radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ނިވަތް
ނ ޢިމާރާތެއްގެ ކުރިމަތިން ވަންނަ ދޮރާދިމާ ބޭރަށް ނިތްގަނޑެއްގެ ސިފައިގައި ނެރެފައި އޮންނަ ހިޔާ
ނިމަ
ނ (1) ރަށްރަށުގެ ރައްޔިތުންކުރާ ދަތުރުތަކުގައި ރައިވެރިންނަށް ނުދެވޭތީ އެމީހުން އަތުން ނަގައި އުޅުނު ހަކުރު ނުވަތަ ތަކެތި (2) ދަތުރުވެރިންނަށް ބައެއް ރަށްރަށުން ހަދިޔާއަށް ދީއުޅުނު ތަކެތި މިތަކެތިދީ އުޅުނީ އެރަށްރަށުގެ ފަޅަށް ދަތުރުދޯނި ވަނީމައެވެ
ނިމެއްކުހަރާމީ
ނ (1) ޚިޔާނާތްތެރިޔާ (2) ގެންގުޅޭ ސާހިބު މީހާޔަށް ޚިޔާނާތްތެރިވާ މީހާ (3) ހަރާންކޯރުވާ މީހާ
ނިމޯނިޔާ
ނ ނިއުމޯނިޔާ
ނިދިގެހުން
މ ތާއްޔާޖެހުން
ނިދުން
މ (1) ހިތާ ސިކުނޑީޔާ ހަށިގަނޑަށް ލިބޭ ވަރުބަލިކަން ފިލުވާ ޠަބިޢީ ގޮތުން އަރާމު ލިބިދިނުމަށްޓަކައި މުޅިހަށިގަނޑަށް އަންނަ ވަގުތީ ބަދަލުއައުން (2) ހޭލާހުރުމުގެ އިދިކޮޅު (3) މަޖާޒް: ހަރަކާތެއްނެތި ހިމޭނުންވުން
ނިލަގަނޑު
ނ (1) ނިލަފަންގެ. (2) އޮޑިދޯނި ފަހަރުގެ ކުޑަ ހިޔާ ހަދަން ބޭނުންކުރާ ފަންގެ. މިއީ އޮޑިދޯނި ބައްތެލި ފަހަރުގެ ފަންހިޔަލުގެ ފުރާޅުމަތީގައި ފެތުރުމަށްޓަކާ ކަށިކޭލު ހޮޅުގެ ފަތިން ދެފަތިގަނޑު ދޭތެރޭގައި ކައިވަތެއްހާ ދުރުމިން ހުންނަވަރަށް ބަނޑުވަރުތަކެއްގައި އައްސައިއަމުނައިފައި އޮންނަ ފަތިތަކެކެވެ
ނިގޫދޮންނޫމަސް
ނ ފަރުމަހުގެ ބާވަތެއް. މިމަހުގައި ހުންނަނީ ނޫ ކުލައާއި ރީނދޫކުލައެވެ. މަތީ ކޮތަރިބަޔާއި ނިގޫފަތުގައި ހުންނަނީ ރީނދޫކުލައެވެ އެހެން ކޮތަރިތައް ހުންނަނީ ހުދުކުލައެއްގައެވެ ނިގޫފަތް ހުންނާނީ ވަރަށް ބޮޑަށް ކަފިވެފައެވެ
ނިޔައުވުން
މ ނިޔާވުން
ނިޔަތް
ނ (1) ގަސްތު (2) ނަމާދު ރޯދަ ފަދަ އަޅުކަންތައް ކުރަންފަށާއިރު ދުލުން ކިޔާ ބަސްތައް
ނިޔާކުރައްވާދުވަސް
ނ ޤިޔާމަތްދުވަސް
ނީރުން
މ (1) އެއްޗެއްގެ ދެރަކަމުންނޫނީ އެއެއްޗެއް ފޫވެއްޓިގެން އޭގައިހުރި ދިޔާއެއްޗެއް މަދުމަދުން ނުކުތުން (2) ދިޔާ އެއްޗެއް މަދުމަދުން ނުކުތުން (3) ލީކުވުން
ނީކުނޑި
ނ ހުދާ މުށްޓާ އަޅިޔާ ތިންކުލަ އެކުލެވިގެންވާ
ނީކުނޑިކުލަ
ނ ހުދާ މުށްޓާ އަޅިޔާ ތިންކުލަ އެކުލެވިގެންވާ ކުލަ
ނީވާބަތް
ނ އިނގިއްޔެއްގެ ފަލަމިނުގައި ފޯލިކޮށް ވަށައި ކެޔޮފަތަށް ލައިފައި ހުންނަ ބޮނޑިބަތެއް މިއީ އިހުގައި ބޯފޮޅި ދުވަސް ދުވަހު ބޯފޮޅިޔާއެކު ގަނޑުވަރު ތެރެއިން މިސްކިތަށް ގެންދާބަތެކެވެ
ނީލަގެރިއެތް
ނ (1) ހިންދުސްތާނުގެ "ނީލްގިރީ" އެވެ ކިޔާ ރަށުގެ އެތް (2) ވަރުގަދަ ބޮޑެތި އެތް
ނުރަސްމީދަތުރުފުޅު
ނ ދަޢުލަތުގެ އެންމެ މަތީވެރިޔާ ނުވަތަ ސަރުކާރު ހިންގަވާ ވެރިޔާ ކުރައްވާ އަމިއްލަފުޅު ދަތުރު
ނުކުޅެދުން
މ (1) ބުއްދީގެ ގޮތުން ނުވަތަ ޖިސްމާނީ ގޮތުން އުނިވެފައިވުން (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވުން މަޖާޒު: (3) ކަމެއް ވެވޭނޭގޮތްނެތުން (4) ކަމެއްގެ ލަޔާޤަތާއި ޤާބިލިއްޔަތު ނެތުން
ނުކުޅެދޭމީހާ
ނ (1) ބުއްދީގެގޮތުން ނުވަތަ ޖިސްމާނީ ގޮތުން އުނިވެފައިވާމީހާ (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވެފައިވާމީހާ މަޖާޒު: (3) ކަމެއް ވެވޭނޭގޮތް ނެތްމީހާ (4) ކަމެއްގެ ލަޔާޤަތާއި ޤާބިލިއްޔަތު ނެތްމީހާ
ނުމީނުދިރި
ނއ ކިރިޔާ މަރުނުވެހުރި