radheef.info
ރަދީފު


ތަކަ
ނ ދާބަންނަ ރޮދި އަނބުރަން ގެންގުޅޭ އެތި
ފަގުޑިފޮށާ
ނ ފަގުޑިއާ ވައްތަރުގެ ގޮތަކަށް އޮޅައިފައި ހުންނަ ފޮށާ
ފަސްއޮށްކުޅުން
މ ފަސްއޮށްބައިން ވަކިގޮތަކަށް ކުޅޭ ކުޅިވަރެއް ކުޅުން
ފަސްމައިގަނޑުވިޔަ
ނ ހިސާބު ހެދުމުގައި ބޭނުންކުރާ ގޮތަކަށް ކިޔާނަމެއް. މިސާލު: ހަތަރު މީހަކަށް ހަތަރު ދުވަހަކުން ދުއިސައްތަ ރުފިޔާ ލިބޭނަމަ ފަސްމީހަކަށް ދެދުވަހުން ލިބޭނީ ކިހާވަރެއްތޯ ބަލަން ކުރާ ހިސާބު
ފަސްގަނޑުހެދުން
މ (1) މަހާނަމަތީ ވެލިގަނޑު ވަކިގޮތަކަށް ހެދުން (2) ގަސް އިނދާ ތަން ތައްޔާރު ކުރުން
ފަޗިސް
ނ ގޮޓިކިޔާ ކުޅިތަކަކާއި އެތެރެއަށް ތިމަރަ އަޅައިފައި ހުންނަ ރިހާކުރު ބޮލީގެ ހަ ބޮލިން ވަކިގޮތަކަށް ހަދައިފައި އޮންނަ ފޮތި ގަނޑެއްގެ މަތީގައި ކުޅޭ ކުޅިވަރެއް. މިއީ ހަތަރު މީހުން ބައިވެރިވެގެން ކުލޭ ކުޅިވަރެކެވެ
ފަޗިސްފޮތިގަނޑު
ނ ފަޗިސްކުޅެން ހަދައިފައި އޮންނަ ފަތިގަނޑު މި އޮންނާނީ ހުދު ފޮތިގަނޑެއްގައި ކަޅުފަށްތަކަކުން ގޮޅި ހަދައި މެދު ހަތަރެސްކަންވާ ގޮތަށް ހަތަރުފަރާށް ހަތަރުބައި ދިގުކޮށް އޮންނަގޮތަށެވެ
ފާހިލުން
މ (1) އެއްނަރު ފައްޓަރު ފަދަ ތަކެތީގައި ފާހި ހަރުކުރުން (2) ވަކިގޮތަކަށް ހަދައިފައި ހުންނަ މަޅިއެއްގެ ޒަރީޢާއިން އެއްނަނު އަނެއް ނަނާ ގުޅުވުން (3) ފާހިހެދުން
ފާނަބަސަނދު
ނ ހަމުގެ ބައްޔެއް. މިއީވަރަށް އަވަހަށް ފެތުރޭ ބައްޔެކެވެ. މިބަލީގެ ފަނި ހަށިގަނޑަށް ވަންނަތާ 11 ދުވަހާ 81 ދުވަހާ ދޭތެރޭގައި ގަދައަށް ހުން އާދެއެވެ. ހުން އަންނަތާ 42 ގަޑިއިރުގެ ތެރޭގައި ރަތްކުލައިގެ ބިހިތަކެއް ނަގައެވެ. މިބިހިތައް ބޮޑެތިވެ ފޮޅުތަކަކަށް ބަދަލުވެ ކުރަމަގާލިލައި 21 ދުވަސް ފަހުން ކުރަމަގާލިތައް ނެއްޓިދެއެވެ
ފާންތިލަ
ނ އާނުކެނޑުންފަދަ ކަންތަކަށް ބޭނުންކުރާ އެއްކޮޅު ފަތިކޮށް އަނެއްކޮޅު އޫކޮށް ހުންނަ ދަގަނޑެއް މީގެ އޫކޮށް ހުންނަ ކޮޅު ހަމައަށްވެސް ހުރެއެވެ
ފެންވަޅު
ނ ފެން ބޭނުން ކުރުމަށްޓަކައި ބިންގަނޑު ކޮނެ ފެނުތެރޭގައި ބައެއް ހުންނާނޭހެން ރާނައިފައި ނުވަތަ އެނޫންވެސް ގޮތަކަށް ތައްޔާރުކޮށްފައި ހުންނަތަން
ފޮތެއް އޮތަކަސް އެދުރެއްނުވާނެއެވެ
(މުސްކުޅިބަހެއް) ފޮތެއް އޮތަކަސް އެއިން އެއްޗެހި އޮޅުން ފިލުވައިދޭނެ މީހަކު ނެތި އަމިއްލަޔަށް އުނގެނި ނުގަނެވޭނެކަން އަންގައި ދިނުމުގެ ގޮތުން ބުނެއުޅޭ ބަހެއް.
ފޮތެއްއެދުރެއްނުވާނެ
)މުސްކުޅިބަހެއް( ފޮތެއް އޮތަކަސް އެދުރެއް ނުވާނެއެވެ
ދެންނެވުން
މ (1) އެންމެމާތްކޮށް މުޚާޠަބުކޮށް ވާހަކަ ދައްކަންޖެހޭ ފަރާތެއްގައި އެއްޗެއް ބުނުން )ނ ( (2) ގިނަފަރާތްތަކަކަށް ކަމެއް އެންގުމުގެ ގޮތުން ފޮނުވާ ނުވަތަ ބަހައްޓާލިޔުމަކަށް ކިޔާނަމެއް (3) ސަރުކާރުގެ އޮފީސްތަކުން ޗާޕުކުރައްވައިފައި ނެރުއްވާ އެންގުމެއް
ތޮނގި
ނ ފުޅަފުގައި ފުޅަލި ހަރުކުރަން ހުންނަދަނޑި މިދަނޑިހުންނާނީ ފުޅަލީގެ އެހެން ދަނޑިތަކަށްވުރެ ތަންކޮޅެއް ދިގުކޮންނެވެ މިދަނޑީގެ ތިރީކޮޅު ހުންނަނީ ފުޅިއެއްގެފޫ ނުވަތަ ނާއްޓެއް ފަދަ އެއްޗެއްގައި ޖައްސައިފައެވެ މަތީ ކޮޅުގައި ފުޅަފުގެ މުޑިޔާއެއްކޮށް ކުސަގަނޑެއ ފުރައިފައެވެ
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން
ފާޑަކަށް
ކއ (1) ޒާތަކަށް (2) ވައްތަރަކަށް (3) ގޮތަކަށް
ފިހިގަނޑު
ނ (1) ބޮނބި ނުވަތަ އެފަދަ އެއްޗެއްގެ ނަރުން ހަދައި ދަނޑިއެއް ލައިފައި އޮންނަ އެއްޗެއް. މިއީ ކުނިކަހަން ބޭނުންކުރާ އެއްޗެކެވެ. (2) ތަރަފާލާއި ތަޅުންގަނޑު މަތިން ހިރަފުސް ފިލުވަން އުއި ފަށްތަކަކުން ހަދައިގެން ގެންގުޅޭ އެއްޗެއް. ހިރަފުސް ފިލުވުން މި ބޭނުން ކުރަނީ ފެނުން ތެންމައިލައިގެންނެވެ (3) ފިހިގަނޑު ބުމަރު ޖަހަން ރޯ ދިއްގާ ދަނޑިން އެއްކޮޅުގާ ވަކަފަށްތައް ހުންނަ ގޮތަށް ހަދާ އެއްޗެއް
ފިނިފޭބުން
މ ވައިގެތެރޭގައި ހުންނަ ތެތްކަން އިތުރުވެ އެ ތެތްކަން ބިމަށާއި ގަސްގަހުގެ ފަތްތަކަށް ފޯރުން
ފިރާލުން
މ (1) ރިޔާ އަނެއްފަރާތަށް ލުން (2) ހުރިގޮތުން އެހެންގޮތަކަށް ބަދަލުވުން
ފިރުން
މ (1) އެއްފަރާތުން އަނެއްފަރާތަށް ބަދަލުކުރުން (2) ހުރިފަރާތް ނޫން އަނެއްފަރާތަށް ރިޔާލުން (3) އަނެއް އަތަށް ޖެހުން (4) މަޖާޒު: ތިމާ ހުރިގޮތް ނޫން އެހެން ގޮތަކަށް ބަދަލުވުން (5) ޓަފު ފުޅިއާއި ސާޢަތް ފުޅި ފަދަ ތަކެތި އެއްކޮޅު އަނެއްކޮޅަށް ޖެހުން