radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ފިއްތާގޮށް
ނ (1) ދެފަޅި ޖައްސާފައި އޮބައިލީމާ އެއްފަޅީގެ ތެރެއަށް އަނެއްފަޅީގެ ބައެއް ވަންނަ ގޮތަށް މަޢުދަނަކުން ހަދައިފައިވާ ގޮށެއް (2) ޓިސްގޮށް
ފިއްތިފުޅި
ނ އިހުގައި ރަސްކަލުންނާއި އަމީރުންނާއި ވަޒީރުންގެ ސަންދޯންޕުޅު ގެންދާއިރު ފިނިފެން ޖަހަން ގެންގުޅޭ ފުޅިއެއް. މި ފުޅި ހުންނާނީ ފަތިކޮށް މެދަށް ފިއްތާލާފައެވެ މިއީ ނޫކުލައިގެ ފުޅިއެކެވެ މިފުޅި ފިނިފެން ޖަހަން ގެންދަނީ އުނަށްދިން ފޭއްޔެއް އޮޅާލައިގެންނެވެ
ފިއްތިތާކިހާ
ނ (1) ފަށްޖަހާގޮތަށް ހަދާފައި ހުންނަ ތާކިހާ (2) އަރިތާކިހާ
ފިއްތުން
މ (1) އެކަތި އަނެކައްޗާ ޖައްސައި ބާރުކުރުން. (2) އޮބުން. )އޮބުން މިބަހުގެ 1. 2 3 ވަނަ މާނަ ބަލާ!( (3) ފިތުން މިބަސް އަނެކަކު ލައްވައި ކުރުވުމުގެ މާނައިގައި ކަންކުރާ ކުރުން (4) މަޖާޒު: ދަތިކުރުން
ފިދާވުން
މ (1) ކަމަކަށްޓަކައި ޤުރުބާންވުން (2) ޖާނާއި މާލުން ވަކިކަމަކަށްޓަކައި ހޭދަކުރުން
ފިތިބާރުވުން
މ (1) ގިނަބަޔަކު އެއްތަނަކަށް އެއްވުމުގެ ސަބަބުން އެކަކު އަނެކަކާ ޖެހި ފިތޭގޮތްވުން (2) ދެ އެއްޗެއްގެ މެދުގައި ފިތިތާށިވެފައި ހުރުން
ފިތުނައުފެދުން
މ (1) ހަމަނުޖެހުން އުފެދުން (2) ދެކޮޅުވެރިކަން އުފެދުން
ފިތުނަފަސާދަ
ނ ދެކޮޅުވެރި ކަމާއި ހަމަނުޖެހުން
ފިތުން
މ (1) ދެ އެއްޗެއްގެ ދެމެދުގައިވެ ބާރުވުން (2) މޮޑުން (3) މަޖާޒު: ބައެއްކަހަލަ ކަންތައް ކުރަން ދަތިއެރުން
ފިތުރުބެރު
ނ އިހުގައި ފިތުރު ޒަކާތް ދޭން އަންގަން ޖަހައި އުޅުނު ބެރު މި ބެރު ޖަހާނީ ނާބުސްޚާންގައެވެ
ފިތުރުޒަކާތް
ނ ރަމަޟާންމަހުގެ ރޯދަހިފާ ނިމުމާގުޅިގެން ދޭންޖެހޭ ޒަކާތް
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިތްނެގުން
މ (1) ހަށިގަނޑުގެ ތަންތާގައި ބައެއް ޒާތުގެ އެއްޗެހި ހެފީމާ އެ ތަނެއް ދުޅަވުން. (2) މީހެއްގެ ނުވަތަ ކުއްޖެއްގެ ގައިގައި އިލޮށި ފަތިން ނުވަތަ އިލޮއްޓަކުން އަދި ނުވަތަ އެއްތެޔޮ ގަނޑެއް ފަދަ ހިމަ އެއްޗަކުން ޖެހީމާ އެތަނެއް އުފުލުން (3) ވިހައެއްގެ ސަބަބުން ނުވަތަ ބައްޔެއްގެ ސަބަބުން ހިރުވައިފައި ނުވަތަ ނުހިރުވާ ހަށިގަނޑުގެ ތަންތަންކޮޅު އުފުލުން
ފިތްކަނޑައިގެންދިއުން
މ ބިރު ނިހާޔަތަށް ދިޔަކަން ބަޔާންކުރުމުގެ ގޮތުން ބިރާ ގުޅުވައިގެން ބުނެއުޅޭ ބަހެއް މިސާލު: އެރޭ އެޖެހި ގުގުރިން އަހަރެން ބިރުން ފިތްކަނޑައިގެން ދާވަރުވިއެވެ
ފިތްފަން
ނ ރުކުގެ ފޮޅުޖަހައިފައި ހުންނަ ފަން
)ފިތް މިބަހުގެ 7 ވަނަ މާނަ ބަލާ!( ފިތްޖެހިތެލި
ނ ފިތްޖަހައިފައި ހުންނަ ތެލި
ފިތްޖެހިގޯނބިލި
ނ (1) ފިތްޖެހި ގޯބިލިފުޅި (2) ގުޑުގުޑާ ފުޅި
ފިލަތިޖެހުން
މ )ޏ ސ ( ފިލިތުޖެހުން
ފިލާވަޅު
ނ (1) ދަރިވަރަކު ދަސްކުރުމަށް މުދައްެރިސަކު ފޮތަކުން ފަހަރަކު ނަގައިދޭ މިންވަރު މަޖާޒު: (2) ޢިބްރަތް (3) ތަޖްރިބާ (4) ނަޞޭޙަތް (5) މަޢުލޫމާތު
ފިލާވަޅުނެގުން
މ މުދައްރިސް ކުއްޖަކަށް ފޮތުން ވަކިވަރެއް ދަސްކުރަން ޙަވާލުކުރުން