radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ބަނޑޭރިގެ
ނ ކުރީ ދުވަސްވަރު ސަރުކާރުގެ މުދަލާ ފައިސާ ބަލަހައްޓާ ރައްކާކުރާ އޮފީސް
ބަނަފުސާ
ނ މަޑު މީރުވަހެއްދުވާ މަލެއް މިއީ ބޭހަށް ބޭނުންކުރާމަލެކެވެ މިމަލުގެ ދެތިން ކުލައެއް ހުރެއެވެ އެއީ ހުދުކުލަޔާއި ރީނދޫ ކުލަޔާއި ދަނބުކުލައެވެ މިއީ ވަރަށް ރީތި މަލެކެވެ
ބަންވުން
މ ވެއްޓުން މިބަސް ކުޑަކުދިންގެ ބަހުރުވައިގައި ބޭނުންކުރާގޮތް
ބަންދު
ނ (1) ހައްޔަރު (2) ގަޓަރިފީފާ ފަދަތަކެތި ބަންދުކުރަންއަޅާ ހަނިދިގުކޮށް ހުންނަ ތުނި ދަގަނޑުފަތް ނުވަތަ ފޮތިގަނޑު (3) ޕާރުސަލްކުރާ ކުރުން (4) އިނގިލީގައި އަޅާން ރަންރިހިފަދަ ތަކެތީން ހަދައިފައި ހުންނަ ފަތި އަނގޮޓި (5) ފޮތްފޮތުގެ ގަނޑުތައް ހުޅުވުނަ ނުދިނުމަށާއި ރައްދުވާ ފަރާތުގެ ނަން ޖެހުމަށް ފޮތުގެ ވަށައިގެން އަޅާ ކަރުދާހުގެ ފަށް (6) ހެދުމާއި ޔުނީފޯމުގައި ކަމަރެއްގެ ގޮތުގައި ބޭނުންކުރާ ފޮތިފަށް (7) ރައްކާކުރާން ބޭނުންވާ ތަކެތި ލައިފައި ހުންނަ ތަންތަނުގެ ދޮރުގައި ހުރަހަށް ނުވަތަ ކައްޗަށް އަޅައިފައި ހުންނަ ދަގަނޑު (8) "ހުޅުވިފައި" މިބަހުގެ އިދިކޮޅު (9) ނިޝާނެއްގެ ގޮތުން އަތުގައި ނުވަތަ ބޮލުގައި އަޅާން ހަދައިފައި ހުންނަ ފީތާފަށް )01( މަނާވާވުން
ބަންގި
ނ ފަރުޟު ފަސް ނަމާދުގެ ވަގުތު ވަދެއްޖެކަން އެންގުމަށްޓަކައި ބޭނުންކުރާ ކަލިމަތައް
ބަންގިގޮވުން
މ ފަރުޟު ފަސް ނަމާދުގެ ވަގުތު ވަދެއްޖެކަން އެންގުމަށްޓަކައި ބޭނުންކުރާ ކަލިމަތައް ހަރުއަޑުން އިއްވުން
ބަންޑާރައެދުރުގެ
ނ (1) ސަރުކާރުގެ ފަރާތުން ޤުރުއާން ކިޔަވައިދޭގެ (2) ބަންޑާރަ އެދުރުކަން ކުރާމީހާގެ ގެ
ބަންޑާރަދަތުރު
ނ ރަށްފުށުގައި ސަރުކާރުގެ ގޮތުންނާއި ރައްޔަތުންގެ ގޮތުންކުރާ ދަތުރު
ބަރާ
ނ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެންވާ ބަރާ. (2) ފުރާ ދުއްވާ ތަކެތި ދުއްވަން ހެޔޮވަރަށް ކުރާ ބަރު. (3) ރިޔާ ނެގީމާ ތެދަށް ނުހުރެވޭ ވަރުގެ ހިމަދިގު ދޯނިފަހަރު ތެދަށް ބެހެއްޓުމަށްޓަކައި އެދޯނިފަހަރުގެ މަތި ކިބަފަރާތަށް ދުއްވައިފައި އޮންނަ ދަނޑިއެއްގައި ލައިފައި އޮންނަ ކަނދު
ބަރު
ނއ (1) ލުއިގެ އިދިކޮޅު (2) ވަޒަނުން އިތުރު (3) ބައެއްގަޑި ހިނގާއިރު އެލިފައި ހުރެގެން ދެފަރާތަށް ހެލިހެލި ހުންނަ އެތި (4) ނ ކަރުދާސް ވަޔާ ހިނގައިދާނެތީ އޭގެ މަތީ ބަހައްޓާން ގެންގުޅޭ ތަކެތި (5) ނ ސަންޑޯކުރާ ބަރު އުފުލަން ގެންގުޅޭ އެކި ވަރުގެ އާލާތް (6) ނއ މަސައްކަތް ބޮޑު
ބަރުމަރުކާ
ނ އޮޑިދޯނިފަހަރު ބަރާކުރާނޭ މިންވަރު ފާހަގަކުރާން ސަރުކާރުގެ ފަރާތުން ޖަހައި އުޅުނު ނިޝާން
ބަރުދާސްތު
ނ (1) ވޭނާ ކެކުޅުން އުފުލުމުގައި ކުރާކެތް (2) ބަރުދާސް
ބަރުގޮނު
ނ (1) އިޝާރާތެއްގެ ގޮތުން އަންގައިލުމަށްޓަކައި އަޑުއިއްވަން ބޭނުންކުރާއެއްޗެއް (2) މީހުން ސަމާލުކުރުވުމަށް އަޑެއް ގޮއްވާލުމަށް ބޭނުންކުރާ އެއްޗެއް އެންމެ އާންމުކޮށް މިބޭނުންކުރަނީ އެއްގަމުގައި ދުއްވާ އެއްޗެއްސާއި ކަނޑުގައި ދުއްވާ ބައެއް އުޅަނދު ފަހަރުގައެވެ
ބަރުޒަޚު
ނ (1) ދެމެދު )ދެތަނެއްގެމެދު( (2) މަރުވުމަށްފަހު އަލުން ދިރުއްވަންދެން ހޭދަ ކުރާ ޢާލަމު
ބަބުނަ
ނ ފޭރާންކުރާއިރު ދުޅަނަގާން ގެންގުޅޭ ފަލަލާއެއް މިއީ ހަލާ ދަނޑިޔާ ޖެހިގެން މަގަތަށް އޮންނަ ދަނޑިއެކެވެ
ބަބުންދުޅަ
ނ ފޭރާން ކުރާއިރު ބަބުނަ ބޭނުންކޮށްގެން ނަގާ ދުޅަ
ބަބުރުކިއްސަށްދެވި
ނ ވަކި ބައްޔެއް ޖައްސާކަމަށް ހީކުރާ ޚިޔާލީ ދެތްވެއް
ބަޅުމަހާހަމަކުރުން
މ މަޖާޒު: ކަމެއް ނުކުރުމަށާއި ނުކުރާނެ ކަންއެންގުމަށް ގަދައަޅައިބުނާބަހެއް
ބަކަރިމުތް
ނ ވިހައިގެ ބޭހަށް ބޭނުންކުރާ ހިލަކޮޅެއް މިއީ ބަކަރީގެ ގޮހޮރުގެ ތެރޭގައި އޮންނަ ކަމަށް ބުނެވޭ އެއްޗެކެވެ
ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ