radheef.info
ރަދީފު


ރިއްސެޔޮ
ނ (1) ދޮންރީނދޫ ކުލައިގެ ދަވާދު ހަދަން ގެންގުޅޭ ފުށެއް (2) ފަށުރިއްސެޔޮ (3) ދޮން ރީނދޫ ކުލަ
ރިތް
ނ އޮޑިދޯނިފަހަރު ކަނބަން ގެންގުޅޭ ދަނޑި
ރިޔަން
ނ (1) މިންއަޅަން ގެންގުޅޭ މިންގަނޑެއް މީގެ ދިގުމިނަކީ 42 އަނގޫ ނުވަތަ 72 އިންޗިއެވެ (2) މި މިންގަނޑު ހަމަވާއެތި
ރިޔަންކޮޅުލުން
ގޭގެ އަޅާއިރު ނުވަތަ އޮޑިދޯނިފަހަރު ބަންނައިރު ރިޔަން އަޅައި ހަމަކޮށްފައި އެއްއަނގޫ ނުވަތަ ތިން ހަތަރު އަނގޫ ކަނޑައިލުން. މިއީ އިރުވަރާއި ކުރާކަމަކާއި ގަސްދުކުރާގޮތަކާއި ދިމާވާގޮތުން ނަކަތްތެރިން ކޮން އުޅޭކަމެކެވެ
ރީތިގަހަށް ބޮޑު ސަތަރު ވެއްޓުން
މިސާލު: ހާމަ ތަނަކަށް އެއްލާލާފައި އޮތްހެން މީހަކުދިމާ އުއްޑުން އޮތުމުން ދީ އުޅޭ މިސާލެއް
ރީޙުލްއަޙުމަރު
ނ (1) ބައެއްބާވަތުގެ މޮޔަބަލި ޖައްސާކަމުގައި ފަންޑިތަވެރިން ބުނެއުޅޭ ޖިންނި (2) ފަންޑިތަވެރިން ކިޔަވާން ގެންގުލޭ ދުޢާއެއް
ރުނބާ
ނ ހިރިމީގެ ސިފައިގައި ހުންނަ މުށީގެ ކަންވާރެއް. މިއީ ބޭރުގައި އޮފުލައިފައި ހުންނަ ޖާޑިއަށްވުރެކުޑަ ވިހި އަޑުބަޔާއި ސާޅީސް އަޑުބަޔާއި ދެމެދުގެ މިންވަރެއް އެޅޭވަރުގެ ކަންވާރެކެވެ
ރުނޑިކާޅު
ނ އަނެކަކު ދެރަކޮށްލަން ތާކުންތާކު ނުޖެހޭ މީހެކޭ ބުނުމަށް ބޭނުންކޮށް އުޅޭ ބަހެއް
ރުޅިބޮކުސަންނެޓި
މަޖާޒު: ފަސޭހައިން ރުޅިއަންނަ ކުޑަކުދީންނާ ދިމާއަށް ކިޔައިއުޅޭ ވަނަމެއް
ރުކަށް އަރާމަސް
މ ފެނުގައި އުޅޭ ބާވަތެއްގެ މަހެއް މިމަސް ގޮނޑުދޮށުގައި ހެދިފައި ހުންނަ ރުއްގަސް ފަދަ އެއްޗެއްސަށް އަރައިއުޅެއެވެ
ރުކުރުކުއެޅުން
މ އަލަށް ރޯނުފުރި ނުވަތަ މަޅުއެޅި އެނދު އަށިފަދަ ތަންތާނގައި އިށީނދެ އޮށޯވެ އުޅޭއިރު އެއިން އަޑުއިވުން
ރުއްކުރި
ނ ކަނޑާލާފައި ނުވަތަ ވެއްޓިފައި އޮންނަ ރުކެއްގެ ކުރިގަނޑު ނޮޅާ ސާފުކުރީމާ ހުދުކޮށް މަޑުކޮށް އޮންނަބައި މިއީކައި އުޅޭ އެއްޗެކެވެ
ރުވާކޮކާ
ނ )ހ ( ރުވާގަހުގައި އުޅޭ ފެހި ކުލައިގެ ކޮކާލެއް
ރުގުން
ނ ބޭހަށާއި އެހެނިހެން ބައެއް ބޭނުމަށް ގެންގުޅޭ ގިއުޅިލާށި ޒާތުގެ މުރަނަ ކިރެއް
ރުޑު
ނ ގައިގެ ތަނެއްގައި ކޫރުމެއް އެޅޭ ކަހަލަ ގޮތަކަށް އެއްޗެއް ކޭއްތުނީމާ އެޅޭ ކޫރު
ރޫބައި
ނ ބަޔެއް ނެށުމުގައި އަނދެއުޅޭ ރޫޖައްސައިފައި އޮންނަ ފޮތިގަނޑެއް
ރޫލެޓު
ނ ހަރާދުކިޔައިގެން ކުޅޭ ކުޅިވަރެއް. މިއީ ވަތްވަތަށް ބައިކޮށް ކުލަޖައްސައި ނަމްބަރުޖަހައިފައި އޮންނަ ބުރެއް އަނބުރައިގެން އެބުރުގެ ތެރެއަށް ފަސްއޮށެއްވަރުގެ ބޯޅައެއް ލައިގެން ކުޅޭ ކުޅިވަރެކެވެ
ރޫލެޓް ފިލާގަނޑު
ނ ރޫލެޓްކުޅެން ގެންގުޅޭ ފިލާގަނޑު
ރެކިބީފާނު
ނ އަންހެނުންނަށް ކިޔާއުޅޭ ވަނަމެއް
ރެކިދައިތާ
ނ )ސ ( ރެކިދިޔެކިޔާމީހުންނަށް ދައްތަކިޔުމުގެ ގޮތުން ކިޔާއުޅޭނަމެއް