއަށް ބޭނުންކުރާ ދިވެހި ބޭހެއް. މިއީ ދުންނިކަފަތް ފެނުކައްކައިގެން ނުވަތަ ޅައަންނާރު ފޮޅިކޮށްގެން ހިއްތަލަފުށް ނުވަތަ ގޮދަން ފުށުގައި މަތިކަރާބޭހާ ދިޔާ ހަކުރު އަޅައިގެން ހިލާ ބޭހެކެވެ މިބޭސް ހިލުމުގައި ފޮނިތޮށި ކާފޫރުތޮޅި އަޅައެވެ ފޮނިތޮށި ކާފޫރުތޮޅި އަޅާނީ ބޭސްގަނޑު ހަރުވަމުން އަންނަ އިރުއެވެ
ބޮށިގަނޑަ
ނ )ސ.( (1) ވިހައިގެން އުޅޭ މީހުންނަށް ބޯންދޭން ތައްޔާރުކުރާ ބޭހެއް. މިއީ މަތިކަރާ ބޭހާއި ގަސްގަހުގެމޫ އެއްކޮށްގެން ހަދާ ބޭހެކެވެ. މިބޭހަށް "ބޮށިގަނޑަ" މިހެން ކިޔަނީ މައިގަނޑު އެއްޗަކަށް ވަނީ ބޯށިގަހުގައި އަންނަ ޅަބޯށިގަނޑުކަމަށް ވާތީއެވެ. (2) ގަސްގަހުގައި އެއްތަނޑަކަށް ނުފޮޅި ހުންނަ މާގަނޑު
ބޮނބިއެޅުން
މ (1) ބޮނބި ފާލުގައި ބޮނބި ވަޅުލުން މިއީ ބޮނބި ފާކޮށްގެން ތަޅައިގެން ނަރުނެގުމަށް ކުރާކަމެކެވެ (2) )ބ ( ވިޔާން ފުރައިފައި ހުންނަ އުއިގަނޑުގެތާން ހިއްކާން ފިހިކޭއްތުން
ބޮނބިއޮޑި
ނ އޮޑިޔެއްގެ ސިފައިގައި ރިޔާނަގައިގެން ދުވާނޭހެން ހަދައިފައި އޮންނަބޮނބިގަނޑު މިއީ ކުޑަކުދިން ކުޅެން ގެންގުޅޭ އެއްޗެކެވެ
ބޮނދާލުން
މ ދަނޑީކޮށީ ކުޅިޖަހާއިރު ހަދާގޮތެއް މިއީ ދެދަނޑިބުރީގެ ދެކޮޅު ގޮތަކަށް ޖައްސައިލައިފައި ދެމީހުން އޮރިވެލައިގެން ހަދާގޮތެކެވެ
ބޮނޑަނަ
ގޮނޑުދޮށު ދޫނީގެ ބާވެތެއް. މިއީ ހަށިގަނޑު ބޮނޑިމަސް ތުންކުރު ދޫންޏެކެވެ. މިދޫނީގެ ދެފިޔައިގެ މަތީ ފަރާތާއި ބުރިކަށިމައްޗާއި ބޮލުތަލަމަތީ ގައި ހުންނަނީ އަޅިކުލައެވެ ކަރު ދަށުން ފެށިގެން ބަނޑުދަށާއި ފިނދުފަތް ހުންނަނީ ހުދުކުލައެއްގައެވެ ތުންހުންނަނީ ކަޅުއަޅި ކުލައިގައެވެ
ބޮނޑަންއިލޮލި
ނ ގޮނޑު ދޮށު ދޫނީގެ ބާވަތެއް. މިއީ ބޮނޑަނައާއި ވައްތަރު ދޫންޏެކެވެ. މީގެ ތުން ދިގުވެފައި ތުނބުގެކުރީކޮޅު ހުންނަނީ ތިރިއަށް ލެނބި ލައިފައެވެ. ތުނބުގެކުލައަކީ ކަޅުދަނބުކުލައެވެ ދޫނީގެ ބުރަކަށިމަތީގައި ހުންނަނީ އަޅި މުށި ކުލައެވެ ބަނޑުދޮށް ހުންނަނީ ހުދުކުލައެއްގައެވެ ފިޔައިގެ ކުރުފަތްބައިގެމަތީ ކައިރި ހުންނަނީ ހުދުކުލައިގައެވެ