radheef.info
ރަދީފު


ސަ
ނ ހައެއް
ރިހިހިރު
ނ ކަސަބުބޯވަޅުގައި އަޅަން ރިހިކަސަބުން ވިޔެފައި ހުންނަ ފީތާފަށް
ރިހިބޯވަޅު
ނ ރިހިކަސަބާއި ރިހިބާދަލައިން އަޅާ ބޯވަޅު
ރިހިދިނުން
މ މަސައްކަތަށް ނުނިކުންނަން ފައިސާ ދިނުން
ރިހިދީގެންހުރުން
މ ލާރިދީފައި މަސައްކަތު ނުގޮސް ހުރުން
ރިބާ
ނ (1) ކާތަކެއްޗާއި ފައިސާ ދަރަންޏަށްދީފައި ދިން އެއްޗިއްސަށްވުރެ އިތުރަށް އަތުލާ މިންވަރު (2) ސޫދު
ރިބުޓެވި
ނ ސަތަރިދަމާން ނަވުގެ ވަށައިގެން އޮންނަ ވައިރު
ރިއަންއެޑާފާނި
ނ )ޏ ( ވަލުތެރޭގައި ފިނިއިރު އުޅޭފަންޏެއް މިފަނިދުވާނީ ދެކޮޅުޖައްސާ މެދުނުޖައްސައެވެ ހީވާނީ މިންއަޅަމުންދާހެންނެވެ
ރިއްމަސް
ނ މުށިމަހުގެ ސައިޒުގެ މަހެއް މިއީ މަހުގެ މަތީބައިގެކުލަ ނޫކުލައަކަށް ދާ ފެހިކުލައެއްގައި ހުންނަ އައިން އައިން ގަނޑަށް އުޅޭމަހެކެވެ މި މަސް އާއްމުކޮށް އުޅެނީ އެތެރެވަރީގެ ކަނޑުތަކުގައާއި ފުން ވިލުވިލުގައެވެ މިއީ ކަށިގިނަ މަހެކެވެ
ރިއްސެޔޮފަށް
ނ ސަރުކާރުގެ އުޅަނދުފަހަރުގައި ރިއްސެއު ކުލައިން ދަމާ އުޅުނު ފަށް
ރިސެޕްޝަން
ނ (1) ޚިދްމަތްދޭ ތަންތާނގައި މަޢުލޫމާތު ދިނުމަށް ބެހެއްޓިފައި ހުންނަ ކައުންޓަރ (2) މުނާސަބަތު ފާހަގަ ކުރުމަށް ބާއްވާ ސައި ނުވަތަ ކެއުން
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ރިޔާބަނުން
މ (1) ފަރުމާނުގައި އަޅާފައިވާ ރިޔާ ފަރުމާނަށް ކަހާލާ ފަރުމާނާއެކު އައްސައިލުން. (2) ރިޔާ ކުޑަކުރުމަށްޓަކައި ރިޔަލުން ބައެއް ފަރުމާނާއެކު އެއްސުން
ރިޔާލަ
ނ ފައިސާއަކަށް ކިޔާނަމެއް މިސާލު: ސައޫދީ ރިޔާލަ
ރިޕޯޓުކުރުން
މ ގަވާއިދާ ޚިލާފަށް ކުރިކަމެއް ސަރުކާރަށް ނުވަތަ ކަމާބެހޭ އިދާރާއަކަށް އެންގުން
ރީނދޫހުން
ނ ހުމުގެ ބާވަތެއް މިހުންޖެހުނީމާ ލޮލާ ނިޔަފަތިތަކާ ހުދުހަމާ ކުޑަކަމުދާ އެއްޗެހި ރީނދޫ ވާނެއެވެ މިއީ ނުރައްކާތެރި އަދިގައިން ގަޔަށްއަރާ ބައްޔެކެވެ ބައެއްފަހަރު މޭގަނޑާ ސިކުޑިޔަށް ގެއްލުން ލިބިދާފަދަ ބައްޔެކެވެ މިބަލިޖެހެނީ ބަލިޖައްސާފަނީގެ ސަބަބުންނެވެ
ރީޗު
ނ (1) ނަގިލި ވައްޓާލީމާ ޗޭނަށް ދަތިނުވެ ފައިބައިގެން ދާނޭހެން ޖަހާ ސަނގަލާ (2) ސާރިދޯޅު
ރީޗުއެޅުން
މ ނަގިލި ވައްޓާލީމާ ޗޭނަށްދަތިނުވެ ފައިބައިގެން ދާނޭހެން ސަނގަލާ ޖެހުން
ރުޅި
ނ ހިތްހަމަ ނުޖެހިގެން ހިތުގައި އުފެދޭ ނުރުހުމުގެ އަސަރު
ރުޅިވުން
މ (1) ހިތްހަމަ ނުޖެހިގެން ހިތުގައި ނުރުހުމުގެ އަސަރު އުފެދުން (2) އެކުވެރިކަން ކަނޑައިލުން
ރުޅިވެރި
ނއ ހިތްހަމަނުޖެހިގެން ހިތުގައި ނުރުހުމުގެ އަސަރު އުފެދޭ