radheef.info
ރަދީފު


ނަން
ނ އެލަފުޒަކުން މީހެއްކަން ނުވަތަ ތަނެއްކަން ނުވަތަ އެއްޗެއްކަން ނުވަތަ ކަމެއްކަން ނުވަތަ ސިފައެއްކަން ދޭހަވާ ކޮންމެ ލަފުޒެއް
ފަށަން
ނ އޮޑިދޯނިފަހަރު ބަންނަން ކަމަޅީގައި ތިއްބާ ހަނި ދިގު ލަކުޑިގަނޑު
ފަށުރިއްސެއު
ނ (1) ވިހާރަކަ މަރުވެ އޭގެ އޮފު ކެނޑިގެން ދިއުމުން އެއަށް ކިޔާ ނަން މިއީ ބޭހަށް ބެނުންކޮށް އުޅޭ ދޮން ރީނދޫ ކުލައިގެ އެއްޗެކެވެ (2) ރިއްސެޔޮ
ފަނޑިޔާރުއޮޑި
ނ މާލޭގައި އޮޑިއޮޑި މަތިން ތޮށިލައި އުޅުނު ދުވަސްވަރު އެކަމުގައި ބޭނުންކުރި އޮޑިއެއްގެ ނަން. މިސާލު: ބަންޑާރައޮޑި އަތިރީގޭ އޮޑި ސައްޔިދު ކިލެގެފާނު އޮޑި
ފަނަށްއެރުން
މ (1) ފަންކުޅޭއިރު ފަނެއްގެ ގޮތުގައި ހުންނަން ކަނޑައަޅާ މީހާ ފަން ހުންނަންވާ ތަނަށް ދިއުން (2) ކުކުޅު ހާ ނިދަން އެރުން
ފަންވަތުނަން
ނ މީހުންނަށް އާންމުކޮށް ކިޔައި އުޅޭނަން
ފަންވަތުޖެހުން
މ ސަރުކާރުން ނުވަތަ ރަށްރަށުގެ ވެރިންގެ ފަރާތުން އެކި ކަންކަމަށް ރައްޔިތުންގެ ތެރެއިން މީހުން ހޮވުން. މިއީ އިހުގައި އެކި ކަންކަމަށް ނުވަތަ އެކި ތަންތަނަށް ދާންޖެހޭ މީހުންގެ ލިސްޓުތައް ލިޔާއިރު އެއިން ލިސްޓެއްގައި މީހާގެ ނަން ލިއުމަށް ބުނެއުޅުނު ބަހެކެވެ
ގެލަން
ނ ދިޔާ އެއްޗެހި މިނަން ބޭނުންކުރާ މިނެއް މިއީ 132 ކޮޑި އިންޗީގެ މިންވަރެވެ
ގޮހޮރު
ނ (1) އިންސާނާ ކާއެއްޗެހި ހަޖަމުކުރުމަށް އެހީވެދީ އަދި ހަޖަމު ވެގެންގޮސް ބޮޑުކަމުދާ ދޮރާއި ގުޅައިދޭ ދިގުހޮޅިއެއް (2) މަޖާޒު: ދަރިއަށަގަންނަ ގުނަން
ސަފަރުމުންޑާން
ނ )ޏ ( ޚިޔާލީ ފުރޭތައެއްގެ ނަން
ސޮއި
ނ (1) ތިމާގެ އަމިއްލަ އަތުން ވަކިގޮތަކަށް ލިޔެފައިވާ ތިމާގެ ނަން (2) ތިމާގެ އަތުގެ ނުވަތަ ތިމާގެ އިނގިލީގެ ނިޝާން
ސޯޅިޔާފޮށާ
ނ ކުރީ ޒަމާނުގައި ފިރިހެނުން އަންނަން ގެންގުޅުނު އަތްދުތްލީ ހުދު ފޮށައެއް
ޑަންގުންދީދީ
ނ އިހުގައި ކުޑަކުދިންގެ ބަހުރުވައިގައި ރަސްގެފާނަށް ކިޔާނަން
ފަރާތް
ނ (1) ކިބަ. މިސާލު : އޭނާގެ ފަރާތުން )އޭނާގެ ކިބައިން( (2) ފުށް. މިސާލު: މަންމަ ފަރާތުގެ ބޮޑުބޭބެ. )މައިފުށުގެ ބޮޑުބޭބެ( (3) ގަނޑުގެ އެފަރާތް ގަނޑުގެ މިފަރާތް. (4) ބިތް. މިސާލު: އަތޮޅުގެ އުތުރު ފަރާތުން ދަތުރުކުރާށެވެ. )އުތުރުބިތުން ދަތުރުކުރާށެވެ.( (5) ފަޅި މިސާލު: ޖަލްސާއަށް ދިޔަމީހުން އިށީނދެ ތިބީ ހޯލުގެ ވާތްފަރާތުގައެވެ )ވާތްފަޅީގައެވެ ( (6) މީހުންނާއި ކުލަބު ޖަމްޢިއްޔާ ފަދަ އެކުވިނަންތައް ގުޅުވައިގެން ބޭނުންކޮށް އުޅޭ ބަހެއް މިސާލު: މިކަމަށް އެދޭ ފަރާތްތަކުން
3 ވަނަ މާނަ ބަލާ! ފަރިކަން
ނއނ (1) ފަރި މިބަހުގެ ނަން އިތުރުގެ ނަން. (2) ފަރި މިބަހުގެ 1 ވަނަ 2 ވަނަ
ފަރިތަކަން
ނއނ (1) ފަސޭހަކަމާއެކު ކަންކަން ކޮށްލެވޭގޮތް ހުންނަކަން (2) ކަމެއް ރަނގަޅަށް ދަންނަކަން (3) ތަނެއް ރަނގަޅަށް ދަންނަކަން (4) ދެކެ ރަޙުމަތްތެރިވެފައިވާކަން (5) "ފަރިތަ" މިބަހުގެ ނަންއިތުރުގެނަން
ފަޅިހަނދު
ނ ހުޅެވިހަނދުން ފެށިގެން ދިހައެއް އެގާރައާ ހަމައަށް ފެންނަން ހުންނަ ހަނދު
ފަޅު
ނ (1) ރަށްރަށުގެ ތޮށްޓާއި ރަށާދެމެދުގައި އޮންނަ ތިލަ ހިސާބު ފަރާއި ގިރިޔާ ގުޅިގެން ވެސް ފަޅުއޮވެއެވެ (2) ނއ މީހުން ދިރި ނޫޅޭ (3) ތަނެއްގައި ހުންނަންވީ އެއްޗެއް ނުވަތަ ބަޔެއްގެ ތެރޭ ހިމެނެންވީ މީހަކު ނެތިގެން ވާ އުނި
(4) މީހުން ނޫޅުމުން ގެއަކަށް ނުވަތަ ރަށަކަށް އަންނަހުސްކަން ފަޅުކަން
ނއނ (1) ހުސްކަން (2) ކަމަކާ ގުޅޭގޮތުން ހުންނަންޖެހޭ އެއްޗެހި ފުރިހަމައަށް ނެތުމުން ނުވަތަ އެކަމާ ގުޅިގެން ތިބެން ޖެހޭ މީހުން ނެތުމުން ލިބޭ ހުސްކަން (3) ތަނަކާ ގުޅޭގޮތުން ހުންނަންޖެހޭ ނުވަތަ ހުރުން ރަގަޅު އެއްޗެއް ނެތުމުން އެތަނަކަށް އަންނަ ހުސްކަން
ފަޅުކޮށްލުން
މ (1) ހުސްކުރުން (2) ކަމަކާ ގުޅޭގޮތުން ހުންނަން ޖެހޭ އެއްޗެހިތައް ނަގައި ނުވަތަ އެކަމާ ބެހޭ މީހުންތައް ފޮނުވައިލައި ތަން ހުސްކޮށްލުން (3) އާބާދީ ނައްތާލުން (4) ރަށްރަށުން މީހުން ބޭލުން
ފައިދޮށުފުރޭތަ
ނ ބަޑިބޭސް އަޅައިގެން ތައްޔާރު ކޮށްފައި ހުންނަ މައްޗަށް ނާރާ ހަވާގެ ބާވަތެއް މި ބޭނުން ކުރަނީ ހިތި ވިލޭރޭ ފަދަ ރޭރޭ ކުޅިވަރު ކުޅުމުގެ ތެރޭގައެވެ މި ރޯކޮށްލުމުން ބިންމަތީގައި ގުދުގުދު ލައްވަމުން ދާ ދިޔުމުގައި ކުޅި ބަލަން ތިބޭ މީހުންގެ ފައިދޮށަށް ވަންނާތީ އެނަން ކިޔަނީއެވެ