radheef.info
ރަދީފު


ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ
ރަންރޮނގުރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ވިދާ ފިޔާތޮށިކުލައެވެ މަހުގެ ދެފަރާތުގައި މަހުގެ ދިގަށްވާގޮތަށް ރަންކުލައިގެ ރޮނގުތަކެއް ފާޅުކޮށް ފެންނަން ހުރެއެވެ ކަރުތާފަތްމަތީ ރަތްކުލައިގެ ފުޅާ ރޮނގެއް ބޮލުގެ ހުރަހަށް ހުރެއެވެ
ރަންބޯދި
ނ )ހ ( ބޯދީގެ ބާވަތެއް
ރަންކަނިބުރުން
މ (1) ލޯމަތިން ރަންކަނިތަކެއް ފަދަ އެއްޗެހިތަކެއް ފެންނަގޮތްވުން (2) ބޮލަށް ބާރުކުރާގޮތަށް އެއްޗަކުން ޖެހުމުން ލޮލުގެ ކުރިމަތިން އަލިކޮޅުކޮޅު ފެނުން (3) މަޖާޒު: ރުޅި އައިސްފައިވާލެއް ބޮޑުކަން ބަޔާން ކުރުމުގެ ގޮތުން ބުނާ ބަހެއް
ރަންކާޅު
ނ )މ.( ބާވަތެއްގެ ބޮއްޔެއް. މިހުންނާނީ ވަރަށްފަނޑު ކިސުޑި ވައްތަރެއްގެ ތިކިތަކެއް ޖަހައިފައި މަޑުމުށި ކުލައެއްގައެވެ ގާތްގަނޑަކަށް ދެ އިންޗިވަރު ވާނެއެވެ
ރަންކޮރަލި
ނ ކޮރަލީގެ ބާވަތެއް މިއީ ހުޅުނބުތައް ރަންކުލައިގައި ހުންނަ ބޮޑިމަސްކޮށް ހުންނަ މަހެކެވެ
ރަންވަންގަލަދުން
ނ )ސ ( އަނދުނުގެ ބާވަތެއް މިގަލަދުމަށް އިރުގެ ދަޅައެޅުނީމާ ނުވަތަ އަލި އެޅުނީމާ ފެންނާނީ ރަންކުލައިގައެވެ
ރަންމަންފުއްލާ
ނ ފުއްލާގެ ބާވަތެއް މިއީ ހުދުތިއްކާއި ރަތްކުލައިގެ ތިކި ޖަހައިފައި ހުންނަ ފުއްލާއެކެވެ މިއަށް ރަންވަން ފުއްލާ ވެސް ކިޔައެވެ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންމުޑުދާސް
ނ މުޑުދާހުގެ ބާވަތެއް
ރަންފާނަ
ނ ފާނައިގެ ބާވަތެއް މީގެ ކުލައަކީ ރަންކުލައެވެ މަހުގެ ބޮލާއި ހަށިގަނޑުގައި ނާރިގު ކުލައަކަށްދާ ރީނދޫ ކުލައިގެ ކުދި ތިކިތަކެއް ހުރެއެވެ މަހުގެ ނިގޫފަތުގެ ކޮޅުގައި ނޫކުލައިގެ ހިމަ ފަށެއް ހުރެއެވެ
ރަންގުކައްޓަލަ
ނ ކައްޓަލައިގެ ބާވަތެއް މީގެ އެތެރެ ހުންނާނީ މަޑު ދަނބު ކުލައެއްގައެވެ
ރަންގުފަޅޯ
ނ ފަޅޮލުގެ ބާވަތެއް މީގެ އެތެރެ ހުންނާނީ މަޑުރަތް ދަނބުކުލައެއްގައެވެ
ރަންގުފޭރު
ނ ފޭރުގެ ބާވަތެއް މީގެ އެތެރެ ހުންނާނީ ރަތް ދަނބުކުލައިގައެވެ
ރަބަރުކޮތަޅު
ނ (1) ބާޒާރު ކުރަން ގެންގުޅޭ އަތްމަތީ ކޮތަޅު (2) ޕުލާސްޓިކު ކުދި ކޮތަޅު
ރަކަބޯދި
ނ )ހ ( ބޯދީގެ ތެރޭގެ އެންމެ ރަތް ބާވަތް
ރަކަމު
ނ (1)ވައްތަރު (2)ބާވަތް
ރައިވަރު
ނ ދިވެހިޅެމުގެ ބާވަތެއް. މިހެދިފައި ހުންނަނީ ތިންބަހުންނާއި ހަބަހުންނެވެ މީގެކުރީން މިއަށްވުރެ ގިނަބަހުންވެސް ރައިވަރު ހަދައި އުޅެއެވެ
ރައިފަލު
ނ އަތްމަތީގައި ގެންގުޅެވޭ ގޮތަށް ހަދައިފައި ހުންނަ ބަޑީގެ ޚާއްޞަ ބާވަތެއް: މިބާވަތުގެ ބަޑީގެ ވަޒަން ނުކުމެގެން ދާހޮޅީގެ އެތެރެ ހަދައިފައި ހުންނަގޮތުން ބަޑިން ނުކުމެގެންދާ ވަޒަންދާނީ ވަކިގޮތަކަށް އެނބުރެމުންނެވެ. މިބާވަތުގެ ބަޑީގެ އޮޓޮމެޓިކް ވައްތަރުތަކާއި އޮޓޮމެޓިކްނޫން ވައްތަރުތައްވެސް ހުރެއެވެ
ރަމަން
ނ (1) ބޮލުގެ ހަމުގައި ތަތްލައިފައި ހުންނަ މިލަ (2) ބޯބާލާއިރު އޮމާންނުވެ ހުންނަ އިސްތަށިކޮޅު
ރަމަންކެހުން
މ ބޯބާލާފައި ކުރަފަތުން މިލަ ކަހާ އޮމާން ކުރުން