radheef.info
ރަދީފު


ރަތް
ނ (1) ވިއްސާރަ ދުނީގެ ކުލަތަކުގެ ތެރެއިން އެންމެ ތިރިޔަށް ހުންނަ ކުލަ (2) ސާފުލޭގައި ހުންނަ ކުލަ (3) ބެރެބެދިމަލުގައި ހުންނަ ކުލަ މިބަސް ނަން އިތުރަކަށްވެސް ބޭނުންކުރެއެވެ
ޒަބާދު
ނ ޒަބާދުބުޅަލުގެ ނަގުލުގެ ބުޑުގައި ހުންނަ ގޮށެއްގައި އުފެދޭ އެއްޗެއް މިއީ ކަލުރަތްކުލައެއްގައި ހުންނަ ތަތްއެއްޗެކެވެ މިއީ ބޭސްވެރިކަމުގައި ބޭނުންކުރެވޭ އެއްޗެކެވެ
ޒިޔާރަތްއެރުވުން
މ ޒިޔާރަތް ހެދުން
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒުވާރި
ނ ގޮވާމުގެ ބާވަތެއް މީގެ ބޯށި ނުކުންނަނީ ގަހުގެ ފަތްވަޅުންނެވެ މީގެ ވަށައިގެން ހުންނަނީ އޮށްޖަހައިފައެވެ މީގެ ކޮޅުގައި މާބޮނޑިއެއް ކަހަލަ ފަށްތަކެއް ހުރެއެވެ މީގެ އެންމެ މަޝްހޫރު ކުލަތަކަކީ ހުދުކުލައާއި ރީނދޫ ކުލައާއި ރަތްކުލައެވެ މިއީ ފިހިގެންނާއި ކައްކައިގެންނާއި މާޖައްސައިގެންނާއި ފުށް ހަދައިގެން ކާއެއްޗެކެވެ
ޔަމަނު
ނ އަރަބިކަރައިގެ ދެކުނުން އަރަބި ކަނޑާއި ރަތްކަނޑާ ގުޅިފައިވާ ޤައުމެއް
ޖަނބުރޯލް
ނ ޖަންބާ ވައްތަރު ފެންގިނަމޭވާއެއް މިމޭވާ ފެހިކުލައާއި ހުދުކުލަ އާއި ރަތްކުލައިގައި ހުރެއެވެ
ޖަންބު
ނ ހުތްފޮނިރަހަދޭ މޭވާއެއް މިދޮންވީމާ ހުންނަނީ މަޑުފިޔާތޮށި ކުލައެއްގައެވެ މީގައި އޮންނަނީ ބޮޑު އެއް އޮށެވެ މިމޭވާ ގަންނަ ގަހުގެ މަލުގެ ފިޔަހުންނާނީ ފިޔާތޮށި ކުލައަށްވުރެގަދަ ރަތްކުލައަށްވުރެމަޑު ކުލައެއްގައެވެ ހިމަނަރުތަކެއް ހެންނެވެ
ޖައްސައިލުން
މ (1) ދެކޮޅުވެރިކަމުގެ ގޮތުން މީހަކާ ދިމާކޮށްލުން. މަޖާޒު (2) އޮށޯވެލުން (3) ޒިޔާރަތްކޮށްލުން
ޙަވާލާދިނުން
މ ދައްކާވާހަކައެއްގައި ނުވަތަ ލިޔާއެއްޗެއްގައި އަނެކެއްގެ ބަހަކަށް ނުވަތަ ލިޔުމަކަށް އިޝާރަތްކުރުން