radheef.info
ރަދީފު


ތޮ
ނ ކަލޭ
ފަންތޮށިދަޅު
ނ ތާރުކު ފަންތޮށިން ހަދައިފައި ހުންނަދަޅު. މީގައި ހުންނަނީ ލާޖަހައިފައެވެ. މިއީ އިހުގައި އިންޑިޔާއިން ގެންނަ ދަޅެކެވެ. ގިނައިން ހުންނަނީ ދެފަށް ލާޖަހައި ކުރަހައިފައެވެ
ފަންތޮށިދިޔަ
ނ ފާވެފައި ހުންނަ ފަންތޮށިބުޑު ތަޅައިގެން ފެލާ ދިޔަ
ފަންގަނޑުތޮޅި
ނ ފަތިކޮށް ދިގުކޮށް ހުންނަ މަހެއް. މިއީ ތޮޅީގެ ބާވަތެކެވެ. މިއީ އެހެން މަސްމަހާ ޚިލާފަށް ބަނޑުދަށް ފަރާތުގެ ކޮތަރި ބައިނަގޫފަތާ ވަރަށް ކައިރީގައި ހުންނަ އަދި ކަންފަތްވެސް ބަނޑުދަށް ފަރާތުގައި ހުންނަ މަހެކެވެ މިމަސް މާކަނޑުތަކުގައި އުޅޭތީ މަދު ފަހަރެއްގައި ނޫނީ ނުބޭނެއެވެ
ފަންގޮވި
ނ ދިރޭ އެއްޗެއް. މިއީ މަޑުފިޔާތޮށި ކުލައިގައި އޮއްޓުދެފައި ހުންނަ ފުމޭ އެއްޗެކެވެ. މިގިނައިން އުޅޭނީ ދަރު ފަން ފަދަ އެއްޗެހި ހުންނަ ތަންތާނގައެވެ
ފަންސަންގު
ނ ގަހެއްގެ ފަސްބާވަތް. މިސާލު: ކުރި މައު އޮށް މޫ ތޮށި
ފަންސުރުމަސް
ނ ފުންނަ ޢާއިލާގެ މަހެއް. މިއީ ފަޅުފަޅުގެ ބޭރުތޮށީގައްޔާއި ގަލާއި މުރަކަތަކުގެ ތެރޭގައި ދިރިއުޅޭ މަހެކެވެ. އެން ހިފާއިރު މަދުމަދުން މިމަސް ހިފައެވެ
ފަރަށްމަސް
ނ އާންމުގޮތެއްގައި ފަރުފަރުގެ ތޮށިގަނޑާއި ވަރަށް ކައިރީގައި ބައިބަޔަށް އުޅޭ މަހެއް. މިމަހުގެ ތުން ހިބަރުގެ ތުންގަނޑާ ވައްތަރުވާނެއެވެ އަދި ނަގޫފަތުގެ ދެފަރާތުގައި ދެކަށި ހުންނާނެއެވެ
ފަރާތް
ނ (1) ކިބަ. މިސާލު : އޭނާގެ ފަރާތުން )އޭނާގެ ކިބައިން( (2) ފުށް. މިސާލު: މަންމަ ފަރާތުގެ ބޮޑުބޭބެ. )މައިފުށުގެ ބޮޑުބޭބެ( (3) ގަނޑުގެ އެފަރާތް ގަނޑުގެ މިފަރާތް. (4) ބިތް. މިސާލު: އަތޮޅުގެ އުތުރު ފަރާތުން ދަތުރުކުރާށެވެ. )އުތުރުބިތުން ދަތުރުކުރާށެވެ.( (5) ފަޅި މިސާލު: ޖަލްސާއަށް ދިޔަމީހުން އިށީނދެ ތިބީ ހޯލުގެ ވާތްފަރާތުގައެވެ )ވާތްފަޅީގައެވެ ( (6) މީހުންނާއި ކުލަބު ޖަމްޢިއްޔާ ފަދަ އެކުވިނަންތައް ގުޅުވައިގެން ބޭނުންކޮށް އުޅޭ ބަހެއް މިސާލު: މިކަމަށް އެދޭ ފަރާތްތަކުން
ފަރުބިތް
ނ ރަށެއްގެ ނުވަތަ އަތޮޅެއްގެ ފުއްޓަރު ފަރާތް
ފަރުދާބަގީޗާ
ނ ފަތުގެ ކައިރިފަށުގައި ތުނޑު ހުންނަ ބޯކޮށްހެދޭ މެދުމިނުގެ ގަހެއް މިގަހުގެ ތޮއްޓާއި ފަތަކީ ކަނޑިފާރު ބޭހެކެވެ
ފަރުތޮޅި
ނ ކަނޑުއޮޅިތަކުގެ އަނގަމަތީ ގައްޔާއި އެތެރެވަރީގެ ދެފެން ދޭތެރެއާއި ފެންމަތީގައި އުޅޭ ތުންދިގު ހިމަދިގު މަހެއް މިތޮޅި މާތޮޅިޔަށްވުރެ ބޮޑު ވާނެއެވެ އަނގައިގައި ވަރަށް ގިނައިން ދަތް ހުންނާނެއެވެ
ފަރުގާލުތޮޅި
ނ މޫދުގައި އުޅޭ ތޮޅީގެ ބާވަތެއް މިއޮންނާނީ ވަށްވެލައިގެންނެވެ
ފަޅު
ނ (1) ރަށްރަށުގެ ތޮށްޓާއި ރަށާދެމެދުގައި އޮންނަ ތިލަ ހިސާބު ފަރާއި ގިރިޔާ ގުޅިގެން ވެސް ފަޅުއޮވެއެވެ (2) ނއ މީހުން ދިރި ނޫޅޭ (3) ތަނެއްގައި ހުންނަންވީ އެއްޗެއް ނުވަތަ ބަޔެއްގެ ތެރޭ ހިމެނެންވީ މީހަކު ނެތިގެން ވާ އުނި
ފަޅުތޮޅި
ނ މޫދުގައި އުޅޭ ތޮޅީގެ ވައްތަރެއް
ފައިކަށި
ނ (1) ފަޅުފަޅުން ނިކުތުމަށާއި ވަނުމަށް ހަދައިފައި ހުންނަ ނެރުގެ އެއްފަރާތުގެ ތޮށިގަނޑު. މިސާލު: ކަނޑިންމާ ފައިކަށި. (2) ކަތުރާއި ހަނޑަސް ފަދަ ދެފައިކަށި ހުންނަ ތަކެތީގެ އެއްފަޅި (3) އައިނު ފަދަ ތަކެތީގެ ދުނިގަނޑުގެ ދެފަރާތުން ކަންފަތުގައި އެލުވޭގޮތަށް ހުންނަ ދެބައިން އެއްބައި (4) ބައިސްކަލް ފަދަ ތަކެތީގެ ފުރޮޅު ހިފެހެއްޓުމަށް ދެބަޔަށް ހުންނަބައި
ފަތުކެއްކިއުއި
ނ ފޭލިވިއުމަށްޓަކައި އަހިގަހުގެ ފަތާއި ތޮއްޓާއި މޫލައިގެން ކައްކާ ކުލަޖައްސައިފައި ހުންނަ އުއި
ފަތުކެއްކިފޮށާ
ނ އަހިގަހުގެ ފަތާއި ތޮއްޓާއި މޫލައިގެން ކައްކައި ކުލަޖައްސައިފައި ހުންނަ ފޮށާ މިއީ އަންނަން ބޭނުންކުރާ އެއްޗެކެވެ
ފަތެޅެ
ނ )ޏ ސ ( ފަތޮޅު
ފަތް
ނ (1) ގަހާއިވެޔޮ ހެދެމުންދާއިރު އޭގެ އަރިމަތިން ނުކުންނަމުން ދާ ތަނޑެއް ހުންނަ އެއްޗެއް. ގަސްގަހުގެ ހިޔާ އޮންނަނީ މީގެ ސަބަބުންނެވެ. މިވަރަށް ތަފާތު ގޮތްގޮތަށް ތަފާތު ކުލަކުލައިގައި ހުރެއެވެ. ޢާއްމުކޮށް ހުންނަނީ ފެހިކުލައިގައެވެ. (2) ބައެއްގަސް އުފެދިފައި ހުންނައިރު ގަސްގަނޑެއް ނެތި ބުޑުން ފަޅައިފައި ހުންނަ ތަފާތު ކުލަކުލައިގެ އެކި ސިފަޔަށް ހުންނަ އެއްޗެހި. (3) ދީނީ ގޮތުން ނުވަތަ ޤާނޫނީ ގޮތުން ލިޔެވޭ ބައެއް ޒާތުގެ ލިއުން. މިސާލު: ހިބަފަތް. އަތޮޅުވެރިކަމުގެ ފަތް. (4) ދޫންޏާއި ކުކުޅުހާފަދަ ތަކެތީގެ ފިޔައިގައްޔާއި މުޅިގައިގައި ފަޅައިފައި ހުންނަ އެއްޗެހި (5) މަޖާޒު: ބޮލުގައި ހުންނަ އިސްތަށި
ފަތްކިޔުން
މ (1) އިހުގައި ނައިބުކަމަށް ހިނގާ ދުވަހު ކިޔުމަށް ރަސްމީގޮތުން ލިޔެފައި އޮންނަ ފަތްކޮޅު ރައްޔިތުންނަށް ކިޔަވައިދީ އިއްވުން (2) އިހުގައި އަތޮޅުވެރިކަމުގެ ފަތްކޮޅު ރައްޔިތުންނަށް އިއްވުން (3) ފޮތެއް ކިޔުން