radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
ނަހައްދުކަމާމަތިވުން
މ ޒިނޭއަކާ މަތިވުން
ނަހީކުރެއްވުން
މ ކަމެއްކުރާން މާތް ﷲ މަނާކުރެއްވުން
ނަންހިނގުން
މ މަޝްހޫރުވުން
ނަންހުތުރުވުން
މ ބަދުނާމުވުން
ނަންބަރަށްގޮވުން
މ ނަންބަރު ނަގައިގެން ވަދެވޭ ތަންތަނުގައި ބޭނުންވާ ނަންބަރުގެ މީހާ އަންނާން ގޮވުން
ނަންކިއުން
މ (1) ކުއްޖާއަށް ނަންދިނުން އާއްމުކޮށް ނަން ކިޔައިއުޅެނީ ކުއްޖާގެ އުމުރުން ހަތް ވަނަ ދުވަހުއެވެ (2) އެއްޗަކަށް ނުވަތަ ތަނަކަށް ކިޔާނޭ ވަކިނަމެއް ކަނޑައަޅައި ފާޅުކޮށް އިއްވުން
ނަންއިވުން
މ (1) މީހެއްގެ ނުވަތަ އެއްޗެއްގެނަން ގިނަމީހުން ކިޔާތީ އިވުން (2) މަޝްހޫރުވުން
ނަންވުން
މ މަޝްހޫރުވުން
ނަރަށްކިޔުން
މ (1) ވަލެއް ނުވަތަ ފަށެއް ކިރިޔާ ކަނޑައިގެން ނުދާވަރަށް ވާންވުން (2) މަޖާޒު: ކޭކޭނުން ބަނޑަށް ވާންވުން
ނަރާފަތެކޮނޑުން
މ )ގ.( ޅަރުކުގެ ކުރުއްޕަތް ރޫޅި ފަންވަތުގެ ފަންފޮޅޭ ވަރަށް ރުއް ބޮޑުވުން
ނަރިފައިވުން
މ )ސ ( (1) ގަހުގެގޮފި ދެރަވެފައިވުން (2) ނިކަމެތިވުން
ނައިބުފަތް
ނ (1) ނާއިބުކަން ރަށްރަށުގެ މީހުނާ ހަވާލުކުރާއިރު މަހުކަމަތުއް ޝަރުޢިއްޔާއިން ދޭފަތް މިފަތް އެރަށްރަށުގެ ރައްޔިތުންނަށް ކިޔައިދިނުމީ ލާޒިމް ކަމެކެވެ (2) އިހުގައި ކޮންމެ އަހަރެއްގެ ރަޖަބުމަހު 6 ވަނަ ދުވަހު ފަޑިޔާރު މަނިކުފާނުގެ ފަރާތްޕުޅުން ދީނީ އަމުރު މަޢްރޫފު ހިންގުމަށް އަންގަވާ އެންގެވުން ލިޔެފައިވާ ކަރުދާސް
ނައްޓައިލުން
މ (1) "ނެއްޓުން" މިބަހުގެ ލުއިގޮތް (2) މަތީގައި ހުރިއެއްޗެއް ނުވަތަ މީހެއް ވެއްޓޭގޮތަށް އެހުރިތަނަކުން ވަކިވުން (3) ތަނެއްގައި ތަތްވެފައިހުރި އެއްޗެއް ވަކިކޮށްލުން (4) އުޅަނދެއް ދަތުރަށް ފެށުން (5) މިސްރާބުން ކަސިޔާރުވުން
ނަވަގެއްލުން
މ (1) މީޒާނަށް އެރުވުން (2) ގުނަހެޔޮތޯ ބަލާން ގުނަކުރީމާ ލިބުނުބަޔާއި އެއްކުރީމާ ލިބުނުބަޔާ ދެބައިވަކީން ނުވަޔަކުން ކަނޑައިގެން ޢަދަދު ނެރުން
ނަމަ
އ ނަމަވުން މާނަކުރުމަށް ބޭނުންކުރާ އަކުރެއް. މިސާލު: ކަލޭއައިނަމަ އަހަރެން ދިޔައިމުސް
ނަމާދަށްގޮވުން
މ ބަންގިގޮވުން
ނަފާވުން
މ ފައިދާވުން
ނަފުރަތުވުން
މ ނުރުހުންވުން
ނަލަހެދުން
މ ރީތި ފޭރާން ލައިރީތި ގަހަނާއަޅައި ޒީނަތްތެރިވުން
ނަލަވުން
މ (1) ޒީނަތްތެރިވުން (2) ރީތިވުން