radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
އަންޑޯސާ
ނ (1) ހިމާރުގެ ފިރިހެން ހަށި. (2) މަޖާޒު: އިންސާނުންގެ ބޮޑެތި ފިރިހެން ހަށި މިއަށް "އަނޑޯސާ" ވެސް ކިޔައެވެ
އަރާފައިބާވައި
މ އުރަވަޅީވައި މިބަލީގައި ވާގޮތަކީ އުރަވަޅިއަށާއި އެއްކޮށް ދަށްބަނޑަށް ތަދުވަނީއެވެ ބައެއް ފަހަރު އުރަވަޅި ބޮޑުވެސްވެއެވެ
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަރުވައިބާލާލަވަ
ނ ދަނޑިބެރުގައި ޖަހާ އާދައިގެ ލަވައެއް ނަމަވެސް މިލަވަޖަހަނީ ރަދުން އިންނަވައިގެން ބެރުޖަހާ ތަންތާނގައެވެ
އަރުވާޖެހުން
މ އަނދެގެން ހުންނަ އެއްޗެއް ކޮށިކުރުން މިކަން ގިނައިން ކޮށް އުޅެނީ ކޮންމެވެސް މަސައްކަތެއް ކުރާންވެގެން އަނދެގެން ހުންނަ އެއްޗަކުން ދަތިވަންޏާއެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަބުއި
ނއ (1) ގެއްލުންދެނިވި (2) ޢިއްޒަތްތެރި (3) ރައްޓެހިނޫން (4) ބެހެންނުވާ (5) ހައިބަތުހުރި މިސާލު: ކުޑަކުދީން ނުބެހެންވީ ކަންތަކާ ބެހެން އުޅެފިނަމަ ތިޔައީ އަބުއިކަމެކޭ ބުނެއުޅެއެވެ ޢިއްޒަތްތެރީންނާ މެދުވެސް އަބުއިމީހެކޭ ބުނެއުޅެއެވެ
އަބޫނާ
ނ ރަސްކަމަށް ކޮލިލާ ދުވަހު ގުރުދަކިއުމާއި އަދިވެސް މިބާވަތުގެ ބައެއް ކަންތައްކުރުމަށް ދަޢުލަތުން ޢައްޔަންކުރާމީހާ
އަޅައިގަތުން
މ (1) އެއްޗެއް އެއްޗެއްގައި އެޅޭ ގޮތްވުން (2) އެއްޗެއް ތާކު ދަތިވުން (3) މަޖާޒު: ލޯބިން ނުވަތަ ރުޅިއައިސްގެން މީހަކާ ނުވަތަ އެހެންވެސް އެއްޗަކާ ބެހިގަނެގެން އުޅުން
އަޅޯސާ
ނ ބޭސްހަދަން ގެންގުޅޭފަތެއް. މިފަތް ހުންނާނީ ދަތްކުރަނދު ފަތްހެން އެއަށްވުރެ ބޮޑެތި ކޮށެވެ މިއީ މޭގެ ބަލިބައްޔަށް ރަނގަޅު އެއްޗެކެވެ މީގެގަހަކީ މެދުމިނުގެ ގަހެކެވެ މިއަށް "އާޑައްތޮޑާ" ވެސް ކިޔައެވެ
އައިހަ
ނ އަންހެނުންނަށް ކިޔާވަނަމެއް "އަތްހަ" ވެސްކިޔައެވެ
އައިނަށްއެރުން
މ (1) މަސްއައިނެއްގެ ދޮށަށް ގޮސް އެންކެއްވުން (2) މަޖާޒު: ހުސްހަށިބައި އަންހެނަކު ގޮވައިގެން އުޅުން (3) ކޮންމެވެސް ކަމަކު ބޮޑެއްގެ އަރިހުގައި ޖައްސާލައިގެން އުޅުން
އައުކަން
ނއނ (1) ބައުކަމުގެ އިދިކޮޅު (2) ތާޒާކަން މިބަސް "އާކަން" މިހެންވެސް ކިޔައި އުޅެއެވެ
އައްދޯ
އ (1) އަނެކަކަށް ލިބުނު އުފަލަކުން ނުވަތަ އަނެކަކު ކުޅަ ކަމަކުން ތާރީފާ އެކު ސާބަސް ދިނުމުގެގޮތުން ބުނާ ބަހެއް މިބަސް މީގެ އިދިކޮޅަށްވެސް ބުނެއުޅެއެވެ (2) ލިބޭ ވޭނަކުން އަސަރުކޮށްގެން އެކަން ފާޅުކުރާން ބުނާ ބަހެއް މިބަހަށް "އަތްދޯތް" ވެސް ކިޔައެވެ
އައްސި
ނ (1) ހަށިގަނޑުގެ ކޮންމެވެސް ތަނެއްގެ ޙިއްޞުކުޑަވާ ކުޑަވުން (2) ގައިގައި އެއްޗެއް ބީހުނީމާ އެނގޭ ގޮތް ކުޑަވާ ކުޑަވުން
އައްސިދަ
ނ (1) ހުޅަނގުގެ ފުރަތަމަ ނަކަތް ނަކަތް ކިޔަން ފަށަނީވެސް މިނަކަތުންނެވެ (2) މިނަކަތުގެ ތަރިތައް
އަވިހި
ނ (1) ދޮންދޫނި ތެރޭގެ ބާވަތެއް މި ހުންނާނީ ދޮންދޫންޏަށްވުރެ ކުދިކޮށް ރަތްކޮށްނެވެ މިއުދުހޭނީ މާ އަވަސް އަވަހަށެވެ (2) ނަކަތް ކިޔާއިރު ހުވަން ނަކަތުގެ ކުރީން ކިޔާ ނަމެއް އެކަމަކު މިއީ ދުވަހެއް ނާންނަ ނަކަތެވެ އަށާވީސް ނަކަތް ހަމަވަނީ މިނަކަތް ލައިގެންނެވެ (3) މަޖާޒު: ހަލުވިކޮށް އުޅޭ މީހުންނާމެދުވެސް މީގެ މިސާލު ދެއެވެ
އަމަނެތުން
ނ (1) ކުޑަކުޑަ ތަންވަޅެއްވެސް ނުދިނުން (2) ފުރުޞަތެއްނެތުން
(2) އަމުދުން ބަލާ! އަމުދަކުން
ކއ (1) އެއްގޮތަކަށްވެސް
އަމުދުން
ކއ (1) ގަސްތުގައި (2) އެނގިހުރެގެން (3) އެއްގޮތަކަށްވެސް (4) މުޅީންއަނެކާ ހީކުރާގޮތަށް ނޫންކަން އެންގުމަށްބުނާ ބަހެއް މިސާލު: އެތާހުރީ އަމުދުން މަށެއްނޫނެވެ