radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ކޮށިވުން
މ (1) ތޫނުކަން ކެނޑުން (2) ވިސްނުން ދެރަވުން (3) އެއްތާކަށް ޖަމާވުން (4) އެއްވެ ހާސްވުން
ކޮށިގަނޑު
ނ (1) އެކިއެކި ބޭނުމަށްޓަކައި ކޮށި އެޅުމަށް އެކިގޮތްގޮތަށް ގަތާފައި ހުންނަ ބިތްތައް. (2) އިހުގައި ކުކުޅު ހިފާން ބަނދެފައި ހުންނަ ކޮށި. (3) ރޮދުލާ މަސް ވެއްދުމަށް ކޮށިއަޅާން ގެންގުޅޭ އޮޅައިލެވޭނޭހެން ގަތައިފައި އޮންނަ ބިތް. (4) އެން ދިރުވައިފައި ބަހައްޓާން އޮނުން ބަނދެފައި ހުންނަ ކޮށި. (5) ފައިސާ ބަލައިގަތުމަށާއި މުދާ ދޫކުރުމަށާއި މަޢުލޫމާތު ދިނުމަށާއި މީހުން ބަލައިގަތުމަށް ހޮޓާހޮޓަލާއި ފިހާރަފިހާރައިގައި ހުންނަ ތަން
ކޮށިގަތާލުން
މ (1) މީހުންތަކެއް އެކަކު އަތުގައި އަނެކަކު ހިފައިގެން ވަށްކޮށްލުން (2) މީހުންތަކެއް ވަށްކޮށް ރުކުރުވައިލުން
ކޮށީ މީހުން
ނ (1) އެކިއެކި ކޮށިކޮށީގެ މީހުން (2) މަޖާޒު: އުރަވަޅި ބޮޑުވެފައި ތިބޭ މީހުން
ކޮށީ ފާތިހާ
ނ އިހުގައި ކުޅި ހުއްޓާ ރޭރެޔާއި ޢީދު ދުވަހަށް ކޮށިކޮށީގެ އެދުރު ގޭގޭގައި ކައްކައިގެން ކިޔަވައި އުޅުނު ފާތިހާ
ކޮށީހުން
ނ މެލޭރިޔާހުން މި ހުން އައުމުގެ ސަބަބުން ބައެއްފަހަރަށް ހުންކޮށި ދުޅަވެ ނުރައްކާވެއެވެ
ކޮށު
އ (1) އިހުގައި ވެރިކަމުގެ ފަރާތުން ކަމަކަށް ކުރައްވާ އަމުރު ގަދަކުރުމަށް ޖުމުލަ ނިންމާ އަކުރު މިއަކުރު ބޭނުންކުރަނީ ހަމައެކަނި ލިޔުމުގައެވެ މިސާލު: )ހ( ދީފަނީކޮށު )ށ( މިވެނި ކަމެއްނުކުރަނީކޮށު
ކޮށުން
މ (1) ވަޅި އާއި ފުރޯ ފަދަ އެއްޗަކުން އެއްޗެއް ކުދިކޮށް ކަނޑައި އުނިކުރުން. މިސާލު: )ހ( ފޯއްކޮށުން. )ށ( ދަރުކޮށުން. )ނ( ވަކަރުކޮށުން. (2) ދޫނި ސޫފާސޫތްޕާއި މަސްމަހާމެހި އެއްޗެހީގައި ތުން ތެޅުން ނުވަތަ ތުނބުގެކުރިން ކުއްލިޔަކަށް ހިފުން (3) )ޏ ސ( ވިކައިގަތުން
ކޮށްޖެހުން
މ ރާބޮންޖާއި މާކަނާ ފަދަ ތަކެތި ކުއްލިއަކަށް ކޮށައިގަތުން ނުވަތަ ކޮށައިގަންނާން ތުން އެއްލުން
ކޮނޑަށްއެރުން
މ މަޖާޒު: ތިމާއަށްވުރެ މޮޅުމީހަކުލައްވައި ތިމާގެ އެދުމާއި އެއްގޮތަށް ކަންތައް ކުރުވުން
ކޮނޑު
ނ (1) ކޮނޑުހުޅުންފެށިގެން ކަނދުރާއާ ދެމެދު (2) ލިބާހުގެ އަތާއި ބަދަނާއި ގުޅުނުތަން (3) ބޯވަޅުއެޅި ލިބާހުގެ ކޮނޑުމައްޗަށް ވާހިސާބުން ކަފައިލައިފައި އޮންނަތަން (4) ގުޑިއާއި ތެލަނގަފަދަ އެއްލާ ތަކެތީގެ ލަނބާދުނީގައި ބޮލު ރޮދީން ބޭރަށް އޮންނަ ތަން (5) ބައެއް މަހާނަގަލުގެ ދެފަރާތުން ކަނޑައިފައި ހުންނަ ކައްވާދު (6) ފިރިހެން މަހާނަގަލުގެ ބޮލުގެ ދެފަރާތުގައި އޮންނަ ވަނާގެ މަތި (7) ހެދުން އަޅުވަން ބައިމަތީގެ ބައްޓަމަށް ހަދައިފައި ހުންނަ އެއްޗެއް
ކޮނޑު އެޅުން
މ (1) ބަރުއެތިގަނޑެއް އުފުލުމަށް ކޮނޑުޖެއްސުން މަޖާޒު: (2) މަސްއޫލިއްޔަތު ބޮލުގައިއެޅުން (3) ކަމަކާ ޙަވާލުވުން
ކޮނޑުން
މ )ބދ ( (1) ވޭވޭ ހުންނަ ބައެއްކަންތައް ނުވަތަ ހިނގަހިނގައި ހުންނަ ބައެއް ކަންތައް ހުއްޓުން (2) ލިބިލިބި ހުރި އެއްޗެއް ހުއްޓުން
ކޮނޑުކެނޑި މަހާނަގައު
ނ ދެކޮނޑުމަތީގައި ކުރިބޯއްޓެއްހެން ދެވަނާލައިފައި ހުންނަ މަހާނަގައު މިބާވަތުގެ ގައު ޖަހަނީ ހެވިންގެ މަހާނާގައެވެ
ކޮނޑުއޮތްފުރޯ ވަލުންހޯދުން
)މިސާލުބަހެއް( ތިމާގެންގުޅުނު އެއްޗެއް ކައިރީގައިއޮއްވާ އެއެއްޗެއް ބޭއްވުނުތަން ހަނދާންނެތިގެން އެ އެއްޗެއް ހޯދާން އެތަންމިތަން ބެލުން
ކޮނޑުމައު
ނ (1) ފުރަތަމަ ޤާނޫނު އަސާސީ ފާސްވެގެން ވަޒީރުން ތުރުކުރެއްވި ކިނާރީއެޅި ހެދުންކޮޅުގައި ކޮނޑުމަތީގައި ހުންނަ މަޚުމާފަށް ކިލެގެބޭކަލެއްނަމަ މަޚުމާފަށުގެ މެދުގައި ރަންކުލައިގެ ތަރިއެއްހުރެއެވެ މިއީ ރަތުލޮއިން ހަދައިފައިހުންނަ އެއްޗެކެވެ ކިލެގެބޭކަލެއްނޫންނަމަ ހުންނަނީ ހަމައެކަނި މަޚުމާފަށެވެ (2) ސިފައިންގެ ޔުނިފޯރމުގައި ކޮނޑުމައްޗަށް އަރާފައި ހުންނަ ނިޝާން
ކޮނެކެއުން
މ މަޖާޒު: (1) މަސައްކަތެއް ނުކޮށް އެކިމީހުން އަތުން އެކިދުވަހު ކެއުން (2) ދިރިއުޅޭނެ ޚާއްސަގޮތެއްނެތި އެގޮތް މިގޮތުން ކައި އުޅުން
ކޮން
އ (1) އޮޅުން ފިލުވުމަށް ކުރާ ސުވާލުގެ ކުރިއަށް ގެންނަ ލަފުޒެއް މިސާލު: )ހ( ކޮންބައެއް )ށ( ކޮންތާކަށް )ނ( ކޮންއިރަކު (2) ނ ކަނބޯ
ކޮންކޮން
ނ (1) ބެރުގެ ހަންބާރުކުރަން ވޮށީގައި ތަޅަންގެންގުޅޭ މުގުރު. މިއީ ދެކޮޅަށް ހިމަ ފޯލިކޮށް އޮންނަ ގުދު އެއްޗެކެވެ. (2) " ކޮން" ބަލާ!
ކޮންމެ
ނއ (1) ގިނަ އެއްޗެހިތަކެއްގެ ހުރިހައި ތަކެތި ވަކިވަކިން ބުނެދިނުމަށްޓަކައި ބޭނުންކުރާ ބަހެއް މިސާލު: ކޮންމެ ފޮތެއްގައި ނަންބަރުޖަހާށެވެ (2) ގިނަ ބައެއްގެ ތެރެއިން ހުރިހައި މީހުން ވަކިވަކިން ބުނެދިނުމަށްޓަކައި ބޭނުންކުރާބަހެއް މިސާލު: ކޮންމެ ކުއްޖަކީ ފަތަން ދަންނަ ކުއްޖަކަށް ވާންވާނެއެވެ