radheef.info
ރަދީފު


ދަ
ނ )ބދ ( (1) ވަ (2) އަހަރެން މިސާލު: ދަބުނެފީމާ )އަހަރެން ބުނެފީމެވެ ( (3) ދަގަނޑު
މަތަކުރުން
މ (1) އައިސް އައިސް ހުރި އެއްޗެއް ހުއްޓުވައިލުން (2) ހަމައިން ނެއްޓިގެން އުޅޭ ބައެއް ނުވަތަ ކަމެއް ބާރުގެ ދަށަށް ގެނައުން
މަތާ
ނ ބަރު އެއްޗެއް ހިއްލައިލުމަށް ނުވަތަ ފަސޭހައިން ދުރުކޮށްނުލެވޭ ކަހަލަ ގޮތަކަށް ހުރި ދޭތެރެއެއް ދުރުކޮށްލުން ފަދަ ކަންތަކުގައި ބޭނުން ކުރާ އެތި
)މަތާއެޅުން( މަތާޖެހުން
މ (1) ބަރު އެއްޗެއް ފަސޭހައިން ހިއްލުމަށްޓަކައި އެކަތިގަނޑު ބޯ ދަށަށް ލައްވައިގެން އަނެކަތިގަނޑުގެ ކޮޅު ހިއްލަންވީ އެއްޗެއްގެ ދަށަށް ލައްވައިގެން ހިއްލުން. (2) ގަދަބާރަކާއެކު ކައިރި ވެފައިވާ ދެއެއްޗެއް ދުރުކުކުރުމަށްޓަކައި އެދޭތީގެ ދޭތެރެޔަށް އެއްޗެއްލައްވައި ދުރުކުރަން ހިފުން
މަތި
ނ (1) ތިރީގެ އިދިކޮޅު (2) އެއްޗެހީގެ އަނގަމަތި ނިވާކުރަން ޖަހާ ނުވަތަ ބާއްވާއެތި (3) ދަށުގެ އިދިކޮޅު (4) އެއްޗެއްގެ މަތީކައިރި (5) ހަމައެއްޗެއްގެ ސަތަހަ (6) އެއްޗެއްގެ މަތީކޮޅު
މަތިހަށިނެގުން
މ (1) މޭފުއްޕާލުމާއިއެކު އިސް އުފުލައި ދެކޮނޑު އުފުލައިލުން (2) މަޖާޒު: ހިނގަމުންދާ ކަމެއްގެ ތެރޭގައި އިސްމީހެއްގެ ގޮތް ދައްކައިގެން އުޅުން
މަތިހަމަކުރުން
މ (1) ރާނާ ތަންތާނގެ މަތި އެއްވަރުކުރުން. (2) އަޑުބާ ބޮލިހި ފަދަ ތަކެތީން ދިޔާއެއްޗެހި މިނާއިރު މައްޗާ ހަމަކުރުން
މަތިނޭވާ
ނ ބައްޔެއްގެ ސަބަބުން ނުވަތަ ވަރުބަލިވުން ފަދަކަމެއްގެ ސަބަބުން ލެވޭ ކުރުނޭވާ
މަތިންކެއުން
މ )ހ ( ކާން ހަދައިފައި ހުއްޓާ ކާންނުވަނީސް އެކިތަށީގެ މަތީން އެތިއެތި ކޮޅުން ކެއުން
މަތިންއެރުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން (2) އެއްޗެއް ކެކި އުތުރި އަރައިގެން ބަންޑުންވުން (3) ރަށްރަށާއި ގިރިފަދަ ތަންތަނުގެ ވައިމަތި ފަރާތުން ދަތުރުކޮށް ދިއުން (4) ގިރާކޮށްފައި ނުދެވޭވަރު އުސްތަންތަނުގެ މައްޗަށް އަރައިގެން އަނެއްފަރާތަށް ދިއުން
މަތިންއެއްލުން
މ ރިޔާނަގައިގެން ދަތުރުކުރާ އުޅަނދުފަހަރު އަނބުރައިނުލާ ރިޔާ އަނެއް ފަރާތަށް ފުރޮޅައިލުން
މަތިންލުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން. (2) އެއްޗެއްކެކި އުތުރި އަރައިގެން ބަންޑުންވުން. (3) ފުރާދުއްވާ އޮޑިފަހަރު ދަތުރުކޮށްފައިދާއިރު އަނބުރާނުލާ ފަރުމާނު މަތިން ރިޔާގެންދިއުން
މަތިބަނުން
މ ގުޅި ރުނބާ އަނގަ ބޮޑެތި ފުޅިފަދަތަކެތީގެ މަތީގައި ބަންދު ކުރުމުގެ ގޮތުން ފޮތިގަނޑެއްފަދަ އެއްޗެއް އަޅައިފައި ރަނގަޅަށް އެއްސުން
މަތިބިތްހިފުން
މ ރިޔަލު ދަތުރުކޮށްފައި ދާއިރު ވައިމަތީގައި ހުންނަ ރަށްރަށް އަތުވާ ހިސާބަށް ދަތުރުކޮށް އެރުން
މަތިކަން
ނ (1) އޮޑި ދޯނި ފަހަރުގެ އޮޑިގަނޑަށް ކިޔޭ ހިސާބުގައި ވަށާ ކައިރީގައި އެންމެ މައްޗަށް އިންދައިފައިހުންނަމަޑޫ ބައެއް އެއްޗެހީގައި ވަކަރު ފިޔަވައި ލަކުޑިން ނުވަތަ ދަގަނޑުން ނުވަތަ އެނޫން އެއްޗެހިންވެސް މަތިކަން ހުރެއެވެ (2) އޮޑިދޯނި ފަހަރުގެ އޮޑިގަނޑުމަތީ ތުންފަތް
މަތިކުރުން
މ (1) ކަމެއް ޙަވާލުކުރުން. (2) ކުރާނޭ މަސައްކަތެއް ނުވަތަ ދާނޭ ތަނެއް ނުވަތަ ދައްކާނޭ ވާހަކައެއް ހޯދައި އެކަމުގެ ވަގުތުޖެހެންވާއިރަށް ތައްޔާރު ކުރުން (3) މީހެއްގެ ބޮލުގައި އެމީހާ ނުކުރާކަމެއްގެ ތުހުމަތު އެޅުވުން
މަތިކެނޑުން
މ (1) ނާޅި ލާހި އަޑާފައި ފަދަތަކެތިން މިނާއިރު ތުނބަށްވުރެ މައްޗަށް ހުންނަބައިތުނބާ ހަމަކޮށްލުން (2) ކުރުނބާ ފަޅޯ ފަދަތަކެތީގެ މަތި ވަކިކޮށްލުން (3) ދަޅު ޑަބިޔާ ފީފާ ފަދަތަކެތީގެ މަތި ވަކިކޮށްލުން (4) އޮޑިދޯނިފަހަރު ބަނދެ ނިމިގެން ފޮނު ކިއްސަރު ހަމަވާހެން އޭގެ މަތީ ކައިރި ކޮށައިމަށައި އެއްވަރުކުރުން
މަތިކެޑެފަސް
ނ )ސ ( ކުނބު ކަތްޕާއި ކޮޅު ފަސްކޮޅު މައްޔަލާ ދެމެދުގެ މަޅުދަށް
މަތިއަންދާއެތި
ނ މަތި އަންދައިގެން އެއްޗިހި ފިހާއިރު އަލިފާން އަންދަން ބޭނުންކުރާ ޓިނުގަނޑު ނުވަތަ އެފަދައެތި
މަތިއަންދާފިހުން
މ މަސްފަތަފޮޅި ބޯކިބާ ބަނބުކެޔޮ ފަދަ ތަކެތިފިހާއިރު އެފިހާ އެއްޗެއްގެ ދަށަށް އަލިފާންލުމާއިއެކު އޭގެ މަތީގައި ޖަސްތު ގަނޑެއް ފަދައެއްޗެއް ބާއްވައި އޭގެ މަތީގައި އަލިފާން ރޯކޮށްގެން އެއެއްޗެއް ރަނގަޅަށް ފިހެވެންދެން އެންދުން
މަތިއުކުޅު
ނ ގަދަބައްޔަށް ހިފުމުގެ އުކުޅެއް މިއުކުޅުގެ ބޭނުން ކުރަނީ ކުރިމަތިލާމީހާ ބިމުން އުފުލައިލައިފައި ބާރު ކަނޑުވާލުމަށެވެ