radheef.info
ރަދީފު


ކުރުން
މ (1) ކަމަކަށް ޢަމަލީ ސިފަގެނައުން (2) ކަމެއްހިންގުން
ބެންކު ކުރުން
މ (1) ބޭންކުގައިވާ އެކައުންޓެއްގައި ފައިސާ ޖަމާކުރުން (2) ބެންކަށްލުން
ބެރުއެޅުން
މ ބެރުގެ އޮނިގަނޑު ދެކޮޅުގައި ހަންހަރުކުރުން
ބެރުދެމުން
މ ބެރުގެނަނުތަކަށް ދަމައި ހަންބާރު ކުރުން
ބެއްދުން
މ (1) އެކަތި އަނެއްޗާއި ގުޅުވުން (2) މީހެއްގައި ނުވަތަ އެއްޗެއްގައި އޮޅުލައިގަތުން (3) އެއްޗެއްގައި މަޅިއެއް އަޅުވައި ބާރުކުރުން (4) މުށްލައްޕައި ބާރު ކުރުން (5) ނިވާކުރުން (6) މަސްތަކެއް ދަލަކަށް ނުވަތަ ކޮށިގަނޑަކަށް ވައްދައި ބަންދުކުރުން (7) ބަންދުކުރުން (8) ކުރިމަތި ބަންދުކޮށްގެން ކުރިޔަށް ދިޔަނުދިނުން (9) ދައްކާ ވާހަކައަކުން އަނެކަކު ދެރަކޮށްލުން )01( ކަޑައްތު ކުރުން
ބެއްސުން
(1) ބައިވެރިކުރުން (2) ބެއްސުވުން
ބޭނުންކުރުން
މ މުހުތާދު ކުރުން
ބޭންދުން
މ (1) އިށީނުން މިބަސް ކުރުވުމުގެ މާނައިގައި ބުނާގޮތް )އިށީނދުވުން( (2) ޚިތާނުކުރުން (3) ވަކިތަނަކުން ނުނިކުމެވޭގޮތަށް މީހަކު ތަނެއްގައި ވަގުތީ ގޮތުން ހިފެހެއްޓުން
ބޭރަށްލުން
މ (1) ތަނަކުން ނެރެލުން (2) ނޯކިރީކަމުން ވަކިކުރުން (3) ވިހައިގެން ހަތްދުވަސްވާ ދުވަހު އާދަކާދައިގެ މަތިން މައިމީހާޔާ ދަރިފުޅު ގޭތެރެއިން ބޭރަށް ނެރުން
ބޭރުކުރުން
މ (1) އެތެރޭން ބޭރަށް އެއްޗެއް ނެރުން (2) ބޭރަށް އެއްޗެތި ފޮނުވުން (3) ކަމުން ދުރުކުރުން (4) އުޅޭތަނުން ބޭރަށްލުން
ބޭރުމެށުން
މ އޮޑިވަޑާމުގެ ބަހުރުވައިގައި އުޅަނދެއް ބަނދެ ނިމިގެން އޭގެ ބޭރުމަށާއި ބައްޓަން ރީތިކުރުން
ބޭރުފުށް އޮމާންކުރުން
މ މަޖާޒު: މަތިއޮމާންކުރުން
ބޭރުދަތުރުކުރުން
މ (1) ރާއްޖެއިން ބޭރަށް ދަތުރުކުރުން (2) ބޯޓު ދަތުރުކުރުން
ބޭލުން
މ (1) މަތީގައި ހުރިއެއްޗެއް ތިރިކުރުން. (2) އެއްގަމުގައި އޮތްއެއްޗެއް ކޮށްޕައި މޫދަށް ނުވަތަ ފެންގަނޑަކަށްލުން (3) ހަށިގަނޑުން ފަޅައިފައި ހުންނަ އިސްތައްޓާއި ގެރިބަކަރިފަދަ ޖަނަވާރުގެ ކެހެރި ތޫނު އެއްޗަކުން ކަހައި ފިލުވުން (4) ދަތުރުކޮށްފައި އައިމީހަކު އެއްގަމަށް ގެނައުން (5) ރަށުންބޭރަށް އަންނަމީހަކު ރަށުގައި ނުވަތަ ގެއެއްގައި ބެހެއްޓުން (6) އުޅަނދަކުން މީހަކު ނުވަތަ އެއްޗެއް އެއްގަމަށް ނުވަތަ އެހެން އެއްޗަކަށް ނުވަތަ ތަނަކަށް ގެންދިއުން (7) ދަތުރު ފަތުރު ކުރާ އުޅަނދަކުން ތަކެއްޗާއި މީހުން ހުސްކުރުން (8) ރަށެއްގައި ދިރިއުޅޭބަޔަކު އެރަށުން ބޭރުކުރުން (9) އެހެލުމުގެ އިދިކޮޅު )01( ކުޅިވަރުކުޅޭ ދަނޑަކުން ނުވަތަ ކޯޓަކުން މީހުން ނުވަތަ ބަޔަކު ބޭރުކުރުން
ބޭސް ފަރުވާކުރުން
މ ބޭސްކުރުމާއި އެކަމާބެހޭ ގޮތުން ކުރާ ކަންތައްތައް ކުރުން
ބޭސްހެދުން
ނ (1) ބޭސް (2) މ ބޭސްކުރުން
ބޭސްކުރުން
މ ޖެހޭ ބައްޔަށް ބޭސްހަދައި ފަރުވާ ކުރުން
ބޭޒާރުކުރުން
މ (1) ފަޟީޙަތްކުރުން (2) ސިއްރު ފާޅުކުރުން
ބޮނޑިބަނުން
މ (1) އެއްޗެހިތަކެއް އެއްކޮށް ބަނުން (2) މަޖާޒު: ތަނެއްގައި އުޅެމުން އެތަނުގެ އެއްޗެހި ތިމާގެ އަމިއްލަ ފައިދާއަށްޓަކައި ސިއްރުން އެއްކޮށް ޖަމާކުރުން
ބޮނޑިބޮނޑިކުރުން
މ ގުޅަގުޅަކުރުން
ބޮނޑިކުރުން
މ (1) އެއްޗެއް ގުޅަ ކުރުން (2) ގާތަށް ލެފުން (3) މަޖާޒު: ދަހިވެތިކަމުން ތަކެތި އެއްކުރުން