radheef.info
ރަދީފު


ބަހެ
ކ (1) ބުނަމޭ (2) އަންގަމޭ މިއީ ބޮޑު ބަނޑޭރި ގެއިން ނެރުނު އަމުރަށް ޚާއްޞަވެފައިވާ ބަހެކެވެ
)މުސްކުޅިބަހެއް( (1) މީހަކު ކަމެއް ކޮށްފާނަމޭ ބުނުމުން އެކަން އޭނާއަށް ނުވެވޭނެކަމަށް ހީވާތީ ބުނާ ބަހެއް (2) މީހަކު ކަމެއް ކޮށްފާނަމޭ ބުނީމާ އެކަން ކުރުވުމަށް މަލާމާތުން ހިތްވަރު ދިނުމަށް ބުނާބަހެއް ފާނައޮންނާނީގާދަށުގައެވެ
ފާނު
ނ (1) މޮޅުކުރުމުގެ ގޮތުން މީހުންގެ ނަމުގެ ފަހަތަށް ގުޅާ ބަހެއް މިސާލު: ކަލޭގެފާނު (2) )ގ ( ފަނިފަކުސަ
ފާވުން
މ (1) މޭވާފަދަ ތަކެތި ދޮންވެގެންގޮސް މަޑުވުން (2) ބަނބުކެޔޮ ފަދަ ތަކެތި އެއްޗަކަށްލައި ބަންދުކޮށް ހާސްކުރީމާ މަޑުވުން (3) ބަލިމަޑުކަން މެދުވެރިވާ މެދުވެރިވުމަށް ބުނެއުޅޭ ބަހެއް (4) ކަމެއް ނުބައިކޮށްފާނެ ފަދަ މީހަކު ތަނަކަށް އައުމުން ބުނެއުޅޭ ބަހެއް މިސާލު: އެއްވެސް ކަމެއް ނުނިމުނީ އޭނާ އެތަނަށް ފާވެގެންނެވެ (5) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭނުބައި ވުމުގެ ސަބަބުން މަޑުވުން (6) އެއްޗެހި ނުވަތަ ފެން ފެންގަނޑު ތަޣައްޔަރުވެގެން ނުބައިވުން
)މުސްކުޅިބަސް( ނުބައިކަންތައް ކުރާމީހާއަށް އެހެންމީހަކުވެސް އެފަދަ ކަމެއް ކުރާނެއޭ ހީވާނެކަން އަންގައިދިނުމަށް ބޭނުންކުރާ ބަހެއް ފުޅަށް ބުޑުން ދަންޏާ ދޮން ޙަސަނަށް ހީވާނީ ކެޔޮގަނޑު ކަނޑާ ހެންނެވެ
ފުޅައްމަތިން އެރުން
މ (1) ގޭގޭގެ ފާރުމަތިން ނުވަތަ ފުޅަށްމަތިން އަރައިގެން ގޭގެއަށް ވަނުން (2) މަޖާޒު: މާ ބާރަށް ދޮރޯށި ޖަހައިފައި ވަނީމާ ބުނެ އުޅޭ ބަހެއް
ފެންމަތިއަނދިރިވުން
މ އުޑުމައްޗަށް އަންނަ ބަނަކަމެއްގެ ސަބަބުން ނުވަތަ އިރު އޮއްސުމުގެ ސަބަބުން ދުނިޔެމަތި އަނދިރިވުން މިއީ ކަނޑު ދަތުރުކުރުމުގައި ބޭނުންކުރާ ބަހެކެވެ
ފެންފަރިއްކޮޅު
ނ އިހުގައި ބޭފުޅުންނަށް މާތްކޮށް ހިތުމުގެ ގޮތުން ވާހަކަ ދައްކާއިރު ފެންފޮދުގެ ބަދަލުގައި ބުނެއުޅޭ ބަހެއް
ފެންފިހިލުން
މ (1) ފިހިގަނޑެއް ތެންމައިގެން ތަޅުންގަނޑު ސާފުކުރުން (2) މަޖާޒު: ތަނެއްގައި އެންމެދަށް ނުވަތަ ކަމަކަށްނުވާ ކަހަލަ ކަންތައް ކުރަން އުޅޭމީހުނާމެދު ބުނެއުޅޭ ބަހެއް މިސާލު: އެއީ އެތާ ފެންފިހިލާންއުޅޭ މީހެކެވެ
ފޮތިގަނޑުންބޮޑުކޭމެއް
ނ މަޖާޒު: ބޭރުފުށުން ފެންނަގޮތާއި ޙަޤީޤަތާ އެއްގޮތް ނުވުމުން ބުނެއުޅޭ ބަހެއް
ފޮތިގަނޑުގައި އަތްލުން
މ )މިސާލުބަހެއް( ބުރުދާ ގާއިމު ކުރުން
ފޮތެއް އޮތަކަސް އެދުރެއްނުވާނެއެވެ
(މުސްކުޅިބަހެއް) ފޮތެއް އޮތަކަސް އެއިން އެއްޗެހި އޮޅުން ފިލުވައިދޭނެ މީހަކު ނެތި އަމިއްލަޔަށް އުނގެނި ނުގަނެވޭނެކަން އަންގައި ދިނުމުގެ ގޮތުން ބުނެއުޅޭ ބަހެއް.
ފޮތެއްއެދުރެއްނުވާނެ
)މުސްކުޅިބަހެއް( ފޮތެއް އޮތަކަސް އެދުރެއް ނުވާނެއެވެ
ދެނަކާދެނެއްނެތް
ގބ ކަމަކާ ރުޅިއައިސްގެން ނުވަތަ ކަމެއްގެ ފޯރިގަދަވެގެން ވަކިހަމައެއް އުސޫލެއްނެތުމުން ބުނެއުޅޭ ބަހެއް
ދެނޯ
އ ކަމަކާ ވިދިގެން ކަމެއް އޮޅުން ފިލުވުމަށް ސުވާލެއްގެ ގޮތުން ބުނެއުޅޭބަހެއް
ދެންދެން
އ (1) ކަމަކަށް ތައްޔާރުވެގެން ހުންނަމީހަކަށް ނުވަތަ ބަޔަކަށް އެކަން ފަށައި ގަތުމަށް ގޮވާލާގޮތެއް (2) ލޯބީގެ އަސަރު ނުވަތަ ނަފުރަތުގެ އަސަރުފާޅު ކުރުމުގެ ގޮތުން ބުނެއުޅޭ ބަހެއް (3) ދީފުމަށް ދާންދެން
ތޮށަލިތަކުރާޖެހުނު ވިގަނި
)މިސާލުބަހެއް( މީހެއްގެ ފަހަތުން ދުރަށްނުގޮސް އުނދަގޫވާގޮތަށް އަޅައިގަނެގެން އުޅޭމީހާއާމެދު ބުނެއުޅޭ ބަހެއް
ތޮށިނޮޅިދޮންކެޔޮކެއުން
މަޖާޒު: އަނެކަކު ބުރަމަސައްކަތް ކޮށްގެން ހޯދި އެއްޗެއް ނުވަތަ ކަމެއްގެ ބޭނުން މަސައްކަތް ނުކޮށްހުރި މީހަކު ހިފަންފެށުމުން ބުނެއުޅޭ ބަހެއް
ގޯތިގިނި
ނ )ބ ( ޢިމާރާތްތަކުގެ ބިންގާ އެޅުމުގައި ވަކި އިރުވަރެއްގައި ބިންގާ އެޅިއްޖެނަމަ ގޭގާ އަލިފާން ރޯވެދާނެކަމަށް ނަކަތްތެރިން ބުނެއުޅޭ ބަހެއް
ފިނެއިންފުރިގޮތަށްހުރުން
މަޖާޒު: ހައި ބަނޑާ ހުންނަ ހުރުމަށް ބުނާ ބަހެއް
ފިނޭންފުރިގޮތަށް
)މިސާލުބަހެއް( ހައިބަނޑާ ހުރުމަށް ބުނެއުޅޭ ބަހެއް