radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ބާޑިފަށް
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސްފަސްގަނޑާ ގުޅޭ ހިސާބު (2) ހޭޅިފަށް (3) އަތިރިޔާ އެންމެ ކައިރީގައި ގެތައް ހުންނަ ހިސާބުގަނޑު
ބާޑިޖެހުން
މ ބަޑީގެ އުންޑައިން ރަށް ދިފާޢުކުރުމަށް އަތިރިމަތީގައި އުސް ފަސް ފަސް ގަނޑު ޖެހުން
ބާޑީ
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސް ފަސްގަނޑު (2) ބަޑީގެ ޙަމަލާތަކުން ދިފާޢުވުމަށްޓަކައި ވެލި ބަސްތާތަކުން ޖަހާ ހުރަސް (3) ރަށްރަށުގެ ގިރާ ދިމަދިމާގައި ގިރައިގެން ދިޔަ ނުދިނުމަށް ޖަހާހުރަސް (4) ފަޅުތެރެއިން ބިން ހިއްކުމަށް ދޫކުރާ ހިސާބު
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބާޑީމަގު
ނ ރަށްވަށާ ހިނގޭނޭހެން ރަށުގެ ހޭޅިޔާ ރުއްކަރަޔާ ދޭތެރޭ އޮންނަ މަގު
ބާޒާރުކުރުން
މ ބާޒާރަށްގޮސް އެއްޗެހިގަތުން
ބިންހެލުން
މ (1) ބިމަށް ލޮޅުން އެރުން (2) ރަށްގުޑުން (3) ޒަލްޒަލާ މިއީ ބިމުގެ ވަރަށް އަޑީގައި ހިނގާ ހަމަނުޖެހުމެއްގެ ސަބަބުން ބިމުގެ ތޮށިގަނޑު ތެރޭގައި އުފެދޭ ފިއްތުމުގެ ރާޅު ބާންޏަކުން އުފެދޭ ލޮޅުމެކެވެ ބޮޑެތި ބިންހެލުންތައް އަންނަނީ ބިމުއަޑީގައިވާ ހިލަތަކުގެ ފަށަލަތަކުގައި ހުންނަ ދެރަކަމެއްގެ ސަބަބުން އެފަށަލަތައް ހަލާކުވުމުގެ ސަބަބުންނެވެ ކުދިކުދި ބިންހެލުންތައް ކަނޑުގެ ރާޅުތަކާއި ޖައްވީ ފިއްތުންތަކުގެ ސަބަބުން އަތުވެދާނެއެވެ ބިންހެލުމުގެ ބާރުމިން މިނަނީ ރެކްޓަރ މިންގަޑުންނެވެ މިއީ 1 ން 9 ށް ދަރަޖަބަހައިފައިވާ މިންގަޑެކެވެ އިންސާނުންނަށް ބިންހެލުމެއް އިޙުސާސްވާނީ މި މިންގަޑުން އެންމެ ކުޑަވެގެން 5 1 އާ ހަމަވުމުންނެވެ
ބިންބައި
ނ (1) ބިމުގައި ހައްދާތަކެތީން ބިންވެރިޔާއަށް އޮންނަބައި (2) ފާލައްބަކުރާ ރަށްރަށުން ބިމުން ބަންޑާރަޔަށް ނަގާފައި އޮންނަބައި
ބިންމަތިއަލިވުން
މ (1) ފަޖުރަށްލައި ދުނިޔެ މަތިން އަނދިރިކަން ފިލުން (2) ކުކުޅުހާ ގަހުން ފައިބާ ވަރަށް އަނދިރިކަން ފިލުން
ބިލިގާ
ނ އެއަށް އެރިގެން ފެންވެރުމަށާއި އެއްޗެހި ދޮވުމަށް ހަދައިފައި ހުންނަ އެއްޗެއް މިތަފާތު އެއްޗެހީން ތަފާތު ވައްތަރު ވައްތަރަށް ހަދައިފައި ހުރެއެވެ
ބިލެތްދަފިނެގުން
މ ފިރިހެނުން ކުޅެއުޅޭ ކުޅިވަރެއް މިއީ ބިލެތް އަޅައިފައި ހުންނަ ދަތްޕެއް ތިރިގޮނޑި އެއްގައި ބަހައްޓައި އޭގެވަށައިގެން ފިރިހެނުން ތިބެލަވަކިޔައި ނަށަމުން އެނެށުމާ ހަމަވާގޮތަށް އެދަފިނަގައި ކޮންމެވެސް އެކެއްގެ ބޮލުގައި ބަހައްޓައިގެން ނަށާ ނެށުމެކެވެ ޢާއްމުކޮށް މިދަފިނަގައި އުޅެނީ ގާއޮޑި ލަވަކިޔާއިރު އަންބާބެރަށް ފެށުނީމާ އޭގެ ހަމައަށް ނަށަމުންނެވެ
ބިސްބޮލި
ނ ބޮލީގެ ބާވަތެއް މިބޮލީގެ ބޭރު ހުންނަނީ ހުދުކުލައިގައެވެ އެތެރެ ފުށުގައި ހުންނަނީ ދަނބު މުށިކުލައެވެ ބޮލީގެ ކުރީ ކޮޅާއި ފަހަތުކޮޅު ދުރަށް ނުކުމެފައި ހުރުމާއެކު މައްޗަށް ފުރޮޅިފައި ކަހަލަ ގޮތަކަށް ހުރެއެވެ
ބިޗޫ
ނ ހާސްފައިހެން ބޮޑެތިކޮށް ގަޅިޖަހައިފައި ހުންނަ ވިހަގަދަ ސޫތްޕެއް މި ދައިގަތީމާ ވަރަށް ބޮޑަށް ދިލަނަގާނެއެވެ
ބީރަށްވެހިން
ނ ތިމާގެ ރަށްނޫން އެހެން ރަށްރަށުގެ މީހުން
ބީރަށްޓެހިން
ނ (1) ނުރައްޓެހިން (2) ރަށްވެހިނޫން މީހުން )ތިމާގެ ރަށްނޫން އެހެން ރަށްރަށުގެ މީހުން
ބީރައްޓެހި
ނއ (1) ނުރައްޓެހި (2) ތިމާގެ ރަށްނޫން އެހެންރަށެއްގެ (3) ކަމަށް ނުފަރިތަ
ބީރައްޓެހިކަން
ނއނ (1) ނުރައްޓެހިކަން (2) ތިމާގެ ރަށްނޫން އެހެން ރަށެއްގެމީހެއްކަން (3) ކަމަށް ނުފަރިތަކަން
ބީރައްޓެހިވުން
މ (1) ކަމަށް ނުފަރިތަވުން (2) ނުރައްޓެހިވުން (3) ތިމާގެ ރަށްނޫން އެހެން ރަށެއްގެ މީހަކަށްވުން
ބީއްސުން
މ (1) ފުރާދުއްވާ ތަކެތީން ބައެއް އެހެލުން (2) ފުރާދުއްވާ ތަކެތީގެ ފަށަން ފަސްގަނޑުގައި ޖެހޭވަރަށް އެއްގަމަށް ގެނެސް ތިލަ ހިސާބަށް އެރުވުން (3) ރާޅާ ފުންނުވާ ވަރަށް އެއްގަމަށް އެރުވުން
ބީވާ
ނ (1) ރަށްރަށުގެ މީހުންއުޅޭ ހިސާބުން ބޭރުގައި ވަރުވާއަށް ލިޔެދޭ ރުއްތައް ހުންނަތަން (2) ހިބަރުގެބިސް