radheef.info
ރަދީފު


ތީ
އ (1) ތިޔައީ )ދުރުގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް.( މިސާލު: ތީ އަހަރެންގެ ގަލަން. (2) ހިނގީތީ ހިނގިކަން ދައްކައިދިނުމުގެ ގޮތުން ބޭނުންކޮށްއުޅޭ އަކުރެއް. މިސާލު: ނޭންގީތީ ނާދެވުނީ. (3) ޔަތީ މިއަކުރު ކުރުކޮށް ބުނާގޮތް މިސާލު: ނޭންގީތީ ނާދެވުނީ
ބަދެޅި
ނ ފަރުތޮޅީގެ ބާވަތެއް: މިއީ އާދައިގެ ތޮޅިއަށްވުރެ ކުދިކޮށޗ ފަތިކޮށް ހުންނަތޮޅިއެކެވެ މީގެ އަނގަތަންކޮޅެއް ކުޑަވާނެއެވެ ނަގޫފަތުގެ މަތީކޮޅު ކުރުވާނެއެވެ ތޮޅީގެ ކުލައަކީ ރިހިކުލައެވެ
ބަތާނަ
ނ (1) އެތެރޭފަށް (2) އުނުފޭރާމާއި ބާލީހާއި ގޮދަޑިއާއި ސަނދުވާފަދަ ތަކެތީގެ އެތެރޭގައި އޮންނަފަށް. (3) ކުލަ ނުވަތަ ދަވާދު މަތި މައްޗަށްލާއިރު އެންމެ ފުރަތަމަ ލާފަށް (4) މަޖާޒު: ގެޔަކަށް ވަދެ އުޅޭ މީހުންގެ ތެރެއިން އެގެއަކަށް އެންމެ ގަދަ މީހާ
ބަތްރުމާ
ނ ކާއިރު އުނގުމަތީ އެޅުމަށާއި އަތާއި ތުން ފުހެލުމަށް ބޭނުން ކުރުމަށްޓަކައި ފޮތިން ނުވަތަ ކަރުދާހުން ހަދައިފައި ހުންނަ ރުމާ
ބަތްފޮށާ
ނ އިހުގައި ފިރިހެނުން އުނަގަނޑުމަތީ ބަނދެ އުޅުނު ކުޑަފޮށައެއް
ބަތްޕެންހިކާ
ނ ހިކާގެ ބާވަތެއް. މިމަހުގެ މަތީބައިގެ ކުލައަކީ މުށިކުލައެވެ. ބޮލުން ފެށިގެން މަހުގެދިގަށް ފުޅާ ގަދަ މުށިކުލައިގެ ބޭންޑެއް ހުރެއެވެ ބުރިކަށިމަތީގައި ހުންނަނީ މުށިކުލައެވެ ބަނޑުދަށް ފަރާތުގެ ކުލައަކީ މަޑު ރީނދޫ ކުލައެވެ
ބަތްޕޮޅި
ނ ހަނޑޫ ފޮޅަން ގެންގުޅޭ އެއްޗެއް މިހުންނަނީ އެއްކޮޅު ގޮނިކޮށް ރުކު ފަތީން ވިޔެފައެވެ
ބަގަ
ނ (1) ވައްތަރު (2) ކަހަލަ (3) އެކުވެރިވެގެން އުޅޭ ދަށް ފަންތީގެ ބައިގަނޑު
ބަގީޗާ
ނ ބާވަތް ބާވަތުގެ ގަސްތައް ތަރުތީބެއްގެ މަތިން އިންދައި ބަލަހައްޓާ ތަންގަނޑު
ބަގީޗާ ހެއްދުން
މ ބާވަތް ބާވަތުގެ ގަސްތައް ތަރުތީބެއްގެ މަތިން ވަކިތަންގަނޑެއްގައި އިންދައިގެން ހެއްދުން
ބަޑަމަށްދިޔުން
މ މަތީ ކިބައިގައި ހުންނަ ދޯންޏެއްގެ ދަށް ފަރާތުން ފަސްކަންޏާ ހަމައަށް ދިއުން މިތަނަށް ދަނީ ކުރީގައި އޮންނަ ދޯނިންއުކާ އެމުން މަސްބޭނުމުގެ ބޭނުމުގައެވެ
ބަޑި
ނ (1) ބަޑިބޭހުގެ ބާރުން ވަޒަން ފޮނުވައިލާގޮތަށް ނުވަތަ ލޭޒަރުގެ އަލި ފޮނުވައިލާގޮތަށް ހަދައިފައި ހުންނަ ހަތިޔާރެއް. (2) އިސްފިރޭނެއްގެ ބާރުން ނުވަތަ ވައިގެބާރުން މަޑަ ނުވަތަ ވަޒަން ނުކުމެގެންދާގޮތަށް ހަދާފައި ހުންނައާލާތެއް (3) ތަވީދުލުމަށް އެތެރޭގައި ހޮއި އޮންނަގޮތަށް ވިރިކެކޭ އެއްޗެހިން ހަދައިފައި ހުންނަ އުރަ (4) އެތެރެއަށް ވައި ވަދެގެން ފުފިފައި ހުންނަ ދުލި (5) ފެނުގެ ތެރޭގައި ފޮތީގެ ތެރެއަށް ވައިވައްދައިގެން އުފެދޭ ބޮކި (6) ހަށިގަނޑުގެ ދޮރުދޮރުން ނުކުންނަ ބަލިމަޑުކަމެއް (7) ދިރޭ އެއްޗެއް ފެންގަނޑެއްގެ ތެރޭގައި އުޅޭ އުޅުމުގައި ހަދައިލާގޮތަކުން އިވޭ އަޑު (8) ބައެއް ބާވަތުގެ ރޯފަތް އަނދަމުންދާއިރު އެއިން އިވޭ އަޑު (9) ގުޅަ ތެލުލާއިރު ގުޅަ ފަޅައިގެންދާ އަޑު )01( ތަންތަނަށް ގިރިސްޖަހަން ގެންގުޅޭ އާލާތެއް (11) ގޭސް އުނދުން ރޯކުރުމަށް އަލިފާން ކެނޑޭގޮތަށް ހަދައިފައި އޮންނަ އާލަތެއް
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިފަން
ނ (1) ބައެއް ބޭނުމަށްޓަކައި ފުޅަފުގެ މަތަރެހުގެ މަތީގައި ޖަހާ ފަންވަތް (2) ދޯނި ފަހަރު ފަތަވެރިކުރާއިރު މަތިކަނުގެ މައްޗަށްޖަހާ ފަންވަތް
ބަޑިދޮރު
ނ (1) ބަޑީގެ އުންޑަދާން ބުރުޒުގައްޔާއި މައިފާރުގައި ކަނޑައިފައި ހުންނަތަން (2) މަނަވަރާއި އާގުބޯޓުފަހަރުގެ ފެނުންމަތީގައި ކަނޑައިފައި ހުންނަ އާނގަވަޅު
ބަޓަރު
ނ ގެރިބަކަރިފަދަ ތަކެތީގެ ރޯކިރުން ވަކިކޮށްގެން ނަގާ ތެލުގެ ބައި ހިމެނޭ ކާއެއްޗެއް
މިސާލު: "މިއޮޑިއަށް އަރާ ބާނި!" ބާނި
ނ (1) މާކަނޑުގައި ނުބިންދާ ހިނގާ ދިގުރާޅު (2) ވިދިވިދިގެން އަންނަރާޅުފަތި (3) އަޑިން ފެންމައްޗަށް އަރާއޮއިވަރު (4) ނަނަކަށް އަމުނައިގެން ދުއްވާ ސަޑުނެތް ހަވަޔެއް (5) ލަކުޑީގެ އޮޅުފަށް (6) ހަތްބޮޅު އުއީގެ ކެއްޓު (7) ނަނު އެއްލާން އަތަށްކަހާލާ މިންވަރު (8) ކ އާދޭ މިމާނާގައި މިބަސް ކިޔާ އުޅެނީ "ބަނދި" ފަދަ އެއްޗެތީގައެވެ
ބާރަށް
ކއ (1) ބާރުލުމާއެކު (2) ގަދަކަމާއެކު (3) ނ ތިލަދުންމަތީގެ މަޝްހޫރު ރަށެއް
ބާރަބޯލަނގިރި
ނ ދެފައްޗަށް ތިބެގެން އެކިއެކި ބާވަތުގެ ރީތިތަކެތީން އެކިގޮތްގޮތް ހަދަމުން ލަވަކިޔައިފައި ބެރުޖަހަމުން ކުޅޭ ކުޅިވަރެއް
ބާރު
ނ (1) ހަކަތަ. (2) ގަދަފަދަ. (3) ވާން. (4) ތަކެތި ކޮއްޕުމަށް ނުވަތަ ދަމައިގަތުމަށް ނުވަތަ އުފުލުމަށް ހުންނަވާގި. (5) ހަލުއި. މިސާލު: އެދޯނި ދަތުރުކުރީ ބާރު ދުވެއްޔެއްގައެވެ. (6) ހެދުން ފަދަ ތަކެތި ހެޔޮވަރު ނުވެގެންވާ ދަތި. (7) ދޮރުފަދަ ތަކެތި ވަރުނުވެގެންވާ ތާށި. (8) އެއްޗެއްގެ ތެރެއަށް އެއްޗެއް ވަދެގެންވާ ތާށި. (9) ވަޔާއި އޮޔާއި ކަނޑާއި އަޑުފަދަ އެއްޗެގި ވާގަދަ މިސާލު: )ހ( މިއަދަކީ ވައިބާރު ދުވަހެކެވެ )ށ( އަޑު ބާރުނުކުރާށެވެ )01( އިންޖީނުފަދަ ތަކެތީގެ ހިނގުންވާ މަތި މިސާލު: މިއިންޖީނު އަމިއްލައަށް ބާރުވެފައި މަޑުވަނީއެވެ (11) މަޑުގެ އިދިކޮޅު (21) އިސްކުރު ބޯލްޓް ފަދަ އެއްޗެހި ޖަހައި ކުރާ ހިމުން )31( މަތިގަނޑު އުނގުރި ފަދަ އެއްޗެހި ޖަހައި ކުރާ ހަރު
ބާރުކަން
ނއނ (1) ގަދަފަދަކަން. (2) ވާންކަން. (3) ހަލުއިކަން. (4) ހެދުން ފަދަ ތަކެތި ހެޔޮވަރު ނުވެގެންވާ ދަތިކަން. (5) ދޮރުފަދަ ތަކެތި ވަރުނުވެގެންވާ ތާށިކަން. (6) އެއްޗެއްގެ ތެރެއަށް އެއްޗެއް ވަދެގެން ތާށިވާކަން. (7) ވަޔާ އޮޔާ ކަނޑާ އަޑު ފަދަ އެއްޗެހި ގަދަވާކަން (8) އިންޖީނުފަދަ ތަކެތީގެ ހިނގުން މަތިވާކަން (9) މަޑުކަމުގެ އިދިކޮޅު