radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ރާޑަރު
ނ ނުފެންނަ ހިސާބު ދުރުގައިވާ އުޅަނދެއް ނުވަތަ އެއްޗެއް ހޯދުމަށް ބޭނުންކުރާ ރޭޑިއޯ ރާޅު ބޭނުންކުރާ އާލަތެއް މިއިން ފޮނުވާ މަތީ ދަރަޖައިގެ ރޭޑިއޯވޭވުސް އެއްޗެއްގައި ޖެހިފައި އެނބުރި އައުމުން އެއްޗެއްހުރި މިސްރާބަކާއި ދުރުމިނެއް އަންގައިދެއެވެ މިއިން ތަންތަނުގެ ތިލަމިނާއި ފުންމިނާއި އުސްމިން ބެލެއެވެ
ރިހާކުރުބޮނޑި
ނ ރިހާކުރަށް އަޅައިފައި ހުންނަ މަހުގެ ގުޅަ މިއީ ކަނޑުމަހުގެ ކަށިފަތި ކަހައިގެން ނަގާމަސްގުޅަ ވަށައިގެން ކައްކައި ހިއްކައިގެން ނުވަތަ ވަޅޯކޮށްގެން ހަދައިފައި ހުންނަ އެއްޗެކެވެ
ރިހާކުރުދިޔަ
ނ ފިޔަޔާއި މިރުހާ ކޮށައިގެން ރަހަދޭވަރަށް ރިހާކުރާއި ލޮނާއި ހުތް އަޅައިގެން މޮޑެފައި ފެނަށް ނުވަތަ ކާށިކިރުގެ ތެރެއަށް ގިރުވައިގެން ހަދާ ލައިގެން ކާއެއްޗެއް
ރިބަން
ނ (1) ސިލްކުން ނުވަތަ އުއިން ވިޔެފައި ހުންނަ ނުވަތަ ކަރުދާހުން ނުވަތަ ޕްލާސްޓިކުން ހަދައިފައި ހުންނަ ފީތާފަށް (2) ސިފައިންނަށް މެޑެލްދޭ ގޮތަށް ކުލަދޭއިރު ދޭ ކުލަކުލައިގެ ފޮތިފަށް (3) ޓައިޕް ރައިޓަރު ފަދަ މެޝިނަށްލައްވާ ދެލިހިފާގޮތަށް ހަދައިފައި ހުންނަ އެތި
ރިކޯޑުކުރުން
މ ކަމެއްގެއަޑު ނުވަތަ މަންޒަރު ނުވަތަ މަޢުލޫމާތު ފަހުން ބޭނުންކުރެވޭ ފަދަ ގޮތަކަށް ތަފާތު ވަސީލަތްތަކުން ރައްކާކުރުން
ރިވާ
ނ މީހަކުދެއްކި ވާހަކައެއް ނުވަތަ ހިނގިކަމެއް އެދެއްކިގޮތަކަށް ނުވަތަ އެހިނގިގޮތަކަށް ބުނާ ބުނުން
ރިވާކުރުން
މ މީހަކު ދެއްކި ވާހަކައެއް ނުވަތަ ހިނގިކަމެއް އެދެއްކި ގޮތަކަށް ނުވަތަ އެހިނގިގޮތަކަށް ބުނުން ޢާއްމުކޮށް މިބަސް ބޭނުންކޮށްއުޅެނީ ކީރިތި ރަސޫލާގެ ސުންނަތަށް ނިސްބަތްކޮށެވެ
ރިވާވުން
މ މީހަކު ދެއްކި ވާހަކައެއް ނުވަތަ ހިނގިކަމެއް އެދެއްކި ގޮތަކަށް ނުވަތަ އެހިނގިގޮތަކަށް ރައްދުވުން
ރިވެލިކުނޑި
ނ ގޭގޭ ބިތުގައި ނުވަތަ ފުރާޅުގައި ހުންނަ ބާކޮޅަކުން ގޭތެރެއަށް ވަދެފައި ހުންނަ އަވިރޮނގުގެ ތެރޭން ފެންނަ ކުނޑިތައް
ރިސެޕްޝަން
ނ (1) ޚިދްމަތްދޭ ތަންތާނގައި މަޢުލޫމާތު ދިނުމަށް ބެހެއްޓިފައި ހުންނަ ކައުންޓަރ (2) މުނާސަބަތު ފާހަގަ ކުރުމަށް ބާއްވާ ސައި ނުވަތަ ކެއުން
ރިޔަން
ނ (1) މިންއަޅަން ގެންގުޅޭ މިންގަނޑެއް މީގެ ދިގުމިނަކީ 42 އަނގޫ ނުވަތަ 72 އިންޗިއެވެ (2) މި މިންގަނޑު ހަމަވާއެތި
ރިޔަންކޮޅުލުން
ގޭގެ އަޅާއިރު ނުވަތަ އޮޑިދޯނިފަހަރު ބަންނައިރު ރިޔަން އަޅައި ހަމަކޮށްފައި އެއްއަނގޫ ނުވަތަ ތިން ހަތަރު އަނގޫ ކަނޑައިލުން. މިއީ އިރުވަރާއި ކުރާކަމަކާއި ގަސްދުކުރާގޮތަކާއި ދިމާވާގޮތުން ނަކަތްތެރިން ކޮން އުޅޭކަމެކެވެ
ރިޔަންއެޅުން
މ ރިޔަން ބޭނުންކޮށްގެން އެއްޗެއްގައި ނުވަތަ ތަނެއްގައި ހުރިމިން ބެލުން
ރިޔާސަތު ބެލެހެއްޓުން
މ ބައްދަލުވުމެއް ނުވަތަ ޖަލްސާއެއް ނުވަތަ ކޮމިޓީއެއް ހިނގަމުންދާއިރު އިސްމީހެއްގެ ގޮތުގައި އެބައްދަލުވުން ކުރިއަށް ގެންދިއުން
ރިޕޯޓުކުރުން
މ ގަވާއިދާ ޚިލާފަށް ކުރިކަމެއް ސަރުކާރަށް ނުވަތަ ކަމާބެހޭ އިދާރާއަކަށް އެންގުން
ރިޕޯޓު
ނ (1) ކަމެއް ހިނގިގޮތުގެ ނުވަތަ އޮތްގޮތުގެ ބަޔާން (2) ކަމެއް ހިނގިގޮތް ނުވަތަ އޮތް ގޮތުގެ ބަޔާން ލިޔެވިފައިވާ ކަރުދާސް
ރިޕޯޓް ނެގުން
މ ކަމެއްހިނގި ގޮތުގެ ނުވަތަ އޮތް ގޮތުގެ ބަޔާން ހޯދުން ނުވަތަ ލިޔުން
ރިޝްވަތު
ނ (1) ޤަވާއިދާ ޚިލާފަށް ކަންތައްތައް ނިންމުމަށް ނުވަތަ ކުރުވުމަށްދޭ ފައިސާއާއި ތަކެތި
ރީސް
ނ އަލިމަސް ކަށްޓަކަށް ބިއްލޫރިގަނޑެއް ކަފާއިރު ނުވަތަ ފަށުއި ފޮތިގަނޑެއް ވީދާލާއިރު އެއިވޭފަދަ އަޑުއަޑު
ރުހުމުގެ ލޮލަކަށް އައިބެއް ނުފެންނާނެ
(މުސްކުޅިބަހެއް) ތިމާ ރުހޭ މީހަކަށް ކުރެވޭ ނުވަތަ ތިމާ މީހަކު ކުރާ ކުށެއް ގޯހެއް ކަމަކަށް ނުދެކޭނެޔޭ ބުނަން ބޭނުންކުރާ ބަހެއް