radheef.info
ރަދީފު


ދ
ނ (1) ތާނައިގެ ބާރަވަނަ އަކުރު (2) ދިވެހި ވިޔައަކުރުގެ ތިނެއް
ހިތިދަނޑި
ނ ބޭހަށް ގެންގުޅޭ ހިތިރަހަލާ ހިމަދަނޑިއެއް މިއީ ރާއްޖެއިން ބޭރުން ގެންނައެއްޗެކެވެ މީގެ ގަސްހެދެނީ އޮނު ހުންނަ ގޮތަށް ބަދަބަދަލައިފައި ބަދަތައް ވަރަށް އޮމާން ކޮށެވެ ބަދަތައް ހުންނަނީ ހިމަކޮށެވެ ގާތްގަޑަކަށް ކުޑަވާއިނގިއްޔެއްހާ ފަލަމިނެއްގައެވެ ފަތްތައްވެސް ހުންނަނީ އޮނުފަތާ ވައްތަރުކޮށް އެއަށްވުރެ ކުދިކޮށެވެ މިގަސް ހެދެނީ ގާތްގަނޑަކަށް 5 ފޫޓެއްހާވަރަށެވެ އިނގިރޭސިބަހުން މިގަހަށް ކިޔަނީ ސިންކޯނާއެވެ
ހިތިދަމުއި
ނ ދަމުއިގެ ބާވަތެއް މިދަމުއި ހުންނާނީ ދިރިއާ ވައްތަރުކޮށް ދިރިފުކެއްގެ ދެބައިކުޅަ އެއްބައިވަރަށެވެ މިއަށް ހިތިދަމުޔޭކިޔަނީ ހިތި ކައްކާއިރު އެއަށް އަޅަން ބޭނުންކުރާ އެއްޗަކަށްވާތީއެވެ
ހިތިދުވަސް
ނ ރަމަޟާންމަހު 22، 24، 26، 28 މި ހަތަރު ދުވަސް. މިއީ ރަސްމީ ގޮތުން ރަސްކަލަކު ބައެއް ވަލީވެރިންގެ ޒިޔާރަތަށް ފާތިޙާ ވިދާޅުވުމަށް ވަޑައިގަންނަވާ ދުވަސް ދުވަހެވެ. (1) ހެންވޭރު ބޮޑު ހިތީގައި ޙަބްޝީގެފާނުގެ މަޤާމްފުޅަށް. (2) މާފަންނު ބޮޑު ހިތީގައި އަލި ރަސްގެފާނު ޒިޔާރަތަށް. (3) ހެންވޭރު ކުޑަހިތީގައި މެދުޒިޔާރަތަށް. (4) މާފަންނު ކުޑަހިތީގައި ފަޤީހު ސުލައިމާނު ޒިޔާރަތަށެވެ. ފަހުން މިކަމުގެ ރަސްމިއްޔާތު ރޭގަނޑަށް ބަދަލުވީމާ އޮންނަނީ 23، 25، 27، 29 މިރޭ ތަކުގައެވެ
ހިތުން ތެދުކުރުން
މ (1) ޔަޤީންކުރުން (2) ކަށަވަރުކުރުން (3) ޝައްކެއްނެތުން
ހިތުވަފެއިދިނުން
މ )ސ ( (1) ހިއްތައިފައި ދިނުން (2) ދިއްކޮށްލާފައިދިނުން
ހިތުދަސްކުރުން
މ (1) އެއްޗެއް ނުވަތަ ކަމެއްގެ ތަނެއްގެ ހަނދާން ހިތުގައި ހަރުކުރުން (2) ނުބަލާ ކިއޭވަރަށް ދަސްކުރުން
ހިތުދަސްވުން
މ (1) އެއްޗެއްގެ ނުވަތަ ކަމެއްގެ ހަނދާން ހިތުގައި ހަރުލުން (2) ނުބަލާ ކިއޭ ވަރަށް ދަސްވުން
ހިތުލޯތްބަށްދިނުން
މ (1) ދަރުމަޔަށް ދިނުން (2) ހަމަހިލޭދިނުން
ހިތްހައްޓާބެދުން
މ މަޖާޒު: (1) ހިތްހަމަޖެހޭ ވަރުވުން (2) ހިތްހަށިހަމަޖެހުން
ހިތްހަލާލު ހޯދުން
މ (1) ހިތުގެ ރުހުން ހޯދުން (2) ހިތުގެ ސާފު ރުހުން ލިބިގަތުން މިކަމަކީ ފިރިމީހާގެ ކިބައިން އަނބިމީހާ މައިންބަފައިންގެ ކިބައިން ދަރިން އެދުރުންގެ ކިބައިން ދަރިވަރުން ލިބިގަންނަ ކަމެކެވެ
ހިތްއޮންނާނީ ދެލިގަނޑެއްހެންނެވެ. ކަން އޮންނާނީ ވެލިގަނޑެއްހެންނެވެ.
(މުސްކުޅިބަހެއް) ހިތްނުބައިކޮށްގެން ހުރެ ބޭރުފުށް އޮމާންކޮށް ކަންތައް ކުރާ މީހުންނާމެދު ބުނެއުޅޭ ބަހެއް
ހިތްވަރުދިނުން
މ (1) ކަމެއްކުރުމަށް ބާރުއެޅުން (2) ބަހުން ނުވަތަ ކަމުން އަނެކަކަށް ބާރުދިނުން
ހިތްވަރުގަދަ
ނއ (1) ހިތުގެ ސާބިތުކަމާއި ވަރުގަދަކަން ހުންނަ (2) ކަންތައްތަކާއި ކުރިމަލާން ކެރޭގޮތް ހުންނަ (3) ޖެހިލުންކުޑަ (4) ބިރުކުޑަ
ހިތްވަރުގަދަކަން
ނއނ (1) ހިތުގެ ސާބިތުކަމާއި ވަރުގަދަކަން ހުންނަކަން (2) ކަންތައްތަކާއި ކުރިމަތިލާން ކެރޭގޮތް ހުންނަކަން (3) ޖެހިލުންކުޑަކަން (4) ބިރުކުޑަކަން
ހިތްފަޅައިގެންދިއުން
މ މަޖާޒު: (1) ހިތަށްމާބޮޑަށް ހިތިއަސަރެއް ކުރުން (2) ހިތަށް މާބޮޑަށް ވޭނާއި ކެކުޅުން ލިބުން
ހިތްފޮޅިގެންދިއުން
މ މަޖާޒު: (1) މާބޮޑަށް ހިތަށް އުފާވެރިކަމުގެ އަސަރުވެރިވުން (2) މާބޮޑަށް އުފާވުން
ހިތްދަމައިގަތުން
މ (1) މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުންނަ ގޮތަކުން ހިތުގައި ލޯތްބާއި ކުލުނު އުފެއްދުން (2) މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުންނަ ގޮތަކުން ހިތުގައި ތަޢުރީފާއި އިސްތިޙުސާން އުފެދުން
ހިތްދަތި
ނއ (1) ހިތް ނުތަނަވަސް ވެފައިވާ (2) ކަންބޮޑުވެފައިވާ (3) ފިކުރުބޮޑުވެފައިވާ (4) ހިތާމަ ލިބިގެންވާ
ހިތްދަތިކަން
ނއނ (1) ހިތްނުތަނަވަސްކަން (2) ކަންބޮޑުވެފައިވާކަން (3) ފިކުރުބޮޑުވެފައިވާކަން (4) ހިތާމަ ލިބިގެންވާކަން
ހިތްދަތިކުރުން
މ (1) ހިތާމަކުރުން (2) ހިތްނުތަނަވަސް ކުރުން (3) ފިކުރުބޮޑު ކުރުން