radheef.info
ރަދީފު


މަ
ނ (1) ބަސް ބުނާ ފަރާތަށް ނުވަތަ އެއްވަނަ ފަރާތަށް ރައްދުވާ ބަދަލު ނަމެއް މިސާލު: މަނުދަން (2) އަހަރެން
ރަމަ
ނ އާތްވެގެން ރަނޑުވެގެން ތުއިވެގެން އުޅޭއުޅުން
ރަމަން
ނ (1) ބޮލުގެ ހަމުގައި ތަތްލައިފައި ހުންނަ މިލަ (2) ބޯބާލާއިރު އޮމާންނުވެ ހުންނަ އިސްތަށިކޮޅު
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ
ރަމަންބޯ
ނ ރަނގަޅަށް އޮމާން ނުވެ ހުންނަ ބޯ
ރަމަންކެހުން
މ ބޯބާލާފައި ކުރަފަތުން މިލަ ކަހާ އޮމާން ކުރުން
ރަމަކަކިޑި
ނ (ސ) ( (1) ރަތްކަކުނި (2) ހުލިހުލި ކަކުނި
ރަމަވުން
މ އާތްވެގެން ރަނޑުވެގެން ތުއިވެގެން އުޅުން
ރަމަދު
ނ ލޮލު ރޯގާ
ރަމަދުޖެހުން
މ ލޮލުރޯގާ ޖެހުން
ރަމަތަ
ނއ (1) ހިމޭން (2) ކިޔަމަންތެރި (3) މައިތިރި (4) ނ ހަމަޖައްސާ ހަމަޖެއްސުން
ރަމަތަކަން
ނއނ (1) ހިމޭންކަން (2) ކިޔަމަންތެރިކަން (3) މައިތިރިކަން (4) ހަމަޖެހޭކަން
ރަމަތަކުރުން
މ (1) ހަމަޖެއްސުން (2) ކިޔަމަންކުރުން (3) މައިތިރިކުރުން (4) ހިމޭންކުރުން
ރަމަތަވުން
މ (1) ހަމަޖެހުން (2) ކިޔަމަންތެރިވުން (3) މައިތިރިވުން (4) ހިމޭންވުން
ރަމަލިދިރުމި
ނ )ބދ ( އަސްދޫނި
ރަމަލު
ނ (1) ރޮނގުތަކެއް ކުރަހައިގެން ޣައިބުގައިވާކަންތައް ހޯދާ ކަމަށްބުނާ ޢިލްމު (2) ފާލު
ރަމަލު ޖެހުން
މ ރަމަލުގެ ހިސާބު ކުރުން
ރަމަލުބެލުން
މ ރަމަލުޖެހުން
ރަމަލުވެރިން
ނ ރަމަލުބަލާމީހުން
ރަމަޟާން
ނ (1) ރޯދަމަސް (2) ހިޖުރީ ކަލަންޑަރުގެ ނުވަވަނަމަސް