radheef.info
ރަދީފު


މޫ
ނ (1) ގަސްގަހާ ގެއްސާއި ވެޔޮވެލާވެލީގެ ބުޑުން ފަޅައިގެން ބިމުގެ ތެރެއަށް ދެމިފައިން ހުންނަ ބައި. (2) ގަހަށް ކާނާ ހޯދައިދިނުމާއި ގަސް ބިމުގައި ހިފިހުރުމުގެ ބާރެއްކަމުގައި ހިމެނޭ ބައި (3) ހަށިގަނޑުގައި އުފެދޭ ބަލިބަލީގައި މަސްގަނޑުގެ ތެރެއަށް ފެތުރެމުން ހެދެމުންދާ ރޮދިފަށްތަކެއްހެން ހުންނަބައި
ފަސްބަދުރުވަ
ނ އިރުވައި މޫސުމުގެ އަށްވަނަ ނަކަތް
ފަސްއިނގިލި
ނ (1) އިންސާނާގެ އަތުގައި ނުވަތަ ފައިގައި ހުންނަ އިނގިލިތައް އެއީ )ހ( ބޮޑުވާ އިނގިލި )ށ( ޝަހާދަތް އިނގިލި )ނ( މެދު އިނގިލި )ރ( ކަށި އިނގިލި )ބ( ކުޑަވައި އިނގިލި (2) މޫދުގައި އުޅޭ ފަސް ފައިކަށްޓަށް ހުންނަ ދިރޭ އެއްޗެއް
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާކުރުން
މ (1) ވަކިވަރަކަށް ދޮންވެފައި ހުންނަމޭވާ ފައްކާވެގެން މަޑުވާނެ ގޮތް ހެދުން (2) ބަނބުކެޔޮ ވަޅުލައިގެން މަޑުވާގޮތް ހެދުން (3) ކެކުރި ފިތައިގެން މަޑުވާގޮތް ހެދުން (4) ދަނޑި ފަދަ އެއްޗެހި މޫދު އަޅައިގެން ތޮށި މަޑުކުރުން (5) އޮޅުގައި ނުވަތަ މޫދުގައި އަޅައިގެން ބޮނބި މަޑުކުރުން (6) މަޖާޒު: ތިމާކުރަންޖެހޭ ކަމެއް ބޮލުން ނައްޓައިލައިގެން އަނެކެއްގެ ބޮލުގައި އެޅުވުން (7) އުނދަގުލެއް ޖެއްސުން
ދޮޅިޖެހުން
މ ހަމައެކަނި މޫނު ފެންނަގޮތަށް ނަމާދުފޮށާ ބޮލުގައި އެޅޭނެގޮތް ހެދުމަށްޓަކައި ދަތްދޮޅިއާ ހަމައިން ތިރިއަށް ތަންކޮޅެއް ފަހައިލުން ނުވަތަ ދަތްދޮޅިން ފެށިގެން ތިރިއަށް ފަހައިލުން
ތޮށި
ނ (1) ރަށެއްގެ ވަށައިގެން ނުވަތަ ރަށުގެ އެއްފަރާތެއްގެ މޫދުތެރޭގައި ގަލުން ލެވިފައިވާ ނުވަތަ ލައިފައިވާ ފާރު (2) ފަރު (3) ގަސްގަހާއި މޭވާގެ ބޭރުގައި ހަރުކޮށް ހުންނަފަށަލަ (4) ބިސްއަޅާ ތަކެތި އަޅާ ބިހުގެ ބޭރުގައި ހަރުކޮށް އޮންނަބައި (5) ބައެއްމީހުންގެ ހަންރާޅުވުމުގެ ސަބަބުން ހުޅުނބުހެން ހަމުގައި ހެދިފައި ހުންނަ އެތިއެތިކޮޅު (6) ވެލަ އާއި އިއްސާއި ކަކުނިފަދަ ދިރޭ ތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި
ތޮށިގަނޑު
ނ (1) ރަށެއްގެ ވަށައިގެން ނުވަތަ ރަށެއްގެ އެއްފަރާތެއްގެ މޫދުތެރޭގައި ގަލުން ލެވިފައިވާ ފާރުގަނޑު (2) ބިހުގެ ބޭރުގައި އޮންނަ ހަރުބައި (3) ގަސްގަހާއި މޭވާގެ ބޭރުގައި ހަރުކޮށް އޮންނަބައި (4) ވެލަޔާއި އިއްސާއި ކަކުނިފަދަ ދިރޭތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި މަޖާޒު: (5) ޙަޤީޤަތް ފޮރުވުމަށްޓަކައި ބޭރުން ދައްކައިގެންއުޅޭގޮތް (6) މީހެއްގެ ވިސްނުމާއި ޚިޔާލު ގެންގުޅޭ ހަނިދާއިރާ
ތޮށްޓަށްއެރުން
މ ތޮށިލާން މޫދަށްދިއުން
ގޯދި
ނ ކަނޑުގައި ދުއްވާ އުޅަނދުފަހަރު މަރާމާތު ކުރުމާއި މިނޫންވެސް މިފަދަ ކަންކަން ކުރުމަށް އެތަކެތި އެހެލައިފައި ބަހައްޓަން މޫދާގުޅިގެން ހަދައިފައި ހުންނަ ތަންތަން
ފިނި
ނ (1) ހޫނުގެ އިދިކޮޅު (2) ޝަބްނަމް (3) ޓެމްޕްރޭޗަރ ދަށުގައި ހުރުމުން މޫސުމަށް އަންނަ ބަދަލު (4) ފުރާނަ ދިއުމުން ހަށިގަނޑުގައި ހުންނަ ހޫނުކަން ކެނޑި އަންނަ ބަދަލު (5) އިންސާނާގެ ހަށިގަނޑަށް ވައިފެނުން އަރާމުކަން ލިބޭ ދަރަޖަ (6) ގަނޑުފެނާއި ފިނިކުރި އެއްޗިހިން ވާ އިޙްސާސް (7) މަޖާޒު: ނއ އުފާވެރިކަމެއް ނެތް (8) ޙިއްޞެއް ޙަރަކާތެއް ނެތް
ފިނިމޫސުން
ނ (1) އަހަރުގެ ތެރޭގައި އަންނަ ފިނިދުވަސްވަރު. (2) އަހަރުގެ މަސްތައް ތަފާތު ހަތަރު މޫސުމަކަށް ބަދަލުވާ ތަންތަނުގައި ޚަރީފާއި ރަބީޢާ ދެމެދަށް އަންނަ މޫސުން ދުނިޔޭގެ އުތުރުގެތަން ތަނަށް މިމޫސުން އަންނަނީ ޑިސެމްބަރުން މާރިޗަށެވެ
ފިރުޢައުނު
ނ (1) މޫސާގެފާނު ދުނިޔޭގައި އުޅުއްވި ޒަމާނުގައި މިޞުރުގައި އަމިއްލައަށް ކަލަކު ކަމުގައި ހެދިގެން އުޅުނު ނުބައި ރަސްކަލެއް (2) އެއްޒަމާނެއްގައި މިޞުރުގައި އުޅުއްވި ރަސްރަސްކަލުންނަށް ދީފައިވާ ލަޤަބެއް (3) މަޖާޒު: ނުބައި ނުލަފާކަމާއި އަނިޔާވެރިކަން ހައްދު ފަހަނަޅައިފައިވާ މީހާ
ފިލިވަހަށް އައުން
މ (1) މޫދުތެރެއަށް ފިލިޖަހައިލީމާ އޭގެ ވަހަށް މަސްތައް ނުވަތަ އެންތައް އެތަނަކަށް ޖަމާވުން (2) މަޖާޒު: ތަނެއްގައި ތިމާ ގަޔާވާ ކަމެއް ހިނގާކަން އެނގުމުން އަވަސް އަވަހަށް އެތަނަކަށް ދިއުން
ފިޔަލަ ކަކުނި
ނ ފެންގަނޑުގައްޔާއި މޫދުގައި އުޅޭ ކަކުނީގެ ތެރެއިން ފެން މަތިން ދުވެފައި އަންނަ ވައްތަރުގެ ކަކުންޏެއް މި ކަކުނީގެ ފަހަތުގައި ދެފިޔަފަތްގަނޑު ހުރެއެވެ
ފީރުތޮޅި
ނ މޫދުގައި އުޅޭ ތުންގަނޑު ފީރެއްހެން ހުންނަ ތޮޅިއެއް
ފުށަހި
ނ އަތްކަން ކުރާމީހުން ތައްގަނޑަކަށް އަޅައިގެން ގޮށެއްގެ ސިފައިގައި ހަދާ އެއްޗެއް. މިނަމޫނާއަށް އަނގޮޓިއާއި ގަމީހުގެ އަތުކުރީގައިލާ ގޮށްފަދަ އެއްޗެހި ހަދައެވެ
ފުށްޖަހާމާ
ނ (1) މޫނުގައި ފުށްޖެހުމަށް ހަދަިއފައި ހުންނަ މާ (2) މަޖާޒު: ރީތި އަންހެނުން ނުވަތަ ރީތި ފިރިހެނުން
ފުށްޖެހުން
މ (1) މޫނުގައި ނުވަތަ ގައިގައި ފުށްހޭކުން. (2) ފުށް އެރުން
ފުނަށްދިއުން
މ (1) މޫދަށް އެރިގެން އުޅޭއިރު އިސްކޮޅު ނުކާ ހިސާބަށް ދިއުން (2) މާބޮޑަށް އަޑިއަށް ދިއުން
ފުނޯސްނަކަތް
ނ ހުޅަނގުމޫސުމުގެ ހަތްވަނަ ނަކަތް